ASRAMA

Part 2

Habis tu perjumpaan, diurang trus p dewan makan.. Tu hari yg diurang daftar tu hari ahad bh, jadi teda jga la yg diurang mau buat..

Masa makan2 tu, c jessy xselesa sdh sama c chloe. Nama ja cantik, tu prngai bikin takut.. C daisy perasan tu prngai c jessy yg lain2 trus dia p bisik sama jessy..

" jess, ada sa mau tanya ko. "

" apa tu? "

" ko kutur ka? "

" ui, mana ko tau? " lain2 sdh prasan c jessy.

" tedala.. Ko kasi bersih bgus2 ar.. Jan ko buang merata2. Xbagus tu.. " c jessy diam ja bila daisy bilang bgitu..

***********************************

Habis makan smua naik p dorm masing2..  C jessy sana atas katil dia sdh..  C lily sama c  cici atas lantai bergosip psl tu tanakwagu yg diurang nmpk tadi.. C chloe? Sana atas katil dia, tinguk2 c jessy..

" ko ada mau tanya sa ka kak? " c jessy ringan sdh mulut mau tny c  chloe..

" hati2 kio " pindik tapi bikin takut tu cara c chloe bercakap..

C jessy apa lagi? Dia buka tu tingkap, tarik selimut trus pura2 tidur sampai dia ttidur sndiri..

Ngam2 pukul 2am jessy terbangun mau kansing.. Dia tinguk c lily, sdh tidur mati.. Yg lain pun smua sdh tidur.. Chloe? Ada bh sana katil dia, tidur. Kamu fkir dia teda sana sdh kn? Hahahaha...  C jessy turun katil.. Baru dia mau buka pintu, ada bunyi loceng kaki..

Tu gelang kaki yg ada loceng kaching kaching tu bh.. Na, bagus la tu.. Ada kawan sa kansing bilang c jessy.. Buka ja pintu, teda urang sana.. Ada lg angin limpas, bau lg tu..

Ni urang mau terbirak sdh ka apa? Punya bauu bilang c jessy lg.. Mau muntah sdh dia.. Berlari2 c jessy p tandas.. Sampai tandas, dia dgr bunyi paip kana buka..

Jan ko tinggal sa ar.. bilang jessy dlm hati.. 2minute sdh, masih juga tu paip air berbuka.. C jessy pun p tegur..

" org sebelah.. Buli ka ko tnggu sa kjp.. Takut sa.. " sunyi ja. Teda org menyahut ni.. C jessy fkir lain2 sdh.. Sdh dia siap trus dia keluar. Sekali banggg! sana c chloe berdiri.. Dpn pintu tandas bh! Terbang semangatt c kawan..

" kak, nokuro? Kau ka sana sebelah tadi? " c chloe tinggal ja jessy sana. Xkena jwb tu soalan.. Baru ja c jessy keluar dari tu tandas, teda sdh c chloe.. Aik? Capat jga c chloe jln? bilang jessy.

Sampai sana bilik, c chloe sdh limpang dkt katil dia.. Arh, biarla dabilang.. Bisuk pagi, teda sdh c chloe sama cici..

" jessy, smlm ko p tandas ka? " tanya c lily..

" ya, knp? "

" ko x nampak sa ka smlm? Sa pn p tandas bh.. Ko limpas ja sa smlm.."

" eh, teda sa nmpak ko smlm.. C chloe ja sa nmpak tu.. Dapan pintu sa lg tu.. Bikin takut.. "

•••• SKIP ••••

Penat betul ni hari.. Byk lagi tu hw sa mau buat.. bilang c jessy dlm hati.. Firstday bh, jadi bykla benda kana buat..

Sdh malam tu, c jessy mcm biasa la.. Limpang2 sana katil berbuka lg tu tingkap tepi katil dia..

" jess, tutupla tingkap ko.. " bilang c cici..

" kenapa ? Panas bh sa.. "

" bh yala.. " malas sdh c cici layan..

2am: c jessy tersedar.. Kuat betul tu angin diluar.. Bangunla c jessy ni mau tutup tu tingkap... Baru ja dia mau tutup, kaku terus tu badan.. Dia nampak ada urang sana tepi tingkap membelakang dia.. Arr, biarla.. Dia stress kali tu.. Trus c jessy tutup tingkap sambung tidur..pusing sana sini xjga dia boleh tidur.. Balik2 dia fkir sepa tu prmpuan? Knp dia sana? Apa dia buat tu? Ada koridor meh sana tepi?!!!!!!

Nahh!! Lain sdh prasan c jessy.. C kawan sana luar nangis2, ketawa2 sdhh.. C jessy pun mau ikut2 nangis sdhh.. Dia terjun ja dari tu katil p tempat c lily...

" Ko knp bh jessy?!!!!! "

" ada urang sna luarr!! Ketawa2 dia sanaa!!! " nangis2 sdh c jessy..

" ihhh ko ni!! P la ko sana katil ko!! Sa mau tidur bhh!!!!! "

" sa mau tidur sini! Sa xmau tidur sana atas.."

Malas sdh c lily layan. Pantang dia bh tu kalau urang kacau dia tidur.. Sana jga la c jessy tidur.. Berimpit2 durg sana..

Pagi esknya, panas badan c jessy.. Keteguran bh, jadi terpaksa la c lily kasi kawan dia.. Dia xmau sndiri2 sana bilik.. Pandai meracau2 lg tu..c lily pun stress sdh tu tapi kasian bh c kawan teda yg jaga.. Bespren dia bh c jessy ni.. Lgpun mumy c jessy sdh bagi amanah sama dia utk tinguk2 c jessy sana asrama...