ASRAMA

Part 5

" apa juga mau jadi sama c jessy? Kamurang sibuk ni kan sama kerja sampai teda masa mau ambil tau psl c jessy. Jan begitu bh.. Tu la dia melawan kamu tu..
" dia memang begitu bh tu.. Dari dulu lagi tu perangai dia begitu.. Bagus teda anak bh.. "

" Dui, jan ko bilang begitu.. Ko tinguk urang lain yg teda anak.. Kasian bh.. Ko ada anak, jaga dia bagus2.. Luang masa sama tu anak.. Masukla kamu.. " moing lelaki sana bawah kulung dibuai dia sdh sambil menigup.. Moing perempuan pun sdh naik p atas..

" ada betul juga bh apa yg mama bilang.. Cuba ko luang masa dengan c jess selama 1 minggu ni.. " bilang dady c jessy.. Mumy c jessy xcakap apa2, dia jln ja terus masuk rumah..

" jessy!! Ko mau ikut ka? " bilang mumy c jessy sana bawah sudah..

" p mana juga petang2 begini? " tanya c jessy..

" mumy mau p 1B ni.. Semua kami pergi ni.. Ko mau ikut ka tidak? "

" xmau! " terua c jessy ambil earphone, pasang tu lagu dia kuat2.. Jadi tinggal la dia di rumah moing saturangg..

C jessy lagi suka tinggal saturang daripada berjalan ja.. Jessy ambil tu hw yang cikgu tania bagi.. Dia fikir lagi mau buat ka tidak.. Last2 dia buat juga.. 1 pages dia buat terus mengantuk sdh.. Sblum tidur, c jessy suka tulis diary bh.. Jadi dia buka la diary dia mau tulis... Buka ja tu buku, ada tulisan
" KO KANA TOLONG SAAAAAAAAAAA!!! C DANNY !!!!!! " basar2 kana tulis pakai pen merah.. Bukan2! Ni bukan pen merah bilang c jessy.. Ni DARAH!!

Dia tutup tu diary terus masuk dalam selimut dia.. Bagagar sdh badan c jessy...

" Jessyyyy syyy syy syyy syy.. Hihihi "

" Jan kacau sa christy!! Sa tolong juga ko nanti!! "

" ingat janji ko jess... Hihihihi.... " terus hilang tu suara...

C jessy ambil tu telefon dia, dia kasi high volume tu lagu.. Mau pecah sdh tu gegendang..

" hihihi... " sdh c jessy kasi kuat tu lagu, tetap juga dia bulih dgr tu suara ketawa nyaring2..

" jan kacau sa!!! " bilang c jessy sambil nangis2.. Sampaila c jessy tertidur sndirii...

" Jess! jess?! Bangun!! Malam sudah ni.. Ko xmau makan ka? " tanya c dady..

palan2 c jessy buka mata.. Silau betul tu cahaya.. Sa dimana ni? Disyurga ka? bilang jessy dalam hati...

" bangun bh jess.. Mari makan.. "

" dui dad.. Bh, sa p mandi dlu.. "

C jessy ambil tuala terus p mandi..

•••• SKIP ••••

habis makan, c jessy terus masuk p bilik.. Teda dia p bercerita ka apa sama moing dia...

" jessy~ hihi "

" apa ko mau?! " tanya c jessyy..

" ko kana tolong sa jesssss!!! " terus c christy p cekik c jessy..

" lee...pas...sss... Chris....ty... " terus c christy kasi lepas.. Ketawa2 lg dia.

"Kalau ko buat sa begini lagi, sa xmau tolong ko!! Berambus!!!!!! "

" hihihihi " hilang lagi c christy...

1 minggu sdh c jessy sana rumah moing.. Habis sdh tu cuti dia.. Dia begitu juga, xberapa mau bercakap sma moing dia..

" ko bagus2 ar jessy.. Jan lupa moing sini.. Selalu2 la ko pulang arr... " mau nngis sdh moing perempuan..

" bh yala.. Sa pulang dulu arr..nanti sa pulang lagi.. " bilang c jessy..

Otw mau hantar c jessy sana asrama, sunyi betul dlm tu kereta.. C jessy malas mau tanya2 jadi dia tinguk ja luar sana hutan2.. Hutan bh kiri kanan.. Jadi itu jala dia boleh tinguk.. Sampai 1 simpang tu, jessy nampak c christy sana tepi jalan tinguk2 c jessy sambil nangis2..

Sampai sdh asrama means masa utk tolong c christy.. Jessy naik la ni p dorm dia.. Buka ja tu pintu, ada c chloe ja.. Yg lain belum sampai..

" hi chloe.. Ko xpulang kampung ka? "

" tidak.. " pindik ja c chloe jawab..

" oh.. Psl c christy, sa boleh tolong dia.. Tapi apa yg sa buat, ko sama christy xboleh masuk campur.. "

Lama c chloe diam baru dia jawab..

" ok. "

" tapi sa xmau balas dendam sampai kasi mati dia.. Sa buat dia merana ja.. "

C chloe xjawab apa2.. C jessy pun malas sdh layan c chloe jadi dia p la turun sana dewan makan.. Siap membeli, dia duduk2 sana meja saturang.. Sadap2 dia makan, ada tangan p tutup mata dia..

" sepa ni?! Kasi lepass!!! "

Kamu rasa sepa? Chloe? Danny? Christy?  NOO!! C lily bh..

" sa bh ni.. Jauh juga kau mengelamun.. C danny mau jumpa ko tu.. Sana taman dia tunggu ko tu.. " bilang c lily..

" kasi kawan sa arr... "

" dia xkasi sa ikut ko.. Ko pigi ja bh.. "

siap makan c jessy jalan la pigi taman..jauh lagi dia nampak sdh c danny berdiri2 sana kolam ikann.. Tangan dia dua2 dibelakang ni..

Dia pigang pisau ka? Dia mau bunuh sa macam dia bunuh c christy ka? bilang c jessy dalam hati..

" hi jessy.. Nah, untuk ko.. "

c danny kasi keluar bunga rose dari belakang dia..banyak betul red roses.. Terharu c jessy.. Firsttime bh dpt bunga dari lelaki.. Hahaha!

" thanks.. Kenapa ko cari sa? " tanya c jessy..

" kenapa? Salah mehh sa cari mandak sa? Hahaha. Teda la.. Sa rindu ko bhh.. "

" ih ko ni.. Haha!! Bagus2 bh, ko mau apa cari sa? "

" sa mau ko bh " bisik c danny..

" apa?? Sa xdengar.. Kuat sikit bh tu suara.. " bilang jessy..

" jess, sa mau ko.. Jadi gf sa.. Boleh ka? Ko sudi ka? Sorry arr, sa xromantic bh mcm lelaki lain.. Tapi sa betul2 mau ko.. " bilang danny..

" hah?! Ko ni Dan! Jan main2 bh.. "

" Sa xmain2 bh jess.. Sa srius ni.. "

" bagi sa masa ar Dan.. " bilang c jessy sambil senyum2.. Let's start!

***********************************

" apa c danny bilang sama ko? Dia bagi ko bunga ko? " tanya c lily sama daisy.. Sibuk bh ni 2 ikur bunga hahaha..

" ya Dan yg bagi ni bunga... Kamu ambil la sorang satu.. Haha!! " bilang jessy..

" xmau sa.. Marah c danny nanti.. " bilanv c daisy.. Lily angguk2 ja setuju sama daisy..

" apa lagi dia bilang sama ko? Dia minta couple ka? " tanya c lily.. Jessy angguk2 ja..

" terima bh jess!! " bilang c cici yg dari tadi dengar ja..

" bisuk la sambung arr.. Sa mau tidur.. Bye.. "

" ui, mandi dulu bh!! Bau bh.. Petang nnt kita cerita ar jess.. "

C jessy sdh modop.. Xlayan sdh diurang sana..