This Song Is For You

Final Chapter: #FESTIVAL

Dumating na nga ang araw ng festival. Nandoon na si Jade at Keith sa venue ganon' din ang kapwa nila performers at songwriters.

Sinilip ni Jade ang stage at ang audience area. Napakarami na ngang tao at natitiyak niyang dadami pa dahil may ilan pang hindi nakapasok sa entrance gate.

Nahalata ni Keith na kinakabahan ang nobya kaya hinawakan niya ang kamay nito at nginitian.

Ilang oras na ang nakakalipas at marami nang performers ang sumalang. Kada perform ng mga ito ay hiyawan ang audience.

Nang sina Jade at Keith na ang lumabas ay mas lumakas pa ang hiyawan ng madla at nakikisabay pa ang mga ito sa pagkanta nila. Nashock din ang dalawa dahil napag-aralan na pala ng mga ito ang kanta.

Nang ang mga music video na ang pinakita sa malaking screen ay mahahalata talaga na maraming good remarks silang naririnig sa MV nilang dalawa ni Keith. May nagsabi pa ngang kinikilig ang mga ito at pwede daw gawing loveteam.

Nang matapos ang lahat ng performances ay nagsimula nang itally ang scores kasama na ang text votes. Pero bago in announce ang kantang nanalo ay may mga special awards pa silang ibinigay. At dalawa sa mga awards na ito ay nakuha nina Jade at Keith. Ito ang "Most Viewed Music Video" at "Newcomers Award".

Ngayon nasa stage na silang lahat dahil iaannounce na ang winner para sa taong iyon.

Emcee: Are you ready everyone! Pwede niyo bang isigaw ang gusto niyong manalo!

Hiyawan na nga ang mga audience at nagkanya-kanya na sa pagsigaw sa pangalan ng mga performers at kanta na gusto nilang manalo.

Emcee: So here we go........
The Pinoy Love Song 2017 winner goes to.......

"Ambon" by Keith Alcantara and Jade Manalo.

Hiyawan ulit ang mga audience ng marinig na sila ang nanalo.

Napayakap naman si Jade kay Keith. At isa-isa nang lumapit ang mga performers sa kanila para magcongratulate.

Inabot sa kanila ang trophy at isang malaking tseke na may nakasulat na 1 million pesos at iba pang premyo.

Pinerform din nila ulit ang kanta sa audience at ngayon ay nakikisabay na ang lahat sa kanila.

Nang nasa chorus part na sila ng kanta ay bigla na lang huminto si Keith sa paggigitara at sumigaw sa audience ng....

"I love you Jade Manalo" saka ulit tumugtog.

Mas lalo pang lumakas ang hiyawan ng lahat dahil sa narinig. Nagulat siya sa ginawa ni Keith pero hindi siya nagpahalata at nagpatuloy sa pagkanta na napapangiti na rin.