قدري أن أحبك

الجزء التاسع موعد💕💕

كانت كل من ازل وحوراء تتشاجران لان ازل تقرأ بصوت عالي وحوراء لاتركز قالت حوراء: ازل يمعودة نصي صوتج ترى واللة مادا اركز
ازل:-مااعرف اقرا اله هيج
حوراء:-مو اني بالليل اقرأ رياضيات والرياضيات يرادلها تركيز
ازل:-اوووف واللة كيفي لي مو عاجبة يطلع برا
يقين:_بس كافي ترى داخ راسي واني هم اريد اقرا
حوراء:-يقين احجي الحق يعني يرضيج اطلع برا اني علمود ازل
يقين:-اي اذا ماعاجبج طلعي برا
حوراء:-هيج يعني خوش اني طالعة اخذوا راحتكم
خرجت حوراء من الغرفة وهي منزعجة وتكاد تبكي لا تفهم تصرفات يقين معها في الفترة الاخيرة فهي دائما تضايقها وتتشاجر معها بدون سبب لم تستطع التركيز في الكتاب شغلت التلفاز اخذت تقلب وجدت فلم لممثلها المفضل((كيانو ريفز)) كانت مندمجة مع الفلم ولم تنتبه لدخول عباس الذي لم يضيع فرصة اخافتها قال بصوت مرتفع :-فستقة
حوراء صرخت ثم قالت:-خوفتني
عباس:-شنو هاي عايفة القراية وملتهية بالتي في
حوراء:-اول مرة صار شهر من بديت اقرأ احس نفسي راح انفجر من الملل
عباس:-ومن يمته تحبين الافلام الاكشن
حوراء:-مااحب الاكشن احب الممثل مستعدة اشوف اله فلم مابيهة لاقصة والااخراج زين
عباس:-شدعوة
حوراء:-باع لشكله شكد حلو
عباس:-من يمتة تحجين عن ولد هيج
حوراء:-ليش هو ولد عادي ممثل تدري اكو فلم بالسينما اتمنى اروح اشوفة
عباس:-كملي امتحانات واللة كريم ...بس شبيج شكلج راح تبجين
حوراء:-انطردت من الغرفة
عباس:-يا ليش
حوراء:-مدري اتفقوا عليه وهسة استحي ارجع للغرفة لان اني الي طلعت
عباس:كعدي ساعة وبعدين ارجعي للغرفة اكيد ينسن الموضوع وبعدين هنة الي لازم يستحن مو انتي
حوراء: صحيح وانت شبيك ضايج
عباس:ماكو شيء بس احسهم كاعدين يتجاهلوني
حوراء: منو
عباس:حسن ومحمد
حوراء: اوف انت تعرف انو حسن عصبي وهيج يتعامل واي ناس بس واللة قلب طيب
عباس:صح بس حتى محمد ماكعد يحجي وياي
حوراء:-معقولة محمد حباب وطيب وردة مايسوي هيج
عباس بغضب وغيرة:-شدعوة هالدرجة ملاك بعيونج محمد وبعدين يعني اكذب اني
حوراء:-لا يمعود لا تزعل انت الثاني ترى واللة مو قصدي بس الي اعرفة انو محمد طيب
عباس:-مبين انتي تعرفي زين
حوراء:-صراحة لا مو كلش بس من انتو اجيتوا وعشنا سوة تقربنا من بعض اكثر لان قبل مابينة علاقة احنة وبيت عمي مع انو احنة جوارين بس نلتقي الجمعة بيت بيبي
عباس:-معناها اني حباب ووردة وطيب
حوراء:-شدخل
عباس:-مو بسبب بابا احنة عشنا سوى
حوراء:-صحيح بس ترى بسبب بيبي عشنا سوى مو سبب ابوك بسبب ابوك احنة اتفرقنا
عباس:-معناها انتي هم تكرهي لبابا
حوراء:-لا واللة هذا عمي شلون اكرهه بس الحق يقال وبعدين منو يكره ابوك
عباس:-عمامي وزوجاتهم وحتى اخوتج وخوات محمد وعمتي فرح حتى اني وزين تكرهنا
حوراء:-غلطان هذا مو كره هم بس ضايجين منه لان باع البيت وهاجر بدون مايكول واكيد خطة بيبي راح تجيب نتيجة
عباس:-ان شاء اللة
وفي هذة الاثناء دخل زين قال :-حوري جاي تباعين تلفزيون
حوراء:-هاي شنو مسوية جريمة اليوم اني. انتة واخوك تحققون وياي
زين:-لا مو هيج بس اني اريدج تطلعين معدل عالي
حوراء:-يمة اوي للحلو الي خايف على اختة
عباس ابتسم له اما زين فقال:-اني مو اخوج اني ابن عمج
حوراء:-ولاتهتم يا حلو انة بنت عمك ولي الشرف
عباس:-الساعة ١١ما تنطمر اتنام
زين:-شايفني يمك طفل بعد ووقت اريد اباوع فلم وي حوري
حوراء:-صدك هم تحبه لهذا الممثل
زين:-اموت عليه كل افلامه شايفهن
عباس:- من يمته اصلا ماتعرفه انتة
زين:-كيانو ....شايف اجزاء ماتركس كلهن شنو فلمج المفضل حوري
حوراء:-سويت نوفمبر وبيت البحيرة وبعد هواي
عباس:-انتو بطرانين ترى مو حلو اني احلى
زين:-معناها كوم لا تباوع ع االفلم
عباس:-بكيفي اريد اكعد ترى لصاله مو بس الك
حوراء:-هاي شبيك عباس عقلك وي زين ترى صغير انتة الكبير المفروض ما تتعارك وياه
عباس:-لان مسوي روحة كبير ويتصرف تصرفات كبار ومخلي عينة ع ناس كبار مو هيج زيوني
زين:-مايهمك انتة يجي يوم واكبر وبعدين احسن مااتصرف مثل الجهال
عباس :-منو ولك يتصرف مثل الجهال اني ااعلمك
حوراء:-بس كافي اروح للغرفة احسن اتعارك وي ازل ويقين احسن من عركتكم
عباس:-شفت بسببك كامت صار شهر ما احجي وياها مثل البشر
زين:-وليش تحجي وياها مثل البشر بس لا تحبها انت هم
عباس:-اكول ليش ماتنجب وتكوم احسن لاابسطلك وانتة ماتحبها فاهم لو لا
زين:-يعني انتة تعرف مشاعري اكثر مني
عباس:-خاب دكوم مشاعر بعدة طولك نص متر وتحجي بالحب اخذ عباس يفكر في نفسه ماهذة الحوراء التي احبها الجميع فجأه ولماذا يشعر ان قلبه سيتمزق لمجرد ان يلفظ اسمها شخص اخر حتى وان كان اخوه الصغير
دخلت حوراء الغرفة بهدوء فعلقت يقين قالت:-هاي شمو بسرعة رضيتي ودخلتي
حوراء:-اي كملت قراية وراح انا
يقين:-اي نامي شمنتظرة
حوراء:-يقين شبيج مسويتلج شي اني مزعلتج
يقين:-لا مامسوية شي اروح اغسل وارجع انام احسن شي
حوراء:-براحتج
اقربت حورا من ازل فقالت لها :اكلج يقين شبيه عليه اشو متغير معاملتها اويايه
ازل:واني شمدريني بيها
حوراء:-ترى اعرف بيج كل شيء تعرفين عنها لو تقولين اي شيء ماراح صدقج
ازل:-شنو قصدج
حوراء:واللة قصدي واضح انتي تعرفين كل شيء يصيربالبيت
ازل:اوف اصلا اني ماهتم بلبيت بس كل شيء يوصل يمي
حوراء: شنو هسة تقولين لو لا
ازل:يعني ولا واحد قالج شصار بلبيت
حوراء: شنو شصاير
ازل: بيبي جمعت حسن و عباس و محمد وقالت اختاروا منو تريدون تزوجون من عدنا ومحمد اختار يتزوجج
فيقين تحب محمد لذلك هي هيجي تتعامل وياج
حوراء: وبيبي شلون هيج تسوي
ازل:ماعرف بس عباس اختارني
قالت حوراء بحزن:-شنو؟! عباس اختارج....زين ويقين اكيد حسن اختارها
ازل بسرعة وغضب :-لا طبعا اصلا اخوج المغرور مااختار اي وحدة واذا يريد فأكيد حيختارني اني
حوراء:-وليش يعني
ازل:-لان اني احلى وحدة ...عوفج من هالحجي انتي شنو رأيج بمحمد
حوراء:-ههه من ياناحية
اازل'-كزوج يعني
حوراء:-مااعرف اني ماحبة بهيج طريقة هو مجرد اخ واصلا ولا مرة مفكرة بي هيج
ازل:-ها يقين سمعتي
حوراء التفت بسرعة وجدت يقين في المكان قالت:-ايقونتي زعلانة مني لهسبب التافه
يقين:-محمد مو سبب تافه وبعدين شنو حضرتج متفضلة علية انو متريدين لمحمد
حوراء:-ههههه لج بس يقين مايلوكلج شغلة الشر هاي عوفيها لازل
ازل:-احتركوا نفسكم اصلا عندي خطة تخلي محمد يزوج يقين بس ماراح اكولها الكم
يقين وحوراء:-لا حبابة كولي
ازل:-شراح تنطوني
يقين:-اي شي تريدي
ازل:-لازم تخلين محمد يحبج
يقين:-لا عليج اللة صدك تحجين لعد اني صار عشرين سنة شنو اسوي
ازل:-تلعبين كنتي
يقين:-شنو قصدج
ازل:-لازم تخلينة يحبج مو تحبيه
يقين:-شنو اسوي
ازل:-اول شي اهتمي بنفسج وخلي يشوفج احلى وحدة بالبيت والكليه
يقين:-شلون
ازل:-بطلي ستايل الاطفال الي تلبسي هذا اوكي
يقين:-لبسي مالت جهال
ازل:-اي
يقين:-اوكي وبعد
ازل:-اهتمي بي خلي يحس انو هو اهم واحد بالكون
يقين:-عزا اكثر من هذا
ازل:-الي تسوينة مو اهتمام الي تسوية يسمونة لزكة
يقين:-اني لزكة
ازل:-لزكة وخبلة
حوراء:-يقين انتي شو كاعدة وهاي تقصف بجبهتج طارت الجبهة يمعودة بس
يقين:-صدك ازل بس
ازل:-خوش مايهمني اني اذا حوراء صارت مرت اخوية
يقين:-غير اذبحها
حوراء:-اسم اللة ازل طيرتي جبهتها اني شكو تموتني
يقين:-اكول اني متعجبة صراحة ليش محمد اختارج شنو الي مميز بيج اشو مو حلوة
حوراء بحزن:-صحيح اني محلوة اني انام حتى ابقى ورى صلاة الفجر اقرأ
ازل بهمس:-هاي شنو يقين ليش كلتي هيج ترى حوراء وردة ماتستاهل هيج
يقين:-مااعرف الغيرة عمتني
ازل:-صالحيها
اقتربت منها يقين وهي نائمة وقبلتها قالت:-فستقة ع كولت عباس اسفة ماقصد واللة اصلا انتي حلوة
حوراء:-مازعلت
ازل:-ترى يقين متقصد وهي طول الفترة الي فاتت تقلدج باللبس وحتى الكلام تريد تصير بجمالج
حوراء:-معقولة
يقين:-اي واللة
ازل:-سوي الخطوات الي كتلج عليها وهو يصير يعشقج
يقين:-ان شاء اللة
في الصباح كان دور ازل في العمل المنزلي كان وقت الغداء معها بنين الى جانبها كانت تعظ الرز قالت بنين:-حسن ميحب الكشمش على الاكل لاتخلين
ازل بخباثة:-صدوك اوكي واخذت الكشمش كله ووضعته على الاكل في وقت الاكل صرخ حسن قال:-منو الثولة الي مخلية كشمش
ازل:-احترم نفسك
حسن:-يعني انتي الي خليته
ازل:-اي مادري بيك متحبة
بنين:-كذابة اني كوتلج ميحبة
ازل:-نسيت
حسن:-اللة ياخذج خوش احب التمن وي مركة البامية
الكل:-اي واللة محلو بس شنسوي ناكلة
ازل:-تستاهل عبالك نسيت سالفة الفلفل الي بالبيتزا
حسن:-حقودة وقام من مكانه كان في غرفته عندما اتت ازل لتنظف كان نائم على سرير عباس سألت ازل :-وين جرباية محمد وعباس
حسن:-ليش
ازل:-اريد انظفهن بس انتة مانظفها جربايتك وانطيني ملابسهم الوسخة اريد اغسلها ماعدا ملابسك ااوكي
اشار لها على سريره وقال انه لعباس كانت ترتب الدرج وجدت السوار الذي كان يريد حسن ان يعطيه اليها اعتقدت انه لعباس فكرت لمن سيعطيه اعتقدت انه ليقين اخذته له قالت :-عباس لكيت هذا السوار بجرارتك المن؟!
عياس:-يا جرارة اني ماعندي هيج سوار
ازل:-متأكد اني لكيتة من نظفت الغرفة
عباس:-لحظة وين جربايتي اني الي يم الشباك اصلا لكيتها مامرتبة ليش عايفتها وحتى ملابسي عفتيهن ماغسلتيهن
ازل:-صدوك ايا حسن الحقير اله اموتة اليوم
كان حسن يجلس في الحديقة اتته ازل مسرعة وصرخت بوجهه
ازل:- ايا حقير ياحسن
حسن:-خير شمسوي
ازل:-وتسأل ياتافه
حسن:-لحظة هذا السوار منين
ازل:-لكيته بدرج عباس
حسن:-بس هذا الية
ازل:-بالظبط خليتني اشتغل الك واغسل ملابسك واكويهن
اخذ السوار من يدها بسرعة وقال:-تستاهلين وحدة بوحدة
ازل:-ترى كلة كشمش خليته بالاكل مو سم
حسن:-حتلو اني اكره الكشمش
ازل:-لا تعتقد انساها الة اردها الك ..بس صدك هذا السوار المن
حسن:-جبته هدية لوحدة
ازل:-منو بنية؟!!
حسن:-اي بنية قابل حيوانة
ازل:-معقولة
حسن:-اي معقولة اريد اصارحها ومن اصارحها انطيها هذا السوار
ازل:-صاير رومانسي
حسن:-اي تستاخل حبيبتي اصير رومانسي
ازل:-اللة يصبرها عليك شلون تتحملك
وغادرت المكان وهي تشعر بالحزن والفضول والغضب ولاتعلم ان هذا الشعور هو شعور "الغيرة "

عباس
كنت اسير في المول مع اصدقائي ورأيت اعلان فلم لممثل حوراء المفضل اردت الدخول ولكن غيرت رأيي اخذت افكر لماذا انا افكر بها دائما ولماذا اتذكر فلم ممثلها المفضل فكرت بفرحتها لمجرد قدومها لمشاهدة الفام قلت لنفسي انه جزء من خطتي لايقاعها بغرامي ولكن الواقع انني اريد ان اخرج معها بموعد سادعوها للسينما وسيكون هذا اول موعد غرامي بيننا وجدتها تعد الطعام كانت تبدو غايه الحنال ماهذا اول مرة ارى فتاة في المطبخ جميلة عادة تعجبتي الانيقات اللاوتي يضعن المكياح و يرتدين اجمل االملابس فلماذا تعجبني فتاة بملابس البيت ولا تضع مساحيق التجميل اقتربت منها بهدوء قلت:-فستقة
حوراء:-نززتني
عباس:-ههههه اتمنى يوم ماتكول نززتني
حوراء:-مو انتة تجي بهدوء فأخاف
عباس:-كم كتاب باقي وتكملين
حوراء:-بس عربي واسلامية وانكلش
عباس:-اقريج انكلش
حوراء:-لا شكرا اني داخلة خصوصي وامير حيقريني
عباس:-امير شكو مدرس هو
حوراء:-لا كلية لغات فزين بالانكلش
عباس:-خوش المهم تفضلي
حوراء:-هاي شنو
عباس:-تذكرتين لفلم عازمج ع السينما فلم كيانو
حوراء بفرح :-صدوك شكرا شكرا بس لازم امول لماما وبابا
عباس:-لا عادي اني كلت لامج
حوراء:-بس ماما ماتقبل اطلع بوحدي وياك كلش ملتزمة هي
عباس:-هههه بالعكس اصلا كالت روحوا اتونسوا وكالت اروح وياج بحدنا
حوراء:-غريبة المهم اروح اجهز نفسي
عباس:-انتظرج بالسيارة
بعد ربع ساعة اتت جلست بالقعد الخلفي :-ماتجين هنا
حوراء:-لا مو زيوني راح يجي
عياس:-زيوني شكو جاي
حوراء:-مو هو يحب كيانو وعندي تذكرتين
عباس:-تحجين صدوك الثانية الي
حوراء:-اسفة
اتى زين حاولت ان اجعله ينزل دون فائدة بعدها اتت ازل قلت:-راح تجين ويانة
حوراء:-اني عزمتها مو هي ضايجة اليوم مدري شبيها
عباس:-اوووف وهاي بنين هم اجتي
حوراء:-اي وراح تجي يقين ورانة بسيارة محمد هي وزهراء ووشمس
عباس:-عازمة الكل
حوراء:-اي عزمت اول يقين سمعت كالت لشمس وقك
مر وزهراء فكالو يجون وي محمد......
وانتهى موعدي بدخول زين لمشاهدة الفلم معها وانا خسرت نقود للاكل والشرب على العائلة االكريمة الكل كان سعيد الا انا كم جننتني هذة الفتاة......