قصة من حياتي

story no.4

#قصه_من_حياتي

{يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ } 
صدق الله العلي العظيم

راح احجيلكم قصتي الي غيرت مسار حياتي اتمنى بدون تجاوز

سنة2009  نقلت رقم اخوية للموبايل طلع اكو رقم غلطانه بي دكيت
علية طلع الرقم غلط كتلة العفو اسفه
سديت الخط
ورا يومين دك علية نفس الرقم الي دكيت عليه غلط
فتحت خط كتلة نعم كال اني صوتج عجبني كتلة شنو عجبك
كال والله من البارحه صوتج براسي
كتلة اخي اني مزوجه وعندي اطفال 2 بعد لاتتصل
وسديت الخط ضل يلح ويدز مسجات
تقريبا ضل كم يوم يتصل هم فتحت خط كتلة عفيه بعد لدك علية ضل يسوالف اني ماريد شي اني ماعندي احد اريد اشكيلج انتي مثل اختي
اني غبية وتعاطفت وياه وبقيت احجي وياه كام يوميا يتصل علية
ويطول بل اتصال ساعات نضل نسوالف عبالك انعميت عقلي ماعرف وين راح
بل رغم اني خريجة
يوم 2010/1/1صار على علاقتي بي تقريبا 5اشهر كال اريد اشوفج كتلة اني مااطلع .(...حدي لبو الاسواق اني...)
كال ميخالف بس اشوفج من بعيد رحت لبو الاسواق وبل فعل شفتها من بعيد من شفته كلش حلو  عجبني منها صارت حب بيناتنا
هملت    زوجي واطفالي زوجي تاجر
والله شاهد ممقصر بشي علية لا بذهب ولا بااكل بيتي 300مترا ارقه  منطقة بغداد ساكنه بس جان بارد ويايه يعني ميسمعني حب لو عزل واني جان عمري 21سنه
ضل يلح علية اطلع وياه بس مجنت اقبل اكول مااكدر
فد يوم كال اني مااكدر بلياج بعد....

تعالي اني وياج ننهزم للموصل عوفي بيتج وجهالج وجيبي ذهبج وفلوس رجلج كله وتنزوج اني وياج محد يعرفنا
هناك واني عندي بيت
مجهز من كلشي كتلة اوكي المهم نعيش اني وياك ابد مفكرة لا ب اهلي ولا بطفالي عبالك جنت بلا عقل ولا فكرة بشي طبعا الحبيات والغزل ولسانه حلو خلاني اتعلق بي كلش المهم بشهر 4 سنه 2010
كال حضري فلوس زوجج وذهبج حتى ننهزم
اتفقنا ساعة 1ظهر ياخذني من يم نفق الشرطه
نيمت ابني الصغير عمره سنة ونص رحت للقاصة لكيته  فارغه  واني بليل شفت الفلوس بيها
معقول شايل فلوسه رجلي كله
اتصلت بي كتلة الفلوس ماكو شايلهن زوجي كال جيبي ذهبج
طبعا الذهب الي عندي كومه بس من الملاوي عندي 4اشكال المهم ابني نام وخليت ذهبي بل جنطه ولبست هدومي  وضميت وجهي والبيت من طلعت منها سديت باب المطبخ بس مقفلتها بس طبكتها
طلعت وكفت يم نفق الشرطه اجا اخذني بسيارة جمسي  سودة
كال راح نطلع للموصل كبل صعدت ليورا  كال جبتي الذهب كتلة اي بل جنطة جان يكلة لسايق اطلع بوجهك اني من كاله للسايق هيج عبالك جنت بغيبوبة  وصحيت منها
السيارة جانت بيها 3رياجيل ليورا اني وباسل والسايق واحد ليكدام
بس اشكالهم تخوف اني ما اعرف شصار بيه اني بحلم لو حقيقة
باسل بصفي كالي اشوف الذهب فتحت الجنطه شافه اخترع كال هذا كله  الج مجاوبته  كال سدي ضمي بصوت ناصي  السايق كلسع يجي اتصال وحجي الغاز وصلنه (بوابة  بغداد) اني جسمي ثلج طلعنه
التاجي طلعنه الطارمية عبالك شريط صار كبالي امي الله يرحمه ورجلي وجهالي واهلي صارو كبالي
هاي اني شسويت اني وين وليش هيج هذولة منو الي وياه هو يسوالف وياية بس ممركزة
وياة بس اكول اي.....واهز براسي بس ماافتهم شيكول
  وصلنه
(قضاء الدجيل) جان اكو انفجار صاير وسادين الطريق الي يروح للموصل لحد ما ينظفون المنطقه بس السايد الي يروح البغداد مفتوح
اكو قطعة مكتب علية موكب ام البنين باب الحوائج عيوني صارت على الكتابة نخيتها بس ماعرف منو  هاي

شفت الشارع متروس ناس وسيارات وسيطرة بصفي  جان افتح الباب
وانزل باسل راد يجرني كتلة والله هسه اصرخ واكلب الدنيا عليك بس شنو بعصبيه كتلة اذا نزلت ورايا هسه اروح للسيطرة اكلهم باكوني ميكدر يحركون السيارة كدامهم سيارات ورانا سيارات 
والجنطة جوا ابطي مال الذهب
وجان اروح  منبين الناس والسيارات
ساعة تقريبا جانت بل 2 الظهر مشيت لحد ماتيهتهم  عبرت سايد الثاني اكو سيارات واكفه  تصيح بغداد شفت رجال جبير كتلة عمو فدوة وصلني لبغداد شكد متريد انطيك وابجي دموعي موكفت كلي عمو اوصلج بس ليش تبجين محتاجة شي.....شكول شحجي كتلة لا عمو والدتي اتوفت واريد اروح
لبيت اهلي كالي ورجلج وين كتلة مسافر  اني اريد بس اوصل للبيت قبل لا احد يحس بيه ...
اخذني السايق 
واني الطريق كلة ابجي واشهنك اني شسويت بروحي
خفت اطلع من يم البوابة كلت خاف رجعو ينتظروني
كتلة عمو اصعد على سريع مال شعلة وعلى حي العدل وعلى حي الجامعة ويم النفق ذبني ماعندي فلوس طلعت من محابسي نطيته كتلة عمو ماعندي بس هذا محبس فوك المثقل الرجال مقبل ياخذ بس كتلة لا تعبك نطيتها ونزلت
وصلت يم النفق ساعة 3ونص لان جان ازدحام 
طبيت للبيت  فتحت التليفون لكيت فوك ل40 مكالمة من باسل ودازلي مسج اله اكسر راسج اصبريلي اني هم كسرت السيم كارت وكسرت الموبايل هم طبيت
لكيت ابني شايل الممه باجي ونايم
من هلكد باجي يشنك هو ونايم حضنته وبجيت بجي كمت  ابوس بل كاع ابوس باابني الحمدالله رجعت ....بس ابد مسكتت صارت بل 6 العصر اجا زوجي من شغل وجان ماخذ ابني الجبير وياه رجع شاف وجهي ازرك من الدك الي دكيته كال هاي شبيج اني شفته انهاريت فد مرة واصرخ واملخ بنفسي ماعرف ليش هو يصيح لج شبيج  وراها محسيت غير اني نايمه بل مستشفى معلكيلي مغذي
ولساني ثكيل اريد احرك ايدي ماكدر رجلي مااكدر بس عيوني تتحرك واهلي فوك راسي
الطبيب بيده دنبوس يجك ايدي مااحس وراها هم ماحسيت
3ايام اني فاقدة مااحس
بل دنيا
صار عندي هبوط بل ضغط وصل ل2
ضربتني جلطة خفيفة ورا 10تيام شويه شوية  رجعتي صحتي
بس صارت بيه حاله خوف  ابجي 24ابجي اخذوني السادة اخذوني لأهل البيت ولي اول مرة ازور مراقدهم  شويه اتحسنت كمت اقرا القران  و ابجي وكل ما ااوصل اية احس هاي الاية تقصدني ابجي بحرقة
وزني جان 70 وصلت لل40 خلال سنة وصار عندي سكر شكل بيه
بس من هاي الحادثة الصارت
اي مكان ما اطلع اله  زوجي وياية
الموبايل اشتريت رقم جديد .وكتلة الزوجي الموبايل وكع بل بلوعه ميشتغل بعد وماريد بعد موبايل بس مقبل اله جابلي خط جديد
واي رقم غريب يدك علية ماافتح ولحد هاي اللحظه
حتى نت ماعندي لافيس ولا اي شي لو مو زوجي اصر على انو يطمن علية او احتاج شي اصلا مااخلي موبايل
ورجلي يوميا ابوس رجلة
حتى وظيفة جنت اريد اتوظف  بطلت  مااريد اي شي
اريد اعتني بيتي وزوجي
ويوميا اصلي صلاة الشكر الله خلصني من شي جان دمر حياتي
هذا الي صار الي غير مجرى حياتي كلة
ولحد الان ابجي ضميري  مامرتاح
ونوبات اريد اعترف الزوجي بلي صار وابطلت استغفر الله
ادعولي الله يغفرلي بل
الي سويتها
هاي قصتي ما نقصة ولا زيدت حرف بيها
ولا طلعت وياه ابد بس من كال نطلع للموصل
والحمدالله  اتمنى هل شي ينمحي من بالي وانسا
صار 7سنوات عايشه بخوف اريد الله يغفرلي 😭