قدري أن أحبك

الجزءالسابع :-غيرة واهتمام

# بعد حفل الخطوبة بأسبوع
تجلس ازل في الصالة جاءت يقين قالت:-حتصيرين دبة كافي وبعدين ع كيفج جاي تخلين جيس الجبس كلة بلقمة وحدة
ازل:-يمعودة من التوتر ماصدك اليوم ينطون اسماء الداخلات بكلوريا واني خايفة
يقين:-ليش بشكد راسبة
ازل:-بس الكيمياء
يقين:لعد ليش خايفة معناها داخلة
ازل:-مدري بس متوترة
يقين:-وانتي حوراء شبيج دا تاكلين بأضافيرج
حوراء:-هم خايفة
كان حسن في المكان تدخل قائلا :-بلا علل كسلانة حوري شبيج انتي شاطرة
ازل:-شفيئ لخاطر اللة مو وقتك ترى كلش متوترة
حسن:-اكو احد متوتر هيج يلحك يخلي مكياج
ازل:-كذاب اصلا ولا مخلية شي
حسن:-صدك
ازل:-اي واللة
حسن:-عجيب اشو حلوة
ازل:-شنو؟!
حسن:-لا ماكو اكول لو كيلو مكياج ماتصيرين حلوة
ازل:-ترى سمعتك
حسن:-اني راح اروح للدوام ...حوري خابري بس ترجعين اريد اطمن عليج ......
اما محمد الذي خرج للتو من غرفته قال:-حسون شنو هاي ولا مرة عزمتني ع سيارتك الجديدة
ازل:-اي بخيل وماشايف
حسن:-علل لاتدخلين
ازل:-بخيل مغرور معقد
حسن:-شمسوي بلا اني بس معذورة خبلة مالومج
ازل:-اي واللة حسن راح اتخبل من السادس
حسن:-لا ان شاء اللة ناجحة حتى تصيرين وياي بالكلية وتضوجيني واضوجج
ازل:-اي واللة الاواطلع عينك
ابتسم حسن وذهب ........
عادت كل من ازل وحوراء كانت ازل تبتسم بل ترقص اما حوراء فقد كانت تبكي اقترب منها زين قال:-هاي شبيج حوري بس لا راسبة
حوراء:-لا دخلت
عباس :_لعد ليش تبكين
حوراء:_من الفرح
زين:-مبروك
عباس:-مخبلة انتي هبطتي الضغط مالتي
حوراء:-انتة شكو
عباس:-مدري اول مرة اشوف وحدة تبكي
حوراء:-صدك؟!
عباس:-اي البنات بس يضحكن من اجي يمهن
حوراء:-هههههه
عباس:-ليش تضحكين مامصدكة
حوراء:-لا صدكت ههههه
عباس:-بس ضحك واللة صدك اواريج صورهن
حوراء:-لا يابة صدكت ....
زين:-ترى عباس ماخلى وحدة بكندا ماواعدهة
حوراء:-كنديات
زين:-كلشي عربيات واجنبيات كلهن يضحك عليهن ويكذب
ضربه عباس قال من بين اسنانه:-زودتها كافي
زين:-ماكذبت اني
حوراء:-اني اروح اخابر حسن .....الو حسن اني دخلت ..اي ...تسلم....اي راح اكوللها
نادت حوراء على ازل:-ازل يكول حسن حرامات داخلة
ازل:-اخوج خبيث بس عادي لان فرحانة راح انساها
بعد تكلم حوراء مع حسن دخلت الى الغرفه فقلت الى زهراء
:اكلج صدك بنات الاجنبيات حلوات
زهراء: اكيد حلوات بس ليش تسألين
حوراء: لا هيجي مجرد سؤال خلي اروح لامي اخبرها نجحت ٠٠٠٠
حوراءفي داخلها((شلون احجي هيجي اوف اكيد عباس يصاحب بنات شاب حلو وعايش بلخارج )))
من خلفي قالت لي زهراء: شو تسولفين على نفسج شنو تخبلتي من دخلتي بكلوريا
حوراء: اوف معليج شتريدين واكفة وراي
زهراء: اكيد لا بس توني اجيت
حوراء: خوش امي وين
زهراء: مثل كل يوم هي وخالتي ام محمد يسولفن على خالتي ام عباس
حوراء: راح اصعدلها ٠٠٠٠فوصلت الى امي فقلت
:ماما دخلت بكلوريا
ام حوراء :مبروك حبيبتي
حوراء: خوش راح انزل تريدين شيء
ام حوراء:اي راح يأجون بيت خالج
حوراء: اوكي