قفل عمر تليفونه وقعد يفكر
وفجأة جت بنت تجري عليه : عمر بيه الحق
عمر : في ايه ؟ حصل ايه
البنت : ياسمين وقعت واغمي عليها
عمر ببرود : اوك
يعني ناخدها للدكتور
عمر بعصبية :اووووف بقي سيبوها هي هتفوق لوحدها يلا امشي
اه اه ماشي
دخل عمر المكتب لقي ياسمين مغمي عليها وملموم حواليها العمال
عمر بعصبية : اطلعوووا براا
وبعد ماخرجوا كلهم برا
بص لياسمين وقرب منها وحط دماغها علي ايده وبايده التانية علي وشها بكل خوف و رقة : ياسمين فوقي
حس احساس غريب في قلبه اول مابص ليها وشها الدبلان المطفي وافتكر اول ماعرفها ضحكتها الجميله اللي مش بتفارقها وشها المنور كلها حيويه ونشاط حاول يفوق فيها
واول ماياسمين ابتدت تفوق وبصت واول ماشافت عمر بعدت عنه بسرعة بخوف وهي بتبص ليه برعب
عمر بعصبيه مكتومة :ايه خوفتك ؟ وياسمين بصاله مالرعب مبتنطقش
قام ضاحك بخبث:شكلك لسة مفوقتيش !مسك كوباية الماية ودلق كل الماية عليها
عمر : ها كدة احسن ؟ بلاش بقي الدراما والجو الاوفر ده مش بحبه ماشي ؟ يلا سلام خرج عمر مالمكتب
وياسمين قاعدة في الارض عيونها بتدمع : ربنا يهديك ربنا يهديك ياعمر
ابتدا اليوم زي اي يوم عادي حازم وصل عنود وقابل نادر بس حازم كان قاعد مستني يشوف دارين
نادر :مالك ياعم مش قاعد علي بعضك خالص كدة ليه
حازم : مااي ياعم مانا حلو اهو ؟
نادر : اه حلو وطعم
حازم : هي البنت اللي كانت عاوزاك تشرح ليها المحاضرات دي مجتش ليه ؟
نادر : عنها ماجت ! اي دونت كير يعني
حازم : همم اهاا
وبيبصوا الاتنين لقوها جاية ناحيتهم
نادر : ماكنت جبت لينا سيرة حاجه عدلة احسن
حازم تجاهله : أهلاً عامله ايه ؟
دارين بابتسامة رقيقة تسحر :تمام بخير وانت
حازم : كويس
دارين بصت لنادر : وانت يانادر عامل ايه ؟
نادر : تمام يلا عشان نبدأ عشان مش فاضي -_- !
دارين : ماشي يلا
وحاولت دارين انها تفتح معاه كلام ومواضيع برا الدراسة بس نادر نفضلها وكان بيرد ببرود وبيطنش
وخلصوا شرح : همم انت شرحك احسن من المهندس نفسه الله عليك
نادر : شكراً ، اهم حاجة فهمتي ؟
دارين : اه اكيد
نادر : كويس
دارين : ممم طيب هقوم امشي بقي احسن تقلت عليكم
حازم : لا انتي رايحة فين ؟ تعالي نادر هيعزمنا علي حاجة نشربها في الكافيه اللي جنب الجامعه ده مش كدة يانادر ؟
نادر : انا !
حازم : اه انت
دارين : وانا موافقة سلام ناو
حازم : سلام
نادر بضيق : يالله! اوووف -_-
مريم : يابنت الاايه هتروحي معاهم الكافيه قدرتي تخليهم يعملوا كدة ازاي؟ده الاتنين لوح تلج متنقل
دارين : يابنتي انتي هبله وهو انا اي حد
مريم باعجاب:فعلاً انتِ ناصحة انا حاولت بس معرفتش
دارين : انتي هبلة وانتي هتقارني نفسك بيا يابتاعت جوابات الحب انتي اسكتي اسكتي !
مريم : طيب
انتهي اليوم في الجامعة وجت دارين:احم انا جيت اهو يلا نروح الكافيه
حازم : اكيد يلا يانادر
نادر : اتصل بعنود طيب خليها تيجي يعني اكيد هتستناك ولا انت نسيتها
حازم : وانا اقدر انساها ! معاك حق هتصل بيها
دارين في سرها : همممم وياتري مين عنود دي اللي الاتنين مهتمين بيها اوي كدة والغريبة ان نادر مهتم مع انه بارد
اتصل حازم بعنود يقولها تيجي بس قالتله انها قاعدة مع مي لان حالتها مش كويسه ومينفعش تسيبها وتيجي تقعد معاهم
نادر بسرعة : لا لا لا لا قولها تيجي
حازم باستغراب : ايه ؟
نادر:يعني تيجي تفك عن نفسها عشان الدراسة وتروق شوية وتجيب صاحبتها يمكن تبقي كويسة
حازم : فكرة حلوة ثواني هقولها
دارين بتفكير : همممم غريبة ونادر ده من امتي بيهتم بحد كدة
حازم قال لعنود وعنود وافقت
عنود : فكك بقي ياولية انتي يلا معزومين بقي روقي وتعالي
مي : ماشي
عنود : الله يخربيته اللي كان السبب
مي : لا متدعيش عليه يخربيتك انتي
عنود : يابنتي ده حيوان فكك منه يعني انتي اتخانقتي مع البنت عشانه وهو قام طردك من المحاضرة كبري منه بقي
مي : اولاً انتي اللي حيوانه ثانياً بقي انا بحبه ماشي
عنود : طب بطلي رغي بقي ويلا نلحق حازم بلا حب بلا بتنجان ده هبل والله -.-
مي : عنود !
عنود : ايه ؟
مي : هو انتي عمرك ماحبيتي ؟
عنود : لا طبعاً ! عمري ماحبيت لا انا معرفش الحب ده حتي عامل ازاي ؟
مي : همممم طب وحازم ؟
عنود : ماله !
مي : مش بتشوفي نفسك وانتي بتتكلمي عليه بتبقي عاملة ازاي ؟ لون عينك اللي غيرتيها بلنسز سوده عشان هو بيحب العيون السود ؟ اهتمامك بيه ؟ لازم ميعديش يوم من غير ماتكلميه ؟ ده مش حب ؟
عنود وقفت وباانفعال : ايييه اللي انتي بتقوليه ده يامي ! انا مهتمة بيه اه بس غشان احنا اتربينا سوا وهو بياخد باله مني انا معنديش اخوات ولاد وبعتبره اخويا ياريت منخلطش الامور ببعضها
مي : طب اهدي اهدي انا كنت بكلمك عادي عنك ماحبتيه تك القرف خلاص
نادر قاعد في مكانه سرحان كل تركيزه علي الباب مستني حتي يلمحها
اما دارين وحازم فقاعدين يرغوا عن نفسهم وحياتهم
ودارين مركزة مع نادر جداً : وانت يانادر
نادر : ها ؟ انا ايه ؟
دارين : يعني اتكلمنا عن نفسنا وانت بقي ؟
نادر : يعني ! مش مهتم اتكلم عن نفسي وكدة
دارين بضيق : اها
واخيراً مي وعنود وصلوا واول مادخلوا نادر ابتسم اوووي وسرح شافها بحجابها الابيض وملامحها الهادية البسيطة خدودها الوردية ابتسامتها الرقيقة عيونها العسلية اللي بتعكس لماضة وتحدي هي جارتهم كان بيحبها من ايام ماكانت في الاعداديه بس عمره ماتجرأ انه يعترف ليها دايماً كان مستني الوقت المناسب لكدة
نادر : ازيك يامي ؟
مي : اهلاً يانادر ازيك عامل ايه ؟
نادر بابتسامة:انا كويس المهم انتي ؟
مي : تمام الحمدلله
نادر : الحمدلله
عنود بتوجه كلامها لنادر: احم احم نحن هنا ياسادة
نادر : ههههههه اهلاً ياعم اللماضة ! عاملة ايه ؟
عنود وهي بتتنهد : هااااح تمام تمام يااخويا وبصت بطرف عنييها علي دارين !
اما دارين اللي حست بضيق من تصرف نادر واهتمامه بمي
دارين باابتسامة : مش تعرفونا طيب
حازم : اكيد ، عنود تبقي اختي الصغيرة وصديقه عمري ، ومي تبقي صديقة عنود
دارين : اها تشرفنا ويشرفني طبعاً نكون صحاب
عنود : اكيد
وفضلوا يتكلموا ونادر عزمهم كلهم علي اللي عايزينه وبعدين مشيوا
التيرم التاني علي وشك الانتهاء
تعدي الايام وعلاقه دارين بحازم بتقوي والي حد ما قدرت تتعامل مع نادر شوية دارين حاطة حازم في خانة الاصدقاء بس شعور حازم من ناحيتها مختلف وكمان شبه اتصاحبت هي وعنود
اما مي بتحاول متفكرش في دكتور هاني
ونادر مازال بيحب مي وبيحلم باليوم اللي يعترف لها بيه بحبه
اما عنود الدحيحة بتركز في مذاكرتها وبس لان الامتحانات علي الابواب
في الجامعة ..
دارين : اومال نادر فين مجاش يعني ؟
حازم : يعني الامتحانات قربت بقي !
دارين : اها واضح وبصت لعنود اللي قاعدة ومش مركزة معاهم وقاعدة تدح
وهما قاعدين جت مي اخدت عنود ومشيوا
دارين : عسولة اوي وجميله مي دي
حازم : اها بس مش اجمل منك
دارين : ميرسي ، هو في حاجة بينها وبين نادر ؟
حازم بااندهاش : هاا ؟ لا طبعاً
دارين : اممم اهاا
وجت مريم تنادي عليها من بعيد
حازم : انتي تعرفيها ؟
دارين بلئم : اها دي صاحبتي الانتيم ! ليه انت تعرفها
حازم :هاه لا يلا روحي عشان متتاخريش عليها
مشيت دارين وافتكر حازم اليوم اللي مريم بعتت فيه جواب حب له واتبعت لحد تاني واتفضحت في الجامعة كلها واتعمل عليها حفله والكل افتكر ان هو اللي عمل كدة
حازم : غريبة ازاي صاحبتها الانتيم ومتعرفش ؟
دارين قاعدة بتتكلم مع مريم بعصبية : اووووف ده بني ادم بارد ومغرور وقامت رمت الكتب من ايديها
مريم : طب اهدي للدرجه دي مضايقك خلاص بطلي تحبيه بس هو عمل ايه ؟
دارين بعصبيه : اتفقت معاه انه هيعزمني علي حاجه سوا وقولت اهو فرصة نتكلم وهو قالي اه ماشي ! وانهارده مجاش هو اكيد متعمد يغيظني بقي !مش فاهمة الغبي ده مغرور علي ايه ؟ هو في ايه زياده يعني ؟ عشان غني وشكله حلو وممتاز في دراسته
مريم : مممم طب ماهو حازم اجمل منه واغني كمان وعلي حسب كلامك مش مغرور
دارين : هو مين ده اللي اغني منه انتي بتخرفي عشان بتحبيه دي عربية نادر لوحدها 3 اضعاف تمن عربيه حازم
مريم : مممم ممكن بس حازم اغني عنده شركات وبيوت وعقارات كتير مكتوبه باسمه غير اما هيتخرج بباه هيمسكه كل الشركات
دارين بتفكير : اها يعني حازم اغني
مريم : طبعاً بكتير ،المهم هتساعديني اكلم حازم امتي
دارين بتجاهل :ها ؟ قريب متقلقيش سلام ناو بقي
دارين روحت وراحت اتصلت بحازم وقالت له انها مشيت
حازم اتضايق لانه كان عاوز يوصلها ويتكلم معاها زي ماتعود
حازم بتفكير : هو انا حبيتها ولا ايه ؟
عند عنود ومي
دكتور هاني : عنود عنود
عنود : ايوه يادكتور هاني
هاني : ممكن تنادي علي صاحبتك دي اسمها ايه ؟
عنود ابتسمت : اسمها مي
ونادت علي مي اللي استغربت
هاني : احم انا حبيت اتكلم معاكي عشان اعتزر ليكي عارف انها جت متاخر شوية بس انا فهمت انتي عملتي كدة ليه وحقيقي اسف
مي : ولا يهمك يادكتور بعد اذنك
ومشيت بعدت عنهم مي
عنود : انتي غبيه صح ؟ يوم مايجي يكلمك تسيبيه وتمشي
مي : هو جاي يعتذر وخلاص ! معرفش مقدرتش ااقف واكلمه حسيت اني مش عاوزة اكلمه فسيبته ومشيت !
عنود : ليه ؟
مي : ببساطه هو مش ليا وانا هبطل احبه
عنود : طب مايمكن ده اول الخيط امسكي فيه بدل ماتقطعيه مش يمكن توصلي للي عاوزاه
مي : تفتكري
عنود بحماس : اه افتكر جداً
مي : طيب يلا روحي وشوفي حازم
عنود : ماشي يلا سلام
حازم جه اخد عنود كالعادة
غنود : اومال دارين فين ؟
حازم بضيق : يعني حست بتعب ومشيت عنود : اها ربنا يشفيها وحست بفرحه متعرفش مصدرها هي حتي ايه بس حست انها مبسوطة ان دارين مش موجودة
عنود : عارف ياحازم ؟
حازم : ايه ؟
عنود : حاسة ان بقالنا كتير اوي متكلمناش
حازم : ياسلام ! احنا كل يوم بنشوف بعض وبنتكلم !
عنود : معرفش ! بحس احياناً ان فيه حاجة غلط اننا مبقناش زي الاول !بحسك بقيت بعيد عني اه بنتكلم بس بحس حاجة ناقصة حاجة مخبيها عليا
حازم في سره : في الوقت المناسب هحكيلك ياعنود
حازم : لا طبعاً مش مخبي عنك حاجة المهم عاوزين نعدي علي دارين بكرة نزورها ماشي
عنود : هههه عارف هبدأ احس اني هغير منها
حازم محطش في باله : هههه عشان هبلة بس هي تستاهل يتغار منها
عنود بضيق : هه يمكن
ياسمين في المكتب عند عمر
عمر : اووووف مش طايقك غوري من وشي اطلعي برا مش عاوز اشوفك وقام ضربها بالقلم
ياسمين بخوف: اا ط طط طب اانا انا عملت ااا اي ؟
عمر:انتي مبتفهميش !مش بقولك غوري من وشي مبحبش اشوفك اودامي بتخنق فهمتي
وسابها وخرج ياسمين فضلت تعيط وقامت اخدت شنطتها وطلعت تجري برا الشركة والدموع مالية عينيها ومش عارفه تروح فين
في عربيه حازم
عنود : هو احنا ساكتين ليه ؟
حازم : يعني عادي هنتكلم نقول ايه ؟
عنود : ماحنا بنرغي ع طول عادي يعني نتكلم في اي حاجه عقبال مانوصل !
حازم : زي ؟
عنود : دارين مثلاً
حازم : مالها !
عنود : ايه رأيك فيها ؟
حازم : بنت رقيقه وشيك
عنود : اها بتعجبني اوي رقتها دي !
حازم : وانا كمان هممم اهتمامها بنفسها جمالها ذكائها قوه شخصيتها واحدة تقدري تعتمدي عليها رقتها وخفة دمها وطيبيتها طريقة كلامها كل حاجة حلوه فيها
عنود بضيق : اها فعلاً
اما حازم كان راح مكان تاني وهو سرحان في دارين وسايق مش مركز
وفجأة طلعت واحدة في اودامه عماله بتتلفت شمال ويمين وحازم ماشي بالعربية
عنود بصريخ : حااازممم حااااسب
البنت : ااااااا اااااااه
أنت تقرأ
أحــببتُك دون ان تــدري
Romanceبصت له عنود بوجع والدموع عمالة تنزل من عينيها وساكته حازم عصبيته كلها للحظة اختفت واتحولت لخوف علي عنود ، حازم شال ايده من علي دراعها : عنوود انا اسف فضلت عنود تعيط جاامد عنود : انت عاوز مني ايه ؟ ليه كل الانانية دي اوافق موافقش انا حُرة دي حيات...
