بقيت اسأل عليها واراقبها بقت فتره اكو شاب يلتقون وياه بعدين كامت بس هيه ورسل يطلعون كل متجي على رسل احس نفسي ادوخ بيها واصفن بيها ياربي ليش هيج كلبي يدك الها ليش هيج يصير بيها من اشوفها معقوله احبها واني ممحاجيها ولا مره كلت لازم اجراء واحجي وي رسل بلكي تحجي وياها
كرم...رسل بلازحمه عليج ممكن احجي وياج بموضوع
رسل...تفضل كول
كرم...اني بصراحه معجب بصديقتج الي طب اسنان
رسل...نور!!
كرم...اسمها نور؟؟
رسل....ماعدي غيرها صديقه وبعدين ابتعد عنها حباب الي بيها كافيها
كرم...ليش شبيها
رسل...وضعها يختلف صدكني....
نور....ها رسل خلصتي خلي نطلع تعبانه ومعدتي كامت تبجي من الجوع
كرم.....معدتي تبجي وين سامع هاي الكلمه🤔
رسل...اي جيتج...كرم بعدين نكمل حجي
كرم...اوكي بس مو تغلسين....رجعت للبيت واني بس افكر بحجي رسل وشراح تحجيلي ليش وضعها يختلف ما ادري دخت
ام كرم...متكلي شبيك صارلك فتره متغير يوم اشوفك فرحان وطاير وبس تضحك ويوم احسك ضايج واليوم دايخ وهاي الخربطه مال واحد يحب
كرم....تكدرين تكولين هيج شي😓
ام كرم....وليش ضايج مفروض تفرح
كرم....والله ما ادري افرح لو ابجي عوفيها على الله هيه تصفه....
رسل....لج نوره هذا كرم سأل عليج ويكول جاد وياج ومعجب
نور...طفري
رسل...شلون😒
نور....كوليله مشوها هسه هو يطفر😑
كرم...اريد بس يطلع الصبح حتى افتهم شبيها...رحت من وكت للدوام واني على اعصابي
نور....داومت وسمعت بلكليه بسرمد خطب هاي البنيه الي وياه نقهرت بس نقهرت على نفسي مو عليه لان هوه ميستاهل
سرمد....نور مجاي تطلع من بالي وحتى امي حاجيتها بلموضوع متقبلته كلت ماكو غير اخطب ساره الي عدي علاقه وياها وخطبتها على امل اني انسه نور
رسل....نور اذا ضجتي نرجع
نور...ليش هيج شايفتني ضعيفه
رسل....اني اصلاً اخذ منج القوه ....بس كلت خاف معجبج الوضع
نور....لاتخافين وامشي نكمل محاضرات
كرم...اول محاضره وكاعد على اعصابي اريدها تخلص حتى احجي وي رسل
كرم....رسل وعدتيني تكملين الموضوع
رسل...تعال اكعد هيه هم نوره عده محاضره هسه حبقه وحدي
كرم...شنو قصتها من البارحه لليوم افكر كتلني الفضول
رسل...نور انسانه كولش قويه مو اي واحد يستاهلها بس القوي الي مثلها والضروف الي نحطت بيها خلتها هيج قويه
كرم....يعني؟؟؟؟
رسل....باوع نور من جانت صغيره تعرضت لحادث واشوهت احتركت صفحتها اليمنه
كرم😧منو اشوهت
رسل....موكتلك راح تنصدم كتلك لان ماريدك تقهرها
كرم...ومن صار الحادث امها احتركت وماتت وهيه بقت
رسل....😦😦شمدريك
كرم...عدها اخت وحده اكولج هي مو اسمها نور مجد
رسل...اي بس فهمني تعرفها
كرم.....شلون ما اعرفها وخلص عمري واني ادور عليها
اوووووف اوف يانورايتي وين جنت عني كل هاي الفتره رسل...رحم لا اهلك فهمني شنو الفلم
كرم.....لج نوره من الصغر حبيبتي جنت اموت عليها حتى اذكر شكلها قبل لاتحترك امي جانت المرشده التربيوه مالتها واني جنت اكعد يمها اخاف عليها
رسل....دقيقه دقيقه انت كرم 😨كرم ابوعضلات نفسك
كرم....😂😂😂اي جانت من تبجي وتخاف من احد اكولها اني كرم ابو عضلات شوفي عضلاتي محد يكدر يوصلج وهيه الفطير اصدك ....بس هيه يعني منستني
رسل....ابد بكل شده اذكرك
كرم.... هيه اختفت حاولت اعرف عنها شي ماكو حتى امي شكد سألت ودورت كالو عافو بيتهم وراحو لغير منطقه بقيت ادور وعدي امل الكيها.......
هسه يالله افتهمت ليش كلبي يضل يدك ويتخربط وضعي من اشوفها اووووف يارسل مصدكين شنو احساسي هسه
رسل....يعني انت تحب نور؟!
كرم....اني جنت متعجب شلون احبها واني ما اعرف حتى اسمها بس هسه افتهمت ليش
رسل...يعني ميهمك شكلها
كرم....وج اني متعلم عليها واشوفها احله وحده بدنيا ما فد يوم حسيت بيها موحلوه ....رسل ساعديني اوصلها بس لا تكليلها اني منو
رسل...اوكي بس شلون؟؟؟
كرم...هاي الشلون عوفيها عليه بس اريدج تكعدينه سوه يعني نصير كروب حتى تتعود عليه شويه شويه
(((ما الحب ال للحبيب الاولي....الجرح من ايده يطيب وينجلي)))😜🙊❤️
