مني ساليت جمعت ديك الروينة و طبعا هوايتي المفضلة ، نجلس فالجردة بالليل ، جبت تليفوني من البيت و هبطت كنجري فالدروج ، جلست فواحد الطبلة تماك ، بقيت جالسة مدة كنفكر فشنو تابعني فهاد المدينة ، كنفكر فحياتي ، تا حسيت بشي حد جلس حدايا ، درت لقيتو فهد ، كان كيشوف فالسما ، بقينا ساكتين ، تا بدا بورطابلي كيصوني .
انا : ألو
ماما : ألو بنتي
انا : ماااما ( معرفتش فحال اول مرة كنسمع صوتها ) بغيتك ( منقدش نقوليها توحشتك هي فاهماني و مني كنت صغيرة فاش كنت كنحس بالدنيا حاوطاتني و واحلة كنت كنقوليها بغيتك ) ماما : مالك بنيتي آش واقع ليك ؟ را قلبي طايب من جيهتك ، الدار خاوية بلا بيك
انا : ( بديت كنبكي حينت مقادراش نسمعهم داكشي لي بغاو ) م ا م ا سمحي ليا ع فا ك
ماما : بنتي مسحي دموعك الى كنت كنعني ليك شي حاجة !
خدا ليا فهد البورطابل من ودني
فهد : ألو خالتي ، روبين را بيخير و راها مسؤوليتي بلا ما تشوشي عليها ....واخا غكوني هانية عليها ...انا غندوزها ليك
ماما : بنتي ، تهلاي فراسك و ففهد مسكين را محن معانا (درت شفت فيه و حاسة بوجهي منفوخ حينت انا غنبكي يتنفخ و يولي حمر ، حرك راسو بالايجاب و كانوا عينيه كيشوفوا مباشرة فعينيا ، ماشي نظرة الغضب ديال الصباح بالعكس واحد النظرة فشكل مقدرتش نفسرها حينت يمكن معمري عشتها )
انا : واخا أ ماما ، سلمي على بابا
ماما : واخا أ بنتي و تغطاي مزيان بالليل را عارفة تماك بارد
انا : واخااا أ ماما غتهناي
قطعت معاها و ضرت شفت فيه ، قرب ليا و بقا كيشوف فعينيا ، مسح دموعي.
فهد : روبين
انا : امم
فهد : شنو دوك الضربات لي شفت فيك الصباح ؟
حدرت عينيا و دورتهم للجيهة الاخرى : مكنضنش من الضروري نجاوب عليك .
ضرب يدو مع الطابلة و ناض دخل للدار ، هاد السيد حال و عقل يلاه كيطمن فماما عليا ، آش بغاني نقوليه و انا إنسانة عديمة الاحساس .
نضت من تماك و طلعت لبيتي ، تكيت فوق الناموسية بقيت كنفكر و نعست عاوتاني .
فقت بكري حينت عندي بزاف ما يدار ليوم ،بانليا الجو دافي مقارنة مع لبارح ، توضيت صليت ، لبست قميجة بيضة و خشيتها فسروال كحل الشكل ديالو واسع ، لبست معاهم صباط طالون كحل ديال لوبوتان ، جيت فحال شي مديرة فشي شركة ، طلقت شعري و هزيت صاكي ،حطيت فيه قاع وراق قرايتي و حالتي الصحية ، رشيت شوية ديال البرفان ، و هبطت .
لقيت فهد باقي ما فاق مشيت ، شربت عصير بزربة و خليت petit mot لفهد باش ما يبداش يعرعر عليا عاوتاني .
أنت تقرأ
احبني رغم مشاعري
Romansaقصة حب لي زوينا بزاف كتبتها مغايرة على القصص لي موالفين ? نتمنا تعجبكوم
