#جميله_فتنتني

الثاني عشر

#جميله_فتنتني
#اماسي_الليل
بقلمي ام مريم
#الجزء_الثاني_عشر
مالك :ادري حبيبتي
ساره :مالك ما اريد هاللحظات تخلص اريد ابقى بحضنك
مالك :ابقي حبيبتي ويايه  باجر لتجين ويانا للشركه ابقي مرتاحه لان عمي يوصل الظهر
ساره :لا اجي وياكم وقبل لا بابا يوصل ارجع
مالك :انت عندج مرض العناد
ساره :وانت عندك مرض السيطره
مالك :شكلنا راح نختم الليله بمشكله لذلك
وگفت شلتها گتلها اوديج لغرفتج احسن
ساره :ضحكت لفيت ايدي على رگبته گتله نزلني ترى تندم
مالك :ندميني بله شلون  ......قربت شفايفها على وجهي بقت تبوسني  خلتني اتجاوب وياها هي اول انسانه اجرب وياها هالمشاعر بحياتي ما اتقربت على مره هي الوحيده الي تثير غريزتي الرجوليه اريد اتملكها وتكون الي وحدي لكن بحالتها صعب احبها حتى بأسوء اطباعها
ساره :ابتعدت عنه دايخه گلي اذا هيج أتندميني اريد ابقى ندمان طول عمري .......جاوبته تصبح على خير ورايه دوام
گلي باجر تبقين بالبيت  بدون اعناد .........فتحت الباب دا اطلع گتله شيخ اذا متاخذني اروح مشي
ابتسم گلي لعد امشي

ثاني يوم الصبح  جنت كلش متكسله ومن ورا زن مالك صدك حسيت نفسي محتاجه انام وما اداوم البارحه تأخرت بالنوم
دكيت على مالك
الو صباح الخير
مالك :صباح النور
ساره :مالك مراح اجي انتوا روحوا يله حبيبي اخذ راحتك ..... ارجع انام
مالك :براحتج .......اشوفج من ارجع
ساره :كعدت الساعه عشره وشويه نزلت يم بنين صباح الخير
اگلج مصار شي من حمزه هسه اتذكرت نسيت اگلج واصل المسج مالتي بس مجاوبني عليه
بنين :اني هم ما جاوبني فتح الخط ووصلته المسجات  خلي براحته هو من يضوج يحب يبقى يفكر
اكلج اني راح اروح للسوك حسنين يوصلني محتاجه شي
ساره :اجي وياج اريد اخذ  كم شغله
بنين :وصلنا حسنين بالسياره واتفقت وياه اخابره يرجعلنا
كملت الغراض الي محتاجتها بعدها ساره دخلت لمحل تاخذ كم شغله واني وياها 
بدخلتنا شفت حمزه واگف ويا صاحب المحل لان صديقه
گتلها ساره حمزه موجود سألتني وينه اشرتلها عليه  اخذت الشغلات الي تحتاجها اني من شفتها دتحاسب خابرت على حسنين
اجتني ساره گلتلي هاج الغراض وابقي هنا  هسه اجي نسيت اخذ شغله اجيبها وارجعلج  گتلها براحتج
ساره :من دفعت الحساب سلمت على حمزه هو معرفني گتله ممكن احجي وياك اني بت عم بنين
الولد گلي اامري مرت اخويه انت اهلا وسهلا التفتت شفت بنين ماكو اتفقت وياه
گتله اشوفك برا بفلان مكان گلي حاضر  ما حجيت لبنين لان اعرفها جبانه ومراح تخليني احجي وياه مثل البارحه............ انطيتها الغراض وطلعت بحجه نسيت اشتري شغله
رحت لحمزه حجيت ويا ه
گتله احجي ويا مالك...... گله ما اريد البنيه...... اني حجيت وياه وگلي راح يحجي وياك اذا متريدها ميجبرك
وموضوعك انت وبنين اجله شويه لبين ما امهد لمالك  وانطيك خبر
حمزه :رحم الله والديج  الشيخ لان طيب الله دزله بت اوادم طيبه مثلج
ساره ترخص حمزه مني وراح  اني رجعت لبنين لگيت حمزه ضايج وواگف يم السياره
دخلت على بنين گتلها يله حسنين برا
ركبنا بالسياره  ورجعنا للبيت
مرتضى:خابرني حسنين ضايج گلي شفت ساره واگفه بالسوگ على صفحه ويا حمزه واحتراما لمالك ماحجيت  وياها كلت اگلك وانت تصرف
جاوبته ماشي
رحت لمالك گتله انت تدري بمرتك من طالعه للسوك انطتك خبر
مالك :لا ليش رايحه للسوگ
مرتضى :وحسنين شايفها واگفه ويا حمزه هي منين تعرفه
مالك :قلبي انقبض وصرت نار جاوبته  اني هسه راجع للبيت افتهم
طلعت من المكتب اغلي  شغلت السياره وطلعت بكل سرعتي وصلت للبيت ب٥دقايق /وهو الطريق بين البيت والمكتب مو اقل من ربع ساعه
دخلت للبيت شفت بنين بعصبيه سألتها وين ساره  گلتلي فوگ بالغرفه
صعدت فتحت الباب عليها لگيتها بالحمام  تسبح بدون شعور فتحت الباب ودخلت عليها فزت قبل متحجي گتلها بسرعه خلصي  البسي ملابسج واطلعيلي
ساره :فزيت من دخل عليه حتى ملحگت احتج على دخلته خفت من رده فعله وعصبيته
بسرعه خلصت  لبست ملابسي وطلعتله  لگيته واگف ينتظرني ومخلي ايده ورا ظهر
گلي تعالي هنا بعيطه رحت يمه گلي منين تعرفين حمزه
تلعثمت متفاجئة بسؤاله
جاوبته ما اعرفه بس اليوم شفته بالسوگ وسلمت عليه
بعياط وانت منين تعرفي حتى تسلمين عليه
جاوبته بخوف اتذكرت صوره شفتها بغرفة مالك 
جاوبته عرفته من الصوره الي بغرفتك   من شفته بالسوگ سألته انت حمزه  وسلمت عليه وهم هم گلي انت مرت اخويه سلم ومدح بيك وراح
بعياط وانت يا افنديه شلون توگفين بالسوگ ويا رجال غريب الناس من تشوفج شتگول
وثانيا شلون تطلعين بدون متنطيني خبر ........طلعتيني طرطور كدام اخوتي وصديقي
بتهديد شوفي هي كلمتين طلعة من البيت بعد ماكو
ساره :نترت بي شنو الغلط من الموضوع اني ممسويه شي  لتتحجج حتى متخليني اشتغل
اظاهر ارتباطنا اكبر غلطه غلطتها بحياتي
مالك : بالگوه مسيطر على نفسي گتلها شوفي لتخليني امد ايدي عليج  وهو بالفعل غلطه  حجايه زايده اندمج
ساره :انت ماعندك ثقه بيه خلص طلك اني وياك منتراهم
مالك :ضربتها گتلها يجي عمي اليوم ويصير خير اخذت مفتاح الغرفه  وقفلته عليها ونزلت
ساره :اذاني براشدي حسيت بعد مدا اسمع من قوته بس تنزل دموعي قفل عليه الباب ونزل
دگيت على بنين حجيتلها الي صار گتلها اذا سألوا حمزه  فهمي مجرد تعارف ليحجي شي غير هالكلام
مرتضى:صاير نار  خابرت على حمزه گتله لك انت ناقص غيره شلون توگف ويا مرت الشيخ بنص السوك العالم شتگول علينا
لك موصوجك صوج الي مأمن بيك ومعتبرك مثل اخوه بس طلعت
مو ادمي
حمزه :مرتضى انت فاهم غلط الله الشاهد البنيه مثل اختي وروح امي  اعرف غلطان ومافكرت بالعالم بس والله ما اتقصدت اوگف وياها ومجرد دقايق سلام ومدحتلها بمالك
لك عرضك عرضي شلون تصور اخون العشره لو اباوع على مرت اخويه والله ماشفت حتى شكلها حجيت وياها ما رفعت راسي
مرتضى :مالك ينتظرك  تعال فهمه هالحجي  والافضل الك تفاتحه تحدد موعد خطبتك من البنيه بت اخو الشيخ  حتى يبرد عليك وبنفس الوقت  متجي لمالك حجايه من ورا وگفتك ويا مرته من العالم يدرون بيك خطبت بنيه  الهالم حتى لو متعرف مرت مالك هسه يعرفوك واكيد شافوك بالسوگ وياها راح يعرفوها بعدين مرت الشيخ الي جانت وياك .......من تخطب هسه وبعدين راح يعرفوها لساره تصير الشغله عاديه انت خاطب وهي عاقده محد يفكر بشي غلط افتهمت
حمزه :ماشي  الي يريح مالك وميجيبله العيبه اني حاضر بي لان غلطت
مرتضى :تعال هسه دننتظرك لو مو ادري بيك شنو چان ما گلتلك شسوي وشلون تصرف  لان العتب مو على بت عمي البنيه غريبه ومتعرف عاداتنا العتب عليك الي تعرف بالعادات وحجي العالم
حمزه :هسه جاي ما اتأخر ...... افكر ويا نفسي صدك اني غبي جان المفروض ما اشوفها عماني الحب ونسيت وگفتي ويا البنيه بالسوگ كدام العالم مو صحيحه وهي مرت الشيخ   خلي اروح اصلح غلطي قبل ما اتصير مشكله للبنيه ولبنين ذولي زلم دمهم حار وعرضهم عزيز
وصلت للمضيف شفت مالك حاقد عليه
گلي تعال يا عشرة العمر يلي  حاسبك اخويه اكعد .........رحت كعدت كدامه
گتله ادري غلطان وحقك على راسي ولو تخلي مسدسك براسي
ألك حق ومن غير ما الف وادور راح اگلك الحقيقه والله غلطه مو مقصوده  وجان غرضي شريف من شفتها ويا اختك بنين عرفتها مرتك وترخصت منها احجي وياها تشوفلي رأي بنين بيه اذا توافق اتقدملها  حتى افاتحك انت ومرتضى بالموضوع
مالك اني رايد اختك على سنة الله ورسوله صارلي كم سنه اجمع بمهرها واشتريت بيت حتى من اطلبها ما عندي قصور
بس رجلي وتعرف هذا قضاء ربك اني ما الي ذنب بي

شنو تتوقعون راح تصير الاحداث