#من_بريد الصفحة
اني مطلقه عمري 22 سنه عندي ولد عمره سنتين ونص تقريبا سبب طلاقي اهل زوجي مراضين ع زواجنه ومشاكل في وقتها وخلانه ننفصل نهائيا صح يحبني يريدني بس عشيره والاهل فرضو شروط وصلت للقتل مااكدر ارجع بعد بحكم المشاكل ولان طلقني واني حامل
اريد نصيحتكم كامهات وكصاحبات بيوت
اكو شخص متقدملي اعرفه من زماااان من جنت ساكنه بمحافظه الي نولدت بيهن لحد متوفت امي وابويه تزوج ورحنه لغير محافظه
هالشخص لكاني صدفه ع الفيس بوك وضل يكلي انتي وينج وهالامور واني جنت ادور عليج وهالحجي كتله مطلوب شنو كال مانسيتج وبعدني احبج واريدج ع سنه الله ورسوله كتله مو مشكله والدي موجود
كال بس اني متزوج ومرتي ميصير عندهه اطفال وانتي وابنج اخليكم ع راسي ومرتي مااكدر اطلگهه بحكم اهلهه بيت عمتي
كتله ماعندي مشكله لا وياك ولا ويه مرتك وذا صارت قسمه واني خلفت انطيهه الطفل واكلهه هذا ابنج مو ابني طلع منج مو مني .. هو كيف بيه الولد وطار من فرحه وكلي احجي ويه ابوج كوليله هيج وهيج شخص علمود ذا كال يجون احظر عمامي واجي ليش اجي واتفشل من محافظه لمحافظه
حجيت ويه ابويه واول حجايه كال انتي موافقه كتله اي لان عجبني الولد بصراحه وماطب ويايه بسوالف موزينه كبل كال اريدج زواج ومصارلي يمكن اقل من 5 ايام احجي وياه
..
اني تأكدت بطريقتي الخاصه من بنية اقاربهم ويايه بالابتدائيه فحجيت وياها سألتها عن وضع هالشخص الخاطبني كالت مشاكل وهالامور وراد يطلك بس اهلهه ميكدر يكسر بيهم
..
الولد ماعليه شي كامل والكمال لله شدني ولفت انتباهي رغم يشهد الله يخطبوني واني ارفض بسبب ابني ماريده ينكسر مع العلم اني كلش حلوه ومكمله سادس اعدادي وكل اليشوفني يكول شون تطلكتي وانتي هيج حلوه
رجاءآ بدون تجريح اريد اعرف ارائكم .. لان اني ربيت بدون ام وقراراتي اغلبه غلط في غلط
واذا على مرته الله يشهد كاسره خاطري اكثر من الكل بس وربي وعافيه ابني وعدت نفسي ما أذيهه بحرف ولا اتصرف واليصير ببطني مستقبلا اله الله يشهد عليه
والولد كلي اذا ماصرتي انتي مرتي غيري تصير بكل الاحوال اتزوج
..
متابعه تعليقاتكم
اي تصرف غير لائق بلوك البنية تريد نصحية
ف رجاءًٍ بدون حجي يغث اكو اسلوب للكلام
أنت تقرأ
قصة من حياتي
Randomكتاب يضم مجموعة من القصص الحقيقية التي أرسلت من قبل اصحابهى إلى بيج قصة من حياتي لطلب النصيحة أو لأخذ العبرة منها .. ادمن البيج .. ام آية واني وياها
