2nd Dimension: ENRHIA (My Enchanted World)

*Enrhia 1: New world, new school*

[a/n: 2nd Dimension: Enrhia (My Enchanted World) is now available on Dreame and Ringdom. ]

ELIEZEL POV

Hi,

I'm Eliezel Klein AleRhia. 16 years old and currently 2nd year college na sa isang kilalang school as a scholar.

Masasabi kong mahirap ako dahil wala akong pamilya. Mag-isa lang ako at ang nakakainis, wala akong maalala sa nakaraan ko maliban nalang sa pangalan ko at edad.

Ewan ko ba kung paano nangyari iyon basta, noong 10 years old ako ay nagising nalang ako sa tapat ng isang ampunan na ang tanging nasa akin lang ay ang kwintas ko at isang bracelet na parehong may bato na kulay pula.

Inampon ako ng mga madre sa ampunan at marami din namang pamilya ang gusto akong ampunin pero pilit kong inaayawan.

Una kasi sa lahat, hindi ako basta nagtitiwala sa kahit na sinong tao. Nararamdaman ko kasi kung mabuti o masama ang isang tao. Kahit pa iyong pinakatatagong sama sa loob ng puso nya, ramdam ko kaya wala akong pinagkakatiwalaan.

Tanging si Sister Liz lang ang may pinakamabuting puso sa lahat kaya sa kanya lang ako mabait. Habang sa iba naman lumalabas ang cold attitude ko at palagi lang akong poker face.

Pero noong namatay sya nang makatapos ako ng high school dahil sa katandaan, minabuti kong umalis na din sa ampunan. Sya lang naman ang dahilan kung bakit ako nananatili doon eh.

Namasukan ako sa isang convenient store at doon, isa akong cashier hanggang ngayon. Full time ako doon pero sinasakto naman sa free time ko ang schedule ko.

Mabait din ang boss ko basta huwag lang papalpak sa trabaho kaya naman dito ako nagtatagal.

Nangungupahan din ako sa isang town house na malapit sa school at sa trabaho kaya nilalakad ko lang madalas.

So, ngayong araw ang unang araw ng March at last month na ng school year namin ngayon.

Naglalakad na ako papuntang school ng maramdaman kong kanina pa may sumusunod sa akin.

Hindi naman sya masamang tao pero bakit kailangan nya akong sundan ng patago?

Bahala na nga sya sa buhay nya. Male-late na ako eh.

Eksaktong pagtapak ko sa loob classroom ay sya ding pagtunog ang bell kaya't agad akong naupo sa pwesto ko which is sa pinakalikuran.

Nagsiayos na din ng upo ang mga kaklase ko na walang ginawa kundi ang magdaldalan. Kahit lalaki, sobrang daldal. ganoon na ba talaga ngayon?

Ilang sandali din ay dumating na ang teacher namin.

"Good Morning Class.." nakangiti nyang bati. inilapag na nya ang gamit nya sa table nya.

"Good morning, Maam." sabi nila. Yeah, sila lang dahil hindi naman ako nag-gi-greet kahit kanino.

Nagpalinga-linga si Maam na parang may hinahanap hanggang sa mapahinto ang tingin nya sa akin. "Ms. AleRhia, pinapatawag ka ng director sa office nya ngayon din. Dalhin mo na din ang gamit mo."

Eh? Bakit kaya? May problema ba sa grades ko?

Tumayo na ako dala ang gamit ko tsaka naglakad palabas ng room pero bago pa ako tuluyang makalabas napalingon muna ako ng magsalita si Maam.

"You're so lucky to have that. Sana ay gamitin mo ito sa tamang paraan." nakangiti nyang sabi.

Napakunot noo nalang ako pero tumango din tsaka tuluyang umalis. Nakatingin na kasi sa amin ang buong klase.

Don't tell me, alam nya kung anong sikreto ang itinatago ko? Pero paano nya iyon malalaman kung hindi ko naman ipinapakita o sinasabi ang tungkol dito. Maliban nalang kung mayroon din sya noon.