أحــببتُك دون ان تــدري

الجزء الأول

هاي ، انا عنود ..
زمان جدودنا قالوا مافيش حاجه اسمها اخوة ولا صداقه بين ولد وبنت ! طبعاً انا ك عنود شايفة انه تفكير رجعي متخلف متفلسف مستظرف مستلطف .. سوري اندمجت شوية -.- المهم اني ك عنود معارضة للكلام ده وشيفاه هبل ولابلابلاه
بس فعلاً احياناً بيطلع الكلام ده صح تعالوا نشوف مع بعض ^^

اشهد ان لا امرأه اخذت من اهتمامي نصف مااخذت واستعمرتني مثلما فعلتِ وحررتني مثلما فعلتي .
- تدق الساعة الثامنة صباحاً
ماهي " ام عنود " : عنود يلا اصحي عشان تلحقي تفطري وتروحي جامعتك يلا !
عنود بتتاوب : يوووه يااامااماه سيبيني انام بقي !
ام عنود : يلا حازم اتصل وقال انه هيعدي عليكي ياخدك معاه ولو اخرتيه هيسيبك ويمشي
عنود قامت تنط علي السرير : هاه :0 لأه خلاص انا قومت اهو :D
ام عنود : ههههه ربنا يهديكي هو متصلش بس انتي مبتقوميش غير بكدة
عنود بغيظ : انتيييييي اخ منك >_<
- عنود بنوته عندها 19 سنة قربت تتم ال 20 في تانية طب .. دحيحة -.- ! مجتهدة ، عاقله مش اوي احياناً بتهرب منها :'D
عيونها خضرة بس هي مش بتحب لونهم فبتلبس لانسز سودة ^^ .. شعرها اسود طويل .. بيضاء البشرة .. جميله ملامحها هادية ومتناسقة بس مش باين عليها لانها بتخبي جمالها ومش مهتمه بنفسها زي بقيت البنات ^^

قامت عنود تغسل وشها وتلبس وتفطر الخ الخ
لبست عنود تي شيرت .. بنطلون واسع وكاب
او عنود : ياساتر يارب ! ايه ده ؟
عنود : ايه ياماما في ايه ؟ 0.0
ام عنود : ايه يابنتي اللي عملاه في روحك ده ؟
عنود : مالي ؟ اي ياولية ؟ عاملة ايه ؟ 0.0
ام عنود : مالك شبه الولاد كدة ليه ؟ دانتي ناقصك شنب بس وتبقي ولا اجدعها راجل .. لفالي شعرك كحكه ولابسة كاب O.o تي شيرت وبنطلون ؟" مسكت التي شيرت" .. ده ولادي ده ؟ وضربالي علي عنيكي نضاره كعب كوبايه .. انتي هبلة يابنتي صح ؟
عنود : يادي موال كل يوم ده ! طيب ياماما شكلي حلو مش كدة ^^ ميرسي ربنا يخليكي وباستها في خدها . يلا سلاااااام
ام عنود : ربنا يهديكي يابنتي !
خرجت عنود لقت حازم مستنيها برا بعربيته اودام الفيلا
حازم : اهلاً ياجعفر !
عنود : جعفر دي تبقي الست والدتك
حازم : يابت يخربيتك اهلك ! وام طولت لسانك دي ! هقول ل ذينب واتلمي لاديكي ع قفاكي
عنود : قولها ، لأه متقدرش -.- !
حازم : ماشي -___- بطلي رغي بقي ويلا عشان منتأخرش
عنود بفرحه : اييييه خايف تتأخر ع المحاضرات !
حازم : لا خايف اتأخر ع اصحابي ياست الدحيحة -.- !
عنود : :3 -_-
وصلوا الجامعة
حازم : يلا انزلي عشان لوثتي العربية !
عنود : ملوثة بيك ان شاء الله :3
حازم : عاوزة قطع لسانك -___-
حاازم وعنود اصدقاء من صغرهم ^^ حازم اكبر من عنود بسنتين .. طريقه معرفتهم عن طريقة ام حازم ذينب .. وام عنود ماهي لانهم من صغرهم صحاب بعض الانتيم
حازم بيعتبر عنود اخته الصغيره وصديقته وبيحس انه لازم ياخد باله منها وانها مسئولة منه وكدة
حازم شاب وسيم طويل قمحاوي البشره عيون سود غمازات ودقن خفيفة .. وفي كلية هندسة
دخل حازم كليته والبنات حواليه هتموت عليه وهو مطنش وسابهم وراح قعد في الكافتيريا مع صديقه الصدوق نادر
نادر : ضلمت :"D
حازم : دي ضلمتك ياروح امك :""D
نادر : حبيبي ياشبح الله يخليك ! هاه مافيش جديد
حازم : جديد ف ايه ؟
نادر : انت بروح اهلك مش شايف البنات دي كلها اللي هتموت عليك ؟
حازم : لا بروح اهلك انت مشوفتش :"D
نادر : ابقي ركب نضارة -_-
حازم : ماشي اصديقي الصدوق روق بقي واطلبلنا حاجة نشربها كدة
نادر : حاضر هطلب علي حسابك -.-
حازم : يابن التييييييييت . يامعفن >-<
نادر : البت سالي كلمتني كانت عاوزة رقمك :'D
حازم : فكك منها
نادر : لا محترم ! ؛ حازم : غصب عنك
نادر : طب والله انت غبي حد يلاقي كل المزز دي ويطنشهم ! ، حازم : اه انا :D
نادر : لا وفخور -.-
حازم : هااااح انا عاوز واحدة كدة ياواد يانادر يعني ياااااه تكون كدة انثي في نفسها حنينة ورقيقة محترمة وعيونها سود اه بحب العيون السود شعرها طويل قمحاوية فرفوشة وتكون شيك ورقيقة اه رقيقة ياولا يانادر وتحبني بقي تحبني يااااه
نادر : وانت والجامعة كلها مفهاش رقة وحيات امك
حازم : لا دي قلة ادب ! :D مش رقة انا عاوز واحدة اول ماشوفها قلبي يدق .. وفجأه وهو بيتكلم
شاف بنت جاية من بعيد .. شعر اسود طويل .. عيون سود بشره قمحاوية .. شفايفها الصغنونه .. عينيها فيها هدوء ناعم وجميل
حازم متنحلها : هاه !
نادر : مالك يازفت متنح كدة ليه ؟
حازم : هو باب السما مفتوح ولا اي ؟
نادر : ايه ؟
وفجأة تقرب البنت ناحيتهم
البنت : ........