#جميلة_فتنتني
#اماسي_الليل
بقلم ام مريم
#الجزءالثاني
.بعد فتره واني بغداد اجاني تلفون يبلغوني بوفاة زوجتي حجزت وسافرت احضر جنازتها
ورا ايام بقيت افكر بأمر بنتي شلون راح اعوفها بالحاله النفسيه التعبانه بسبب وفاة امها
وبنفس الوقت قبل جانت امها موجوده وياها واني مأمن عليها هسه شلون راح تبقى لا ام ولا اب يتابعوها وينصحوها
مرت كم يوم كعدت وياها گتلها خلي ننسى الخلافات القديمه بيناتنا اني شغلي بالعراق
وانت لازم ترجعين ويايه لهناك
ساره :بابا شنو المانع ابقى اني شغلي وحياتي هنا اني من صغيره ما بقيت وياك هسه تريدني اتخلى عن كل الي سويته لان انت بس تفكر بنفسك
فكرت متتخلى عن شغلك ومتتخلى عن سيطرتك عليه لذلك تريدني اعوف كلشي ورايه واروح وياك
الاب:انت تبقين عنيده ومتشوفين الموضوع بس من زاويه انت تريدين تشوفيها
اني كبرت ومحتاج اعيش ويا اهلي وناسي والانسانه الي جانت تربطني بهالبلد وهالمكان راحت وما عندي شي يخليني ابقى اعيش هنا
حتى انت اصلج بالعراق بين اهلي
ساره :اني اهلي اهل امي اهلك ما اعرفهم ولا شايفتهم مجرد كم مره ه حاجيه ويا عمامي وعمتي بالتلفون وثانيا العراق بلدك انت اني بلدي روسياانولدت وعشت بي وكل ذكرياتي بي
كافي بابا هذا الموضوع منتهي بالنسبه الي اني حاليا عندي اهم شي احقق طموحي واشتغل
الاب:بداخلي سبحان الله دا اشوف نفسي بعمرها نفس حواري ويا ابويه من رادني ما اسافر واكمل دراستي بالخارج صدك الي نزرعه بأهلنا نحصده بأبنائنا
گتلها والحل ...........جاوبتني ريح نفسك ولتفكر بيه اني اعرف ارتب اموري
الاب:بهالاثناء دخلت فكره براسي ...........گتلها انت مشكلتج الشغل هي الي تمنعج يعني
جاوبتني وحده من الشغلات گتلها واذا حصلتلج شغل بنفس اختصاصج بالعراق
جاوبتني وين تلگالي شغل جاوبتها بشركه عراقيه تابعه لشركه نفط اجنبيه شتگولين
گلتلي انت تعرف اني اريد اشتغل بأختصاصي بمكان اثبت وجودي مو ابقى تابعه لاحد مثل شغلي حاليا
الاب:خلي اشوف شنو الشغل واردلج خبر .............بقيت لليل افكر اخابر باجر مالك ومرتضى افاتحهم ادخل شريك وياهم وساره ادير وياهم الشغل كشريك بدل مني ان شاء الله يوافقون واخلص من هذا الهم
ثاني يوم اتصلت على مالك بالاول لان هو الچبير حجيتله النقاش الي صار بيني وبين ساره وسبب رفضها تجي ويايه للعراق وگتله يا ابني اني اريد هالبنيه تعيش بينكم
اني ما اضمن عمري وهي كلش شاطره ودماغها يشتغل يعني اكيد تفيدكم وتريد الصدك اني اريدها منك خطرانيه لعمك
مالك : عمي انت على عيني وراسي اعتبر الموضوع منتهي بس اترخص منك انطي خبر لمرتضى لان تعرف هو شريكي وما اريد اتجاوزه واوافق ويصير بيناتنا سوء تفاهم
الاب :براحتك ابني انتظر منك خبر ان شاء الله يوافق
مالك : اني ابن الشيخ حامد اكبر اخوتي عندي ٦اخوه وخوات مرتضى التوأم مالتي وحسنين بصف سادس اعدادي وبنين مخلصه تربيه قسم كيمياء من امي و سجاد ورود وميساءكلهم متوسطه واعداديه من ام ثانيه...... بعد وفاة والدي اختاروني اكون الشيخ بعده
اكثر شخص يعرفني وقريب الي مرتضى هو مو بس اخويه وتوأمي احنه توأم متماثل لدرجه محد يكدر يميز بيناتنا بالشكل لكن شخصياتنا تختلف مرتضى ابو نسوان ولعبي لكن حبه الوحيد بت خالتي
اني المره الوحيده الي حبيت بيها بصف ثاني جامعه واكتشفتها مخطوبه واخلاقي ما سمحتلي اتعلق بيها اكثر فتره ونسيتها من يومها ما لگيت البنيه الي تخطف قلبي
يمكن لان كرست وقتي بين الشغل ومشاغل العشيره والمسؤوليه
عيبي الوحيد العصبيه وسريع الغضب عكس مرتضى ماكو شي يستاهل العصبيه عنده يحب الونسه والضحك اني مثله لكن بالخفيه فقط ويا الشخص المقرب مني كلش اخذ راحتي والشخصين الوحيدين الي مطلعين على هالحاله من اهلي بنين ومرتضى ومن برا اهلي صديقي حمزه هذا صديق عمرنا اني ومرتضى لكن كل الناس الها وجهي الجدي البي قسوه الكل تهابني .
اتصلت على مرتضى الو هلو شلونك
مرتضى:هلو الحمدلله
مالك :اگلك عمي خابرني يريد يدخل ويانا شريك وبنته تشتغل ويانه
مرتضى:اذا حلوه اقبل
مالك:لاصدك دا احجي جد اني مامقتنع مره تشتغل ويانا وبت عمنا اشوفها واگفه بس ما اكدر افشل عمي لان حجالي الموضوع وما اكدر ما اساعده
مرتضى :مالك ترى هسه كل البنات يشتغلون هسه هاي مو موج منهدسه تشتغل بفرع بغداد ويايه مابيها شي بالعكس تصير عدنا سيوله اكثر نشتري ناقلات اكثر وافق منخسر شي وهي بت عمك الي ادري بي هذا اختصاصها وماخذه شهادتها من روسيا يعني اكيد تفتهم وتفيدنا
مالك: يله براحتك لعد خابره انت من يمك وردله الخبر لان اني راح اطلع من المكتب بوجهي للمضيف عندي جماعه اليوم يجوني
مرتضى :ماشي شيخنا اني ورا الشغل متواعد ويا مزه
مالك:الله ربك مرتاح خومو مثلي مكابل الشياب وكاعد يله مع السلامه
مرتضى :مع السلامه /اتصلت على عمي عبد الامير رديتله الجواب موافقين ومن تجي بغداد نسويلك عقد شراكه
عبد الامير :شكرا ابني الله يرضى عليكم شلتوا عني هم ان شاء الله اني بدايه الاسبوع ارجع في امان الله //في امان الله
ساره :اتفضل بابا الگهوه
الاب:تعالي خلي افهمج الشغل ابن عمج عنده شركه تابعه لشركة نفط اجنبيه يسهل امورهم النقل العمال يشرفون على المواقع ماخذين عقود من هالشركات فيحتاجون مهندسه ادير الشغل وياهم فرع الشركه بغداد وبصره يعني حتى شغلت السكن محلوله ابغداد يمي وبالبصره يم بيت عمتج او بيت عمامج براحتج وين متريدين يستقبلوج وراتب عالي شتگولين
أنت تقرأ
#جميله_فتنتني
Roman d'amourعندما يجتمع الحب والطموح في فتاه تترك عالمها وتذهب الى عالم اخر لتلتقي بحب حياتها لكنها تنصدم بالواقع ويكون العناد هو السبيل الوحيد
