قصة من حياتي

No.14

#من_بريد الصفحة
سلام عليكم حبيبتي

اني تزوجت من شخص كان صانع في محل الانترنيت وبعدها اشتغل بمحل بوتيك نسائي
وبعدها صار عندي ولد وصار عمرة ٤ اشهر تعيين للعلم زوجي خريج معهد واني كليه اني عازله مشتمل فوق بيت اهله بس عندي باب مطله عليهم يسمعون كلامنه شكد حاولت اغلقها ميقبل
وبعدها ب٣ سنوات ونص صار عندي بنت صار الابو روحه بيها بحيث يوم واحد ميخليني ابات عند اهلي مرة امي كانت مريضه كتله ابات قبل ب١ ونص بليل اجه عليه يكلي اشتاقيت لبنتي
صار عمر بنتي سنه ونص تعينت اني بدت محاربه من اهله والغيرة ع تعيين بحيث امه كدامي تكلي بس الي عدها بخت تعينت اني بعد ٧ سنوات تخرج يله تعيينت المهم اني كنت ما اهتم الهم ماشيه اموري بس هو بده يتشكه ما عندي واهلي يطلبوني

بحيث كمت اساعده وانطي من راتبي اجه مرة ابني كلي مامه ترة بابا
ضام فلوسه يم بيبي
ما اخذت راس مال كلت هذا طلب بعدين عرفت انو هو ديجمع يمها
اول سنه تعيين  كال اريد اكمل جامعه كتله شكو بيها كال فلوس اقصاد ما عندي سويتله سلفه وانطيته اله
كام يتعرف ع بنات بالكليه كلت يوم وثاني يتغير بعدين اشتغل بمحل اخوة كماليات شكد حاولت يترك العمل مقبل اثاري طلع يصادق بنات بس حجي مو غير شي حجيت وياه ردت ما امتنع بعدين نسيت موبايلي بلبيت لان هو يرجعني للبيت اتاخر وهو ما اجه رجعت ويه خط زميلتي وهو يعرفها وزوجها صديقه للعلم دائما اخذ تكسي وارجع وحدي رجع تخبل كال متبقين بالبيت خابر ع اخويه كله اختك اخذها ما اريدها اجه اخويه يتفاهم وياه كام يحجي حجي زايد اخويه اخذني كال عصبي ومصيرة يستعدل اشو هذا طلعت من بيت لا سال ولا شي بعدين عرفت متعرف ع وحده متزوجه مطلقه من زوجها وكلتله طلق زوجتك واخذني اشو هذا راسن رفع قضيه طلاق وطلقني اشكد حاولت ودزيت اشخاص عليه حتى نرجع مقبل بعدين اتزوج هاي لبنيه الي تطلقت من ابن خالتها اخذها هسه اني الحمد لله مرتاحه بيت اهلي مشتمل كاعده بي واخواني ممخليني بقاصر لا همه ولا امي ولا ابويه بس المشكله جاي اشوف اطفالي يذبلون كدام عيني البنيه تبجي تكول ليش بابا ميسأل علينه هو يعرف اني بيا صف صرت الابن صار مجلس الاباء خابر ع ابو يكله خل امك تروح للعلم صارله ٣ سنوات مشايفهم وهسه منطي حظر والولد البارحة يبجي يكول اريد بالعطله اروح لبابا للعلم مسافه بين بيت اهلي وبيت عيالي ٥ دقائق يعني يجي مشي للمدرسه
ناس تكول مسويله عمل الي مسود قلبه بس احب اكول للي تقبل تتزوج وتصير زوجه ٢ شلون تقبليها ع نفسج كنت بيتي واطفالي يم ابوهم شلون شتتي العائله
وعجبا ع الام الي تقبل ع خراب بيت ابنها شلون رحتي للحج وانتي مشايفه احفادج للعلم ابني اول حفيد الها والاب شلون الك قلب وتنام وانت مشايف اطفالك مرة خابرته كتله بنتك مريضه بين حياه والموت ومسافه المستشفى عن شغله مسافه ١٠ دقائق والله مشي مو بسيارة وما تعب نفسه واجه شافها
اسفه ع الاطاله بس اكول حسبي الله ونعم الوكيل ع كل وحده تخرب بيت واحد
ارجو نشر قصتي بدون ذكر اسمي