Highest Ranks
#1 Kenji #15 Rebirth #9 Wish #4 Soon
#1 Shesdatingthegangster #3 Kathquen
#1 Sgwannab #1 FaithInGod #1 Secondtime
"Athena, I love you... This much,"
Ilang taon na nga ba ang lumipas mula ng matuldukan ang kanilang malagim na kuwento ng...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
ᴋᴇɴᴊɪ'ꜱ ᴘᴏɪɴᴛ ᴏꜰ ᴠɪᴇᴡ
Nagising ako dahil sa sinag ng araw na dumadampi sa aking mga mata. Otomatikong napakunot ang noo ko dahil dito. Inihilig ko ang aking ulo upang iwasan ang nakakasilaw na liwanag na iyon ngunit natigilan ako. Parang nangyari na sa akin 'to.
Unti-unti kong minulat ang aking mga mata at tumambad sa akin ang isang pamilyar na pader.
"Huh?" naiusal ko.
Wala sa sariling inilagay ko ang aking pulso sa aking noo. Kahit medyo pumipintig ang aking sentido, alam kong sa akin ang kwartong ito. Madilim ang kabuuhan ng aking silid bagamat tirik na tirik na ang haring araw sa labas ng aming tahanan.
Nakaladlad ang lahat ng kurtinang kulay murang kayumanggi. Maliban sa isa kung saan tumatagos ang sinag ng araw. Ito ang sumisilaw sa aking paggising.
Inilibot ko pa ang aking paningin upang siguraduhin kung nasaan ako.
Nakasabit sa tabi ng pinto ang hugis parisukat na orasang ilang taon na mula nang aming nabili. Kahalera nito ang dalawang patong na pahabang istante. Mga pigurin, aklat at ilang kuwadrong naglalaman ng mga larawan ang nakatanghal sa bawat salansanan. Pito sa mga ito ay nakataob dahil masakit makitang magkasama kaming dalawa't nakangiti sa mga litrato.
