قصة من حياتي

No.13

#من_بريد الصفحة
مرحبا
اني عندي مشكلة صار فترة طويله اريد افضفض الي بكلبي
..حبيته وحاربت الدنيا علموده وهو هم جااان يحبني موت صارلي 12 سنه وياه تحملت عيوبه عصبيته وضعه وشغلة الي ما يخلص..
زوجي خوش انسان مكافح ويشتغل ومااكول كلش متدين لا بس نوعا ما ملتزم،، رجلي قبل كم سنه جانت احسه ابويه مدللني دلال مصاير اصلا كل الدنيا تحسدني عليه ،، بس الي صار كم سنه الاخيره اتغير صار انسان ثاني اني اعرف انو بطل يحبني،، بدون سبب اني ممقصرة ويا،،
بالعكس متحملته وحافظت
عليه وعلى ماله اكثر حتى من امه هو احوالة المادية زينه جان من ينطيني مصرف اظل اجمع بي ومااشتري شي لان هو كل شاردة وواردة يشتريها الي قبل لا اطلبها بحيث وره فتره يصير عندي مبلغ زين انطي اله يضل متعجب ليش متصرفين ونسي نفسج بس اني جنت احسب حساب تعبه واشوف ايدى  مليانه طين شون تعبان بفلوسه وشايف الضيم ،،الناس الي داير مدايري عينهم عليه وتترقب كل شي يسوي الي،،
المهم صار فتره كم سنه اتغير 180 درجة دا احسه مو طايقني كارهني مل مني هجرني بلا سبب صار عصبي  كلما احجي ويا يفشلني يعيط عليه عياط يكزبر الجلد،، من غير الفشار الي على لسانه الي يلعب النفس صار انسان عصبي ما يلفي للبيت ابد ودائما ينتقص مني ومن اهلي وحتى من وظيفتي ومن شكلي مع العلم اني شكلي حلو وعندي شهادة ومتعينه،، حتى المصرف صار كلش قليل مع العلم ماديا هو كلش زين
،، كشفته عنده علاقه ويه صديقتي مع ذلك بقيت ويا هو تركها لان عرف هي علمود فلوسه مو علموده ومع ذلك تناسيت هالسالفه ،
، قبل فتره اتمرضت امه كمت اسوي اله اكل وادزلهم لان ماعدهم احد كلت اوكف ويا بلي اكدر عليه تالي من اجة ياخذ الاكل كدام صديقتي يضحك ويكول الها شوفي شون تتلوك الي حتى لا اطلكها متت قهر شفت نفسي حشره واني ميته تعب بالاكل جنت صايمه المهم سويت نفسي ما انتبهت واني وراه طكيتها بجي  شحجي شكول
.. صار يكذب عليه بكل شي حتى بمواعيد. جيته اتخيلوا اتصل بي ميرد ابد عليه ... وكومه شغلات تغث
،،، حتى يتحارش بالبنات كدامي ولا عبالك اني ويا،،كام اذا يجيب حاجة فارخص واسوء شي يجيبه حتى ذوقه تغير
.. صار فتره اني تمرضت سويت عمليه دزني لاهلي ولا فلس انطاني وعمليتي صعبه حتى ماسال عني ولا شاف عشت او متت ضليت اتصل ميرد اخر شي اتصلت من رقم غريب راسا رد عاتبته كلت اله اني مو صديقتك اني مرتك متكولي شبيك اتهرب مني ويكولي اني مااكدر
. اشوفج وجهي اسود منج مالي عين واني من اتصلت ردت اثبت لنفسي انوهو متقصد ميرد عليه وبالفعل هذا الي صار .. واليوم صار شهر لاسال ولا اجه مااريد ادخل اهلي لان. هو يضوج وبعمري مازعلت عد اهلي،،

حتى من خابرته بعد العمليه كلت اله احتمال عقده خبيثه كال همزين مسجلت بيت باسمج حتى يروح ورث للغريب بصراحه اخذت موقف من هالحجي وقررت هالمره غير شكل لان كل مره يوعدني يرجع مثل مثل وما يرجع بالعكس من غير عياطه بدون سبب عليه بالشارع كدام الناس وباي وقت

اريد اخذ قرر ساعدوني