فصلوها للعشك
بقلمي (ام البنات)
البارت الثاني
ورد:نزلت سمعت ابويه يحجي ومكسور وامي تبجي اباوعي علي مغطي وجه بايده والكل شكلهم مينوصف ويباوعون عليه كتلهم شكو حيدر بي شي احجو صاير شي كلهم ساكتين وامي تبجي هي ومرت اخويه ضليت اعيط حيدر بي شي خفت لا يسوون لحيدر شي اخوتي كولش احبهم اكثر من روحي من عيطت كال بابا تعاي اكعدي وحجالي الي اتفقو عليه بلفصل هنا توقف عدي الزمن ونصدمت صدمت عمري كتله والي مطلوب كال ابويه ماكو مطلوب محد يكدر ياخذج وحيدر يبقه مسجون من يطلع يحله ربج هاي اذا طلع بقيت صافنه افكر حسبه توديني وحسبه اجيبني وبليل ايه بت خالي عده علاقه وي حيدرخابرتني تبجي بتلفون كسرت خاطري خاف عايزه نزلت كتله بابا اذا اخذوني فصليه حيدر شنو وضعه كال هم يكلون فصله مره وفلوس ويتنازلون على حيدر وره منطيهم المره ومقبل ال اخت الولد ياخذه الشيخ اخو والولد المات هيج حتى يسكت الدم صفنت بدراستي وحياتي وين جنت احلم بجامعه ودا انتضر النتائج واريد معدل يعني تعب السنين يروح ومن جه ثانيه فكرت اذا مرحت حيدر يبقه مسجون واذا طلع ينكتل واذا نكتل امي وابويه يصير بيهم شي ماعده الدم راح يبقه نكتل منهم ويكتلون ام منه خفت على محمد وعلي كلت لازم اضحي بحياتي هذه اخويه روحي اطيه اله الاول والتالي كتله بابا اني موافقه اروح فصليه تخبل وعلي كام يصيح لاول مره اسمعه يصيح كال مالج ذنب كتله ما اتحمل يصير بواحد منكم شي واول تالي يجي يوم ازوج واعوفكم بلكي يطلعون خوش ناس اودم ومحد ياخذ غير المقسوم بابا كلي طول عمرج تختلفين عدي عن كل اخوتج ما اكدر هيج اعوفج ترحين اتمن ازفج وانتي لابسه البدله بس الي كلتيه صح راح يصير بحر مال دم ...
راح ابويه ورجع الهم خبر وكلهم اطونه كم يوم ونجيب البنيه ....
بقيت ابجي على حيدر واهلي وفراكهم ومستقبلي واياد الي يخابر على امي ويبجي وحياتي الجديده الي ما اعرف شي عنه مضل عقل براسي كلت هاي هيه اروح والي يصير يصير ...
اجه اليوم الموعود حسب اتفاق ابويه وياهم ومن اروح يرحون يتنازلون ويطلعون حيدر كالو موافقين امي سوده عليه طلعت للسوك وي مرت اخويه اشترواي كم شغله ورجعو اخذوني حفيت يم الصالون لان اني بت بيت ماعدنه وحده تحف لو تحط مكياج اله تدخل كليه المهم كملنه وحضرو جنطتي واغراضي والبجي بلبيت عبالك عدنه جنازه عمامي وخوالي ومخبوصين وكله متوتره واعصاب وي الموجودين اياد وعيونه عليه وصايره حمر كتلهم من رخصتكم اريد احجي وي اياد كله باوعت وابويه كلي روحي لان يدري بيه معجبه بيه مجنت اضم عليه شي ابد رحنه
كتله اياد فتحت عيني عليك من اني وصغيره ومن كلتلي نوره انت تحبني كيفت بس الي صار اكبر من عدنه والقسمه كله بيد ربك حاول تعيش حياتك وتحب وتزوج وانساني كلي ورد اني احبج ما اكدر انسه شلون طلبين مني طلب صعب كتله لا تنسه وتعيش حياتك وتزوج الف وحده تتمناك وادعيلي ارتاح وانسه ماكدامنه غير هذا الحل لازم نساير الوضع كتله وضعي اصعب منك خسرت حبي ودراستي واهلي حياتي كله نكلبت واذا ماروح يصير اكثر من هذا واخسر اكثر لازم اصير قويه واتحمل وانت لازم تصير اقوه مني سكت جان يكوف على حيله كلي اني اوديج بيدي اريداشوفه منو هذا الي حياخذج مني يستاهلج لو لا اريد اشوف راح يحبج اكثر مني نزلت دموعه وغص كلي راح يلزمج واني جنت اخاف عليج من روحي ما اطخج اريد اشوف حياتج الجديده اريد اشوف الحظن الي راح تغفين بي واني جنت كل ليله احلم بليوم التغفين بحظني اريد اشوف الي حيصير سبب ضحكتج ودمعتج سبب فرحج وحزنج هذا الحجي احنه ثنينه دموع تجري كتله الي يريحك بس لازم تعرف من هاي الحظه انت ابن خالي وبس لان اصير على ذمت رجال جان يكول وج تكتل هاي حجايتج تموت ويبجي بشهكه كتله الله يوفقك لاتشلع كلبي البيه مكفيني ...ابويه واكف على صفحه يبجي كلي يالله بويه مشيت واياد كله لا ابويه اكتل روحي هنا اذا متخلوني اروح وياكم اني اوديه بيدي ....:
صعدنه وي اياد ورحنه اول مشتغلت السياره طلعت الاغنيه اماسي الليل
هي قسمه وانت ما مقسوم هذيج دامت حتى هاي ادوم لي.....يال خذوك ادعيلي برويحت حلال ...الله يستر باجر شمضموم لي ..
يتبع.....
أنت تقرأ
فصلوها للعشك🔞
Romanceفتاة تتزوج بشخص لا تعرفه ولم تراها من قبل بسبب الاخ الذي يفقد اعصابه ولكن تقع الفتاة في حبه هذا الشاب لوسامته ونبل اخلاقه لكن هذا الحب لايخلو من بعض الشوائب....
