فصلوها للعشك🔞
بقلم(ام البنات)
بارت22
ورد..حضرت اغراضي وسلمت على خاله وريم دا اطلع ريم ...ورد عليج الله لا اطولين ما اكدر ابتسمت كتلها يصير خير وطلعت صعدت بسيار بقينه ساكتين ثنينه ...
فيصل ....جنت خايف حيل لا ورد تروح وبعد مترجع لي لان اذيتها هواي وحاولت هواي ومسامحتني خفت لا هذا اخر يوم اشوفها بي خفت من طبت البيت وهيه ماكو
بطريق بس ساكتين منحجي شغلة مسجل طلعت اغنيه نبيل شعيل
متخيل انا راح اتحمل بعدك عني مهم طول وكلبك لم عني يرحل ينساني وانسه ...متخيل انسه ايامي حزني وفرحتي والامي شوكي وضحكتي واحلامي وكل العشناه.....
متخيل انا راح اكدر اصبر واتحمل اكثر حتى لو جروحي تكبر لا حبيبي لا...انا ناطر حبيبي ترجعلي ياحبيبي انا ناطر ..مهمه حاولت اداري لهفت روحي ونار مهما طال انتضاري انا ناطر......حرام تظلم احبابك بغيابك وبعدك والله حرام.. ..ياحبيبي حرام الحب يصير فلحظه كلام الله مايرضه يا ظالم....
لاكن لا انت اطيب ومايرضيك اني اتعب تبعد ولا تكرب ابقه ناطر ......ما اضن هانت عليك تهدم حبنه بديك ..وكلبي ناطر حبيبه وانا ناطر....
اني عيوني غوركت واحس نفسي اختنكت حيل وخسرت ورد اباوع عليها دموعها اصب وصلت لا اهلها وطلعت منزلت سلمت لان مردت يشوفوني بهيج حاله.. ...
رجعت للبيت البيت يخنك بس كلت ميخالف ادوس على نفسي خليها هي تختار ما اضغط عليها تعبت واني اراضيها بقيت بغرفتي لليل واباوع على التلفون اكول بلكي ادك او ادز رساله تكلي تعال ماكو ..مر يومين ونفس الحال ماكو منه خبر سألت ريم ورد جاي اداوم كالت اي داومت اليوم اخوها جابها كتلها باجر اذا داومت دزيلي رساله بس لاتكليلها كالت اوكي...
لليل اختنكت متحملت بعد دزيتلها رساله وحشه الدنيا بلياج....انتضرتها تفتح الرساله ماكو اظاهر نايمه نمت واني انتضر منها رساله ثاني يوم بشغل ريم دزت مسج ورد مداومه عفت الشغل وطلعت للجامعه بلكي اشوفها حتى لو من بعيد مشتاق الها ما اتحمل بعد
ادور ماكو دزيت رساله لريم جاوبتني كالت عدنه محاضرتين وحده وره الخ منطلع هسه اني ضجت بس بقيت انتضر وره ساعه ريم دزت مسج الغت المحاظره الثاني وبعد شويه نخلص ونطلع
والله شويه وطلعو اباوع على ورد ذبلانه يمه حبيبتي تحبني ذبلانه بغيابي فدوه لطولج كون هسه اضمها بين ضلوعي ياربي ساعدني واهديها عليه بس كون ترجعلي بقيت من بعيد اباوع اجه عليها اخوها اخذها وراحت خابرتني ريم وندلت وين كاعد اجتني
كالت فيصل ورد تعبانه بلياك حيل واحنه البيت مينجرع بلياها روح رجعها كافي تعبتو ثنينكم كتلها خاف مثل كل مره تفشلني لا صدكني اني اعرفها متاذيه حيل بفراكك ومشتاقتلك حيل بس حايره ومتعرف شسوي اي موقف منك يبدر راح يصلح الوضع..الله كريم كومي اوصلج واروح عفت الشغل وطلعت
بعدين انتبهت ب6الصبح مجاوبتني على رسالتي بس اني ممنتبه كاتبتلي تسلم وبس..
ثاني يوم رحت من وكت للجامعه وبقيت انتضر من بعيد شفت اخوهاحيدر ذبها وراح مشيت وراه واشرتله يوكف نزل ونزلت سلمت عليه كتله ورد اني مزعلها واريد اراضيها
كلي عرفة زعلانه لان مقهوره حيل ومتاكل وبس اصفن فيصل اني الي غلطت ورد مالها ذنب الله يخليك وترجاك اذا عدك حساب صفي ويايه لاتاذيها لان متستاهل فيصل ..حيدر الي صار قضاء وقدر ورد مرتي مااكدر استغني عنها واريد اصالحها اريد منك بطلع متجي عليها حتى تضطر تصعد ويايه واطيني رقمك خاف تقفل او كولشي يصير اخابرك تجيها كال اوكي بس دير بالك عليها كتله لاتوصي عيوني الها ...خلصت شغلي وطلعت من وكت ريم دزتلي رساله بعدنص ساعه نخلص محاضرات ونطلع لان اني متفق وياها على كلشي رحت للكليه وبقيت اباوع عليها من بعيد تنتضر حيدر كلت خليها تنتضر بلحر شويه حتى من اروح لا تشلع كلبي...
وراها طبكت يمها كتلها ها ورد هي فزت كتلها شو واكفه كالت ما ادري انتضر حيدر دكيت عليه كال سيارته عاطله بشارع كتلها صعدي اني اوصلج كالت لا هسه يجي كتلها صعدي يتاخر كلشي يصير ما اكدر اعوفج بشارع صعدت ...
طلعت بيها كبل للبيت
ورد.. شنو نسيت اني عد اهلي انزل
كتلها موبكيفج انتي مرتي وين ما اكول ترحين بس بعصبيه متصنعه علمود تسكت وطبيت للبيت بقت هيه بسياره نزلت فتحت الباب مال سياره وجريتها من ايدها ونزلتها طبينه لكيت امي وريم يتغدون امي طارت يمه نور البيت واجت باستني
فيصل كال لا هنا وكافي كله تبوس بس اني محروم شالني وكال صاعد الغرفتي واريد مره تكسر حجايتي وتنزل لو تفك حلكها ..ريم العب والله عمي صدك لو كالو شيخ ...ورد عززه فيصل نزلني تخبلت شبيك ..
فيصل..لا عقلت ...
يتبع
أنت تقرأ
فصلوها للعشك🔞
Romanceفتاة تتزوج بشخص لا تعرفه ولم تراها من قبل بسبب الاخ الذي يفقد اعصابه ولكن تقع الفتاة في حبه هذا الشاب لوسامته ونبل اخلاقه لكن هذا الحب لايخلو من بعض الشوائب....
