قدري أن أحبك

الجزء الثاني عشر💖زواج اجبار

تمر الايام ببطئ شديد وبرود وتوتر في الاجواء يعيشون في بيت واحد  ولكنهم بعيدون كل البعد عن بعض بل  عادوا كالسابق كل عائلة منعزلة عن الاخرى  تأكل و تخرج  لوحدها ويتكلموا معا  فقط لكن الابناء مازالو يعيشون مع بعض ازل لاتكلم يقين ويقين لا تكلمها لان ازل تشاجرت مع يقين بسبب كلام امها وحوراء لاتكلمها ازل لان ام ازل اخبرتها بذلك وكذلك الفتيات الاخريات لايكلمن بعضهن فقط حسن ومحمد لم تتأثر علاقتهما كانت طبيعية جدا كالسابق ان لم تكن افضل عباس مازال في كندا على الرغم من ان الجميع اشتاق له الا ان الكل يكابر ولااحد يذكره عدا اخيه زين الذي لا يفوت جلسة عائلية الا ويذكره وكذلك حوراء التي كانت تشتاق له كثيرا ولكن هي الاخرى لا تذكره ابدا......
حوراء....
مر اسبوعين على المشكلة وسفر عباس اشتاق له كثيرا ولكن انا غاضبة منه كثيرا لانه لم يودعني وخائفة جدا لانه من الممكن ان لا يعود وهذا الامر يزعجني جدا اكره ان ارى عائلتي هكذا متفرقة ويكرهون بعضهم ولكن ماذا افعل لايوجد بيدي ماافعله  جدتي لكي تقرب العائلة من بعضهم اقترحت ان نذهب مع بعضنا للمتنزه لنحتفل ونتقرب من عروس اخي الجديدة (اديان)التي تسميها عمتي ام محمد ((النحس)) ولكن انا احبها جدا هي واختها (مينا) وفعلا ذهبنا قبل الذهاب اتى عمي ابو محمد واعتذر من ابي لانه ابي هو الاكبر وكذلك اتى عمي ابو عباس واعتذر من ابي وكذلك ابي اعتذر منهما لكن زوجاتهم لم يعتذرن من بعضهم .....كنا في المتنزه تمشينا ولعب بنين ورضا وزين وكذلك قمر في الحديقة
ابي واعمامي يتكلمون في الاعمال والسياسة
ازل واختي زهراء يتنزهن مع ببعض علاقة زهراء بأزل عجيبة تحبها اكثر مني وانا اختها اما انا فعلاقتي بشمس قويه كنت اساعد امي وزوجات عمي بأعداد السفرة
قالت ام عباس:-اوفف شكد مشتاقة لعبوسي اللة لا يسامح الي زعلة وخلاه يسافر
حزنت كثيرا لمجرد ذكره اقتربت مني شمس وبصوت واطئ قالت:-اشتاقيتلة
حوراء بأستغراب:-منو؟!
شمس:-هو
حوراء:-منو؟!!
شمس:-الي ماخذ بالج
حوراء:-الحمدللة محد ماخذ بالي ترى
شمس:-اي صحيح....بس تدرين عباس دائما يراسلني ويسأل عليج بكل سالفة يجيب سيرتج وفستقة يا فستقة ذبحني ترى
لم استطع اخفاء فرحتي ابتسمت ثم اخفيت ابتسامتي قلت:-ليش تراسلينه
شمس:-اي دائما اني وياه اصدقاء ترى لا تغارين
حوراء:شموسة عوفج من هالحجي تعالي نكلب الدولمة
شمس:-اللة دولمة عباس يكول اموت على دولمة الي تسويها فستقة....
ياربي شمس مصرة على تذكيري به المشكلة انها تعرفه كثيرا......

#ازل.....

اجلس في الحديقة مع عائلتي ولكن انا في عالم اخر حيث في يدي هاتفي واضع الهتفون واشاهد مسلسلي المفضل لم اشعر الا واحد يهزني نزعت السماعة قلت:-خير شرايد
محمد:-بس كافي مسلسلات طالعين نتونس نشوف مناظر جو حلو وانتي عيونج بالتلفون بس كافي قابل راح يطير مهند
ازل :-هذا مو مسلسل مهند شكد قديم انتة هذا العريس الرائع("مسلسل تركي كلش حلو منو شايفته عله اليوتيوب")
محمد:-كلها اتراك مو مهم كومي يلا
يقين:-اي محمد مدري شلون تباوع تركي اصلا يلعب النفس
ازل:-انتي ام الكوري سكتي
يقين:-الكوري يخبل فديتهم محترمين مو مثل قلة ادب الاتراك
ازل:-بايخين ترة الكوري
يقين:-الكوريين الي مو عاجبينج الاتراك نص مسلسلاتهم وافلامهم سارقينها منهم
ازل:-اصلا.....
صاحت امي وقاطعتنا:- بس كافي تعالن ساعدن حوراء وشمس احسن
كنت اجلس قربيا من امي وام عباس سمعت ام عباس تكلم امي قالت:-ترى هو خوش ولد واللة وحباب وماشاء اللة حالتة المادية كلش زينة وبعدين ترى لاتخدعج تصرفاته ترى هو حباب وكلبة طيب وازل مستحيل تلكة واحد مثلة
كنت اعتقد انها تتكلم عن عباس ففرحت جدا ولكن صدمتني عندما قالت:-ترى مااكول هيج لان ابن اخوية
ماذا فعلا هذا الحقير يريد خطبتي المشكلة ان امي تنخدع بالكلام بسرعة وعندما تقتنع امي بالتأكيد سوف تقنع ابي هل سأجبر على الزواج به غادرت المكان كنت اتمشى لوحدي جلست على كرسي هناك اتى حسن قال:-ليش ضايجة
ازل:-ليش تريد تشمت
حسن:-لا مستحيل اتشمت اصلا ماحب احد يضوجج
ازل بفرح:-صدك؟!
حسن:-اي اكيد احب بس اني اضوجج
ازل:-يمة منك شكد خبيث
حسن:-لا صدك شبيج
ازل:-ماكو شي
حسن:-خوش معناها اني اكوم
ازل:-حسن
حسن:-نعم
ازل:-اذا الكل اتخلى عني وعافوني انتة لا تعوفني اوكي
حسن:-اوكي بس هاي شبيج خوفتيني اكو شي عبالك رايحة لمعركة
ازل:-ههه لا ماكو شي بس هيج ضايجة واحس الكل ضدي ...
حسن:-لا مثل ما كتلج الوحيد الي الة حق يضوجج هو اني...
كم ارتاح وانزعج في نفس الوقت من حسن ....مرت الايام وانقضى اسبوع اخر اعرف انه سيأتي يوم ويقولوا لي انه اتى ذلك الشاب لخطبني ولكن اعتقدت ان امي رفضت الموضوع ولكن كالعادة استطاعت ام عباس ان تؤثر على عقل امي وتقنعها بالموافقة اتت امي قالت لي مارأيك بالطبع رفضت ولكن بعد يومين اتت امي قالت ان هناك ضيوف ويجب ان ارتدي ملابس جميلة وكذلك حجاب لان معهم شاب دخلت للبيت الذي يقيم فيه عائلاتنا في الصالة تجلس امرأة اراها لاول مرة وكذاك امراه اخرى كلا الامرأتان في عمر امي ومعهم تجلس ام عباس ام حسن غير موجودة تكلموا معا بعد ان سلمت عليهم قالت المرأه التي تبدو مغرورة بعض الشئ بعد ان رن جرس الباب :-اكيد هذا ابني
ثواني ودخل شاب  اول مارأيته انتفضت في مكاني وقمت قالت المرأة:-استريحي خالة
ازل بأنزعاج :-لا خالة اني رايحة واصلا مموافقة علة الزواج
ام امجد:-حبيبتي اكعدي وتفاهمي وي الولد
ازل:-ماكو داعي
ام ازل:-ازل كعدي ماما عيب
جلست بعد الالحاح الشديد من امي وزوجة عمي في كرسي بعيد عنهم تكلمنا بصوت واطئ
امجد:-مرحبا
ازل:-لا اهلا ولا سهلا
امجد:-شلونج
ازل:-من شفتك صرت مو زينه
امجد:-شدعوة عاد هالدرجة
ازل:-اي اني من شفتك ماارتاحيتلك
امجد:-ترى واللة فهمتيني خطأ اني مجرد ردت اتعرف عليج
ازل:-تكوم تلزم ايدي
امجد:-مو انتي مانطيتني مجال
ازل:-ياسلام باع العذر السخيف
امجد:-زين اذا ماتحبيتي اقلها تزوجيني لان سويتي بية عاهة مستديمة.....
ازل:-شنو؟!
امجد:-سني انكسر من وراج
ازل:-اي احمد ربك انو محمد الي ضربك مو حسن جان هسة ميت بمكانك
امجد:-حسن منو
ازل:-حسن تاج راسك
امجد:-اوف تاج راسي مرة وحدة مبين حبيبج
ازل:-احترم نفسك لاتتجاوز حسن ابن عمي واتي اصلا مامضطرة اتحمل هالمهزلة اكوم احسن
امجد:-لعد قبلتي تشوفيني اذا هيج
ازل:-لاتحلم هواي ترى اني ماعرف انتة جاي لو اعرف ماجان خليتك تشوف خيالي حتى
امجد:-ترى احبج من صدك
ازل:-واني اكرهك من صدك
قمت وتركتهم كنت متضايقة جدا ....
حسن.....
كنت اتقلب في فراشي واتنفس بغضب. صوت عالي :-اووووفففف
محمد:-هاي شبيك حساني هيج ضايج ومشتاق لعباس
حسن:-لاتخليني ابدي ياعباس يا بطيخ ..
محمد:-لعد شبيك ضايج
حسن:-معقولة متعرف يعني هذا الحقير امجد شعندة اجة اليوم لا وجماعة مخلين ازل تحجي وياه
محمد:-شأسوي ياحسن حاولت اقنع بابا وماما بس مافاد
حسن:-لا تكول هيج ياخي تضوجني بالزايد يعني انتة مو رجال ماعندك كلمة ولك لازم تكسر راسة
محمد:-احترم نفسك حسن مالة داعي هالكلام وبعدين اني اعرف ازل ولسانها ممكن تسوي الي اني ماكدر اسوي وبعدين نسوان شكد كاعدات والولد حجة وياها وبعدين محد يكدر يجبر ازل على شي
حسن :-مثل ما جبرتوها تشوفه راح تجبروها تتزوجه
محمد:-اني اتصرف اذا صار هيج
حسن:-ليش اني انتظرك تتصرف لمن يصير شي اني من هسة راح اتصرف ...
محمد:-حسن رجاءا لاتتدخل ترى اهلنا ماصار هواي من خلصت حربهم وبعدين محد راح يسمع كلامك .....
بقيت اتقلب بفراشي ماذا افعل كيف سأتصرف هل ستذهب ازل من يدي وتصبح زوجة رجل اخر.....