اخدهم ادهم وراح بيهم شقته
المنطقه كانت في حي راقي جدا عجبهم كلهم
العماره فخمه من بره
دخلو وطلعوا الاسانسير ووقفوا قدام الشقه
واول ما ادهم فتح الباب اتفاجؤا كلهم
اتفاجؤا لما لقوا الشقه فخمه جدا
ليلي: واو دي شقتك يا ادهم؟
ادهم: عجبتك؟؟؟
ليلي: عجبتني!! انت بتهزر دي تحفه زي الشقق اللي بشوفها في التليفزيون وبس
طبعا اتفرجت علي الشقه كلها واكتر حاجه عجبتها اوضه النوم الرئيسيه بحمامها الخاص والجاكوزي فيه والمطبخ لانه كان امريكان مفتوح علي الصاله وعجبها البار اللي فيه
ادهم: كان نفسي تعيشي معايا هنا...
عم محمود: متنساش اتفاقنا
ادهم: مش ناسيه
عم محمود: ما انت مليونير اهوه علشان كده مفرقش معاك المهر والشبكه
ادهم: ولا مليونير ولا حاجه
عم محمود: عربيه موديل السنه وشقه في منطقه راقيه جدا وعفش بالمنظر ده والبيت اللي بتبنيه وتقولي مش مليونير
ادهم: ايوه مش مليونير بس مش معدم
اولا الشقه اخدتها من اكتر من 8 سنين كانت الاسعار غير دلوقتي وبعدين انا راتبي عالي وكل مهمه بطلعها ليها حساب خاص وكل اصابه عليها تعويض والاهم ان انا مش من النوع اللي بصرف او ليا اهتمامات ماديه والسنه اللي فات جددت الشقه والعفش وساعدتني ساره في الموضوع ده واشتريت العربيه لان الفلوس موجوده وملهاش لازمه... اما البيت والمهر والشبكه والفرش فاعتقد ان بعد الفرح هبقي جبت اخري خلاص
عم محمود: هتفلس يعني ولا ايه؟
ادهم: مش هفلس بس لان شغلي موجود بس قصدي علي الحساب في البنك
ليلي: طب احنا ممكن نشتري المهم بس ونوفر
ادهم: لا يا حبيبتي مش قصدي كده اشتري كل اللي نفسك فيه الفلوس رايحه وجايه ما تقلقيش انتي
المهم اتفضلو في كذا اوضه نوم اللي تعجبكو اتفضلو فيها
ليلي: انا هاخد الاوضه دي تعال معايا
شدته من دراعه توريه الاوضه اللي عجبتها
ادهم: دي اكتر اوضه عجبتك؟
ليلي: اههه... اينعم عايزه اغير الوانها الغامقة دي بس هيا اكتر حاجه عجباني
ادهم: دي اوضتي
أنت تقرأ
المشوه
Romanceرواية رائعه بقلم : Shimoo? تنقلها لكم : Manora mohamed يا بنااات الرواية دي بتاعت الكاتبة " شيمو " وانا منزلها على حسابي روايتي الوحيده ايلي باسمي" منار محمد " هي ايلي موجوده على صفحتي باسم " ﮼الرمال الباردة"💙 اتمنى تعجبكم
