فصلوها للعشك🔞
بقلم(ام البنات) بارت15
ورد ..جميله اشربين شي
جميله بكيفج....خلي اشوف غرفتج
ورد تعاي اشوفج الغرفه اخذتها...جميله حلوه غرفتج لعد ليش متنامين فوك يم فيصل ..
ورد ....مو اني الصبح دوام من وكت وامكيج وابدل هوسه وفيصل نومته خفيف يفز ابقي اغراضي جوه بس انام فوك يم فيصل والصبح انزل وضع مؤقت ..
جميله ..اي موكلتي اشربج شي كلشي محصلت
ورد ادللي شعاجبج..
جميله اي شي
ورد راح اسوي نسكافه بين متطلع ريم نشربها سوه ..جميله زين ماشي
كامت ورد اسوي نسكافه وراه طلعت ريم من الحمام كلتلها ريم صيحي جميله كاعده بغرفتي خلي نطلع بلحديق الجو طيب سويت نسكافه وهاي نمنميات وكيكه بلفرن من تطلع ناكلها اي ماشي صاحتها
جميله ..تونست حيل ..
ورد تعاي شوكت متردين نتونس وياج ..
ريم😏وجعه بكلبج جميله ما ادري ليش ممرتاحتلج چبح هلشوفه👊🏻
للمغرب اجه ابوها اخذها وراحت وراها التهينه عادي مصار شي مهم بس فيصل من رج صعد يريد يسبح ورد تحضر عشه كلها حسبح حضري هدومي صعدت وراه
ورد هو اول مدخلت كلتله بلعافيه كله شكراً شو بعدج ممحضره الهدوم كلتله جنت اسوي عشه فيصل من اجي اني تعوفين كلشي وتجين اشوفين شناقصني ماكو شي اهم مني
ورد اي صار ليش هيج عصبي ولا يهمك الي تريده يصير بس لاتعصب
فيصل...😠😒
مشه اليوم عادي بس فيصل اكو شي مضوجه ...
فيصل ...من جنت العب خلصت لكيت تلفوني جايته رساله من رقم غريب مكتوب بيه (شتعرف عن ماضي مرتك الغرامي) رجعت دكيت على الرقم مغلق كم مره وهم مغلق
اني اعرف ورد فقيره وكدامي باكثر من موقف بس اني رجال وشيخ وعربي حتى لو عايش بغداد ومثقف بس يبقه دمي حامي مو بيدي كمت افور طبيت ردت حجه على ورد حتى اتعارك وافتح الموضوع وياها بس هي مثل كل مره تمتص الغضب وتسكت وسوي الي اريده بقيت ساكت حتى بلعشه كلهم افتهمو اني ضايج ..
ورد ..عفته براحته لان عصبي يهده وراها نحجي مبين اكو شي...يمكن لان كل ميجين اكله لا من نعقد اصبر ويمكن صايره مشكله بشغل ..ميت فكره اجت ابالي كلت بعدين تبين وسكتت..كل واحد راح الغرفته دزيت مسج على الوتساب لفيصل مجاوبني كلت لعد نايم اني هم نمت
فيصل اجاني مسج من ورد حبيبي كاعد؟؟مجاوبتها لان مردت اسرع وبقيت صافن اني ما اعرف اي شي عن ورد قبل الزواج
فيصل الصبح راح للشغل
ورد وريم وره مشبعو نوم كعدو للعصر اجت جميله كالت تونست حيل البارحه وعجبني اجي اليوم هله بيج باي وكت..
ريم اكولج ورد اني هاي البنيه ممرتاحه لجياتها كثرانه هاي الفتره
ورد ..عوفيه يمعوده بلكي الله هداها
للمغرب اجه ابوها اخذها
مر اسبوع وفيصل عصبي كل ميحجي فاير ومحد يعرف شبي...
فيصل بقت تجيني رسائل من هذا الرقم وادك عليه مغلق مره مكتوب بيه بلعافيه عليك شيخ ومره هي عدها حبيب بس انجبرت عليك اني بهاي الرساله صفنت كلت صدك نجبرت عليه ومتقبلتني بس هذا مبين ملعوب وجاي يلعبونه يردون يوكعون بينه اني ورد بس منو اله مصلحه ال اذا صدك عدها حبيبي قبلي ويريد يخرب بينه
ورجع دزلي رساله طولها جسمها شعرها خصرهاكلها الي ..اني هنا اسودنت بس مردت اضلم ورد بقيت مبتعد عنها...
ورد.فيصل متغير وصاير عصبي حتى اكل مياكل بلبيت وميطي مجال احد يحجي وياه
الحجيه سألتني اذا متعاركين كتلها لا والله بس هو ما ادري شبي صار فتره متغير وعصبي خاف عده مشاكل بشغل ..
حسين لا ماكو مشاكل كلشي تمام ال اذا اكو بضاعه اني ما ادري بيها وعليها مشاكل....
مشت الايام عادي وفيصل يوم عن يوم يصير اكثر عصبي ورد متلهيه بالامتحانات ..
ورد كملت المتحانات المهمه بعد ماعدي شي مهم من يجي فيصل اكوله علمود نروح نعقد ...طب فيصل صعدت وراه ورد..فيصل اني كملت امتحانات مهمه شوكت ميصيرلك مجال نروح نعقد ..فيصل الله كريم روحي اريد انام ..ورد بقت صافنه مو عوايده ..بس عافته براحته الحد ما اجه اليوم الاغبر ....
يتبع
أنت تقرأ
فصلوها للعشك🔞
Romanceفتاة تتزوج بشخص لا تعرفه ولم تراها من قبل بسبب الاخ الذي يفقد اعصابه ولكن تقع الفتاة في حبه هذا الشاب لوسامته ونبل اخلاقه لكن هذا الحب لايخلو من بعض الشوائب....
