وره شهرعلاج
نور....كرم حرك اصابعك شويه.....حاول
كرم....دا احاول والله دا احاول ماكو
نور....زين هسه كارصتك دتحس بيه
كرم،.....لا ماكو شي ماكو شي....صرت اعصاب وكمت اصيح عوفيني طلعي كافي
نور....شبيك حبيبي على كيفك بعدنه بالبدايه
كرم....نور عوفيني اني مافيدج تعبت ماكو فايده صار شهرحتى اصابعي مجاي تتحرك عوفيني صيحي امي اريد اروح لبيتنه يمه يووووم وينج
نور....شبيك كرم تخبلت شجاي تحجي وين تروح
ايمان...ها كرم بيك شي
كرم....وديني لبيتنه
ايمان....شبيك صاير شي
نور....لا خاله ماكو شي شويه عصبي
كرم....شنو عصبي شايفتني مخبل كدامج لو لان اشوفوني عاجز تلعبون عليه بكيفكم ما ابقه هنا اذا متودوني هسه اخابر سرمد يجيني
نور....كرم شجاك ليش هيج اسوي
كرم....نور عوفيني فدوه تعبت والله تعبت من هاي حالتي ماعدي طاقه اتحمل الوجع بعد وما اكدر اتحمل نضرت العطف بعيونكم اني حاس ماكو فايده ...خليني على راحتي كافي اضغطون عليه ......
نور.....كرم خابر سرمد واجه ياخذه
سرمد....نور شكو سلامات
نور....كمت ابجي والله ما ادري شبي كلب الدنيا علينه اني عاجز وحابسيني وبكيفكم اكوم واكعد اني ما ادري شبي نفسيته تعبته من الي هوه بيه اني هم تعبت اداري مشاعره واقنعه بوضعه ميخوف بس هو مصر ياذيني
سرمد....الي يشوفه مو شويه حقه وانتو ثنيكم تعبتو خلي اوديه يمكن يصفه ويرتاح عوفي براحته
نور....سوو الي اشوفونه صح اهم شي عدي راحته....اخذو كرم وراحو ردت اروح وياهم مقبل كلي من احتاجج اخابرج نقهرت بس كلت خلي براحته....يومين ميقبل يجاوب على تلفوني كمت اخابر امه اسألها تكوم تبجي تكلي اكله مو شي وميقبل يشوفنه اي احد يدخله يكوم يصيح ويطرده.......خاله ميصير ينعاف وحده اني اجيكم اليوم .....ورحت
نور....حبيبي مشتاقتلك
كرم...شجابج روحي موكتلج من اريدج ادز عليج ليش اجيتي
نور....ليش ممشتاقلي ليش هيج اسوي بسته من راسه
كرم.....نور روحي وبعد لاترجعين الي بينه انتها💔
نور....شنو ....شنو يعني الي بينه انتها شنو هو لعب هيج بكل هاي السهوله تكلي انتها لعد وين حجيك واحبج وللموت ما اعوفج
كرم.... الله يخليج تره معايز روحي اني ما افيدج اني عاله حتى على نفسي
نور...شنو عاله شبيك كرم ....اني احبك ما اكدر ما اكدر انهي كلشي بهاي السهوله
كرم....نور حالتي صعبه حتى حمام ما اكدر ادخل ال بطلعان الروح اجر نفسي والله تعبين ويايه وماكو فايده
نور.....اني اريد اتعب وياك اريد اعيش وجعك اريد احس بتعبك اريد امسح دموعك احبك وما اعوفك لا اخر يوم بعمري ما اعوفك
كرم....انتي منتبه للوضع لو لا حاسه انو اني هسه معوق مشلول ما اكدر اتحمل نضرت الناس الي تعبت افتهمي تعبتتتتت
نور....ليش معفتني واني مشوها ومحد ياخذ وحده مشوها....صدكني انت مميز بس اصبر وتحمل
كرم....نور الخاطري روحي ماريد ااذيج ويايه
نور....انت الخاطري تحمل وطيب وكوم على حيلك ولو اعرف ابقه طول عمري انتضرك تمشي ابقه انتضرك و لو اكو امل واحد بالميه تمشي ابقه احاول تعرفني قويه واكدر اتحمل كلشي .....
كرم......ماريد اكسر بيج فهميني ما مني فايده
نور....كعدت على ركبي صرت يم رجله....ليش انت مصور اذا افاركك مراح انكسر ...صدكني ماكو شي يكسرني غير بعدك انت ليش متفهم حبي الك ليش مفتهم حبي الك اقوه من كلشي
كرم....لج اني ماعدي رجلين اوكف بيهن
نور....اني اصير رجيلك وبسته من ركبه......والله حبك بكلبي اكبر من كلشي تحجي بي وراح اطيب وراح توكف على حيلك بس شويه صبر
كرم......احس ماعدي حيل تعبت وتعبتكم ويايه
نور....اني شاكيتلك كايلتلك تعبانه ......الي تعبني هذا عنادك
كرم.....ويلوموني لان احبج
سرمد.....ضل بالي على كرم ورحت اشوفه طبيت شلونج خاله اجيت اشوف كرم
ايمان....هلو خاله شلونك تفضل اي موجود
سرمد.....دخلت وسمعت نور جوه سمعت حجيها وشلون تتوسل بي وتريد قربه حسيت بكل كلمه كالتها اله صادقه حسيت بحبها وغرت اي غرت من كرم رغم الي بي واني غرت منه من حبها اله وخوفها وحرصها اسمع كرم يكولها يلومني لان احبج.....بكلبي الله يلوم الي يلومك هنيالك شكد محضوض بحبها اني ضيعتها من ايدي وكسرت كلبها راح ابقه طول عمري الندم ياكل بكلبي .....دكيت الباب سلااام شلونكم
نور....مسحت دموعي هلو شلونك
سرمد...شكو شبيكم اطلع خاف مو وكتها جيتي
نور....لا جيت بوكتك خلي ناخذ كرم لبيتنه
كرم....لا اني ابقه هنانه
نور....عفيه والله جاي اتعب ما اكدر هيج
كرم...الله يخليج خليني براحتي ابقه هنا وانتي عطلعه شوكت متكدرين تعاي
نور....مراح اضغط عليك براحتك ابقه.....اني رايحه
سرمد...اني اوصلج ....راجعلك كرم حضر الشطرنج😉
نور.....رحت للبيت وصلت كتله سرمد انتضر خلي اشوف بابا بلكي يقبل ارجع وياك.....بابا الله يخليك خلي اروح يم كرم محتاجني حيل واني هنا وحدي واكلك حاضر وهدومك
الاب.....بتي شلون يصير تباتين بيت خطيبج
نور....بابا لعد يصير اعوفه بهاذه وضعه تحمل هاي الفتره مصدكت قنعته يرجع يتعالج
الاب....انتي مو صغيره وتعرفين هذا الشي غلط بس هم غلط اذا عفتي روحي ما امنعج رجلج هذا ومحتاجج وانتي كد الثقه
