#جميله_فتنتني

السابع

#جميله_فتنتني
#اماسي_الليل
بقلمي ام مريم
#الجزء_السابع
ساره :بنين يعني شنو لازم يخطبها ويتزوجها يكدر يگول ما اريدها
بنين :ما ادري ساره والله قلبي راح يطلع من مكانه ياربي اجبر بخاطري وخاطر هاليتيم
سالي :بنين ليش حمزه شنو جانت عنده مشكله تگولين العرقله الاولى
بنين :حمزه يتيم الام بسبب حادث هو وياها هي ماتت وهو فقد قدم رجله يستخدم عكازه وبعدها علمودي خله قدم اصطناعيه
ومن ذاك اليوم لليوم يركض بالشغل لحد ما اشترى بيت حتى من يخطبني عندي بيت ما اكعد ويا مرت ابو ماصارله اشهر من اشترى البيت والولد كلش طيب وابن ناس
ساره :ماكو حل نكدر نغير قرار مالك
بنين :ساره انت تكدرين تساعدي فدوه ..........تن تن
اوگفي هاي تلفوني وصلته مسجات طلعته من جيبي( بنين مالك اليوم نهى اخر امل عندي )
بنين: كتبتله حمزه عفيه لتوافق طلعلك حجه وربك موجود
ساره : بنين لتخافين اني وياكم تريدين اماسي الليل احجي ويا مالك
بنين لا عفيه مو هسه خلي نشوف بلكت حمزه يكدر يأثر عليه ويشوفون احد غيره
مالك:كل الموجودين وباقي وياهم اسولف واخذ وانطي بس بالي يم غزالتي سوت الي گتلها عليه ترخصت من عمتي والولد بحجة اصعد اغير ملابسي
طلعت لگيتها هي وبنين واگفين بالممر وحسيت ببنين اختي مو على بعضها من شافتني راحت للمطبخ
وصلت يم ساره سألتها اكو شي جاوبتني لا......... گتلها بعدين اشوفج راح اصعد ابدل
ساره :صعد مالك رحت على بنين لگيتها تبچي بقيت ما اعرف شنو اسوي او شلون اواسيها خواتها الصغار يمها طلعت من المطبخ وصعدت دكيت باب غرفة مالك فتح الباب سالني ها ساره
گتله اريد احجي وياك جاوبني عن شنو جاوبته عن موضوع الخطبه .......سألني يا خطبه
گتله انت مو رايديك تخطب وحده شلون تقبلون بهيج عادات منو يگول الولد او البنيه مامتعلقين باحد جاوبني هاي عادات عدنا
گتله انت كذبت وطلعت من الموضوع ورطت غيرك بي گلي لا مامكذب راح اخطبج من عمي هو جاي بعد كم يوم...... جاوبته واني ما اوافق ......گلي الشيخ من يريد مره يطلبها محد يرده وانت بت عمي واني نهيت عليج معناها متصيرين لغيري
ساره :مالك اكيد دتستفزني
مالك :ساره انزلي خليني اغير ملابسي وانزل عدنا خطار مو وكتها يله يا غزالتي انزلي بعدين اشوفج ونحجي
ساره :مالك اني ما امشي بعاداتكم ولا راح اوافق
مالك :لزمت وجهها بوستها من گصتها گتلها اليوم طالعه حلوه بهالملابس
ساره :من هلكد ما اتفاجئت بكلام مالك وتودده الي بدون ادراك وخرت ياخة الدشداشه دا اتأكد من الشامه هذا مالك
هو ابتسم گلي ورا ما اعقد عليج راح تشوفيني غير الي عرفتي يله انزلي ما اريد احد ينتبه بعدين نحجي وحدنا
ساره : نزلت مثل المنومه مغناطيسيا حتى نسيت موضوع بنين وحمزه رحت للمطبخ لگيت بنين عادي دتشتغل وبادين يصبون الاكل
مرتضى : صحت يله وين صار العشى يا بنات
نزل مالك گتله ها عريس ضحك گلي جوز مني اني سبقتك وخطبت
سألته الله عليك گلي والله خابرت عمي عبد الامير وخطبت ساره منه ووافق وهسه راح اگول كدام عمتك وولدها اني نهيت على ساره حتى محد بعد يفكر بيها
مرتضى :شيخنا سلمت قلبك بيومين
مالك : مسامع القلب وما يريد يله تعال نفوت يم عمتي عيب
/دخلوا البنات يخلون الاكل.... دخلت وياهم ساره شايله ماعون مبين حار شفتها متأذيه منه واعرف ايدها الثانيه مجروحه كمت اخذت منها الماعون وخليته على السفره اكيد انتبهوا عليه اتقصدت اسمعهم گتلها انت اكعدي ايدج
بعدها مجروحه البنات موجودات من تصيرين زينه ساعديهم .......عمتي كالت وين مجروحه عمه .......جاوبتها ساره وكعت على طبله انشكت ايدي من فوك ارتاحيت مطلعت ايدها وشوفتها لعمتي
عمتي گلتلها تعالي اگعدي بصفي صارت ساره گبالي جانت نظراتها الي بيها مشاعر بادلتها النظرات ردت اخليها تطمئن بعدني نفس الشخص الي قبل دقايق حجى وياها بالغرفه
ساره :من شفته گام اخذ مني الماعون وگلي انت مجروحه بدت مشاعري تظهر تجاه مالك صار عندي اختلاط مشاعربين الفرح بين الخوف بين القلق من شخصيته
لكن بالنهايه نظراتنا عبرت عن ابلغ الكلام .........تأخروا بيت عمتي واني بقيت ما اعرف اجامل احد منهم شويه تبادلت الحديث ويا عمتي بعد العشا ...........وابنها ماهر گلي باجر انت معزومه يمنا اني اجي اخذج
شفت مالك ساكت بس يراقب
بعدها اترخصوا وراحوا لبيتهم مالك ومرتضى وحسنين طلعوا وراهم يودعوهم بقينا اني والبنات وسجاد گتلهم اني تعبت راح اصعد تصبحون على خير
صعدت غيرت ملابسي لبست دشداشه قطن قصيره بدون ردن
تمددت بفراشي افكر شلون اكدر اساعد بنين وهذا الولد
هي متكدر تشوفه وتتفاهم وياه بس اني اكدر افتهم كلشي من عنده وشلون يكدر يطلع من هالموقف
اندكت بابا الغرفه گلت ادخل
شفت مالك عدلت كعدتي
مالك:شلون تگولين ادخل وانتِ متمدده بهالملابس
ساره :مالك منو غير الي بالبيت موجود راح يدگ الباب
مالك: بنتر وشنو مرتضى والولد يصير يشوفوج هيج
ساره :ما اعرف انام الابهيج ملابس
مالك :ما كتلج لتنامين بالغرفه كلشي اللبسي ما معترض بس ميصير واحد من اخوتي يشوفج
ساره :بس مسموح الك انت تنتقد الشي وتسوي
مالك :انت تخليني اشوف وباجر ناوي احلل هالنظره
واعقد عليج