كاعدين نتعشه وندك الباب
الاب....كعدي انتي اطلع هذا كرم ماكو غيره هو يجي هيج وكت
نور....لا تكوله اني هنا خلي اسمع شيكول
كرم....ها عمو ماكو خبر من نور مكالت شوكت تجي😠
الاب....شتريد منها ابني هذا مو حجي انتو فصختو الخطوبه ميصير يوميه جاي وتسأل عليها
كرم....هيه ذبت الحلقه وراحت اني مفصخت الخطوبه وهيه هسه مرتي بينه عقد وما اطلكها لو اموت
نور....خليت شعري صفح على وجهي مثل قبل وطلعتله شتريد متكلي شتريد...ابويه طب جوه من طلعتله
كرم....اريدج مشتاقلج ليش هيج اسوين بيه
نور.....اذا تريدني اقبل امك وابويه يزوجون
كرم....لج مو تهدديني ماكو زواج لا اني كتلج زوجي ابوج لا اي واحد تردينه
نور.....روح كرم واذا انت صدك تحبني طلكني احنه بهذا تفكيريك منتراهم
كرم....اطلكج قابل شنو تلوين ذراعي
نور.....باجر نروح للمحكمه ونطلك هذا اخر شي عدي الك.....ثاني يوم رحنه للمحكمه نطلك وكل واحد بكلبه قهر وحصره
الاب...نوره معليج بيه بنتي لا تضيعيني نفسج هيج
نور.....مثل ما اني احب كرم وهو يحبني انت وخاله ايمان هم واحد يحب الثاني وانت جبت العمر كله اضحي نفسك وحياتك علمودنه هسه اجه سرانه ندوس على نفسنه وانت علمتني ما اسكت على الغلط وهذا كله غلط ما اكدر اسكت حتى لو كلبي يريده.....
كرم....نور هذا اخر قرار الج
نور.....اخر قرار ما اكدر اشوف الغلط واسكت .....طلكنه القاضي وطلعنه .....مرت عليه فتره كولش صعبه وهوه ولا خابر ولا اجه
كرم....كلبي نار عليها بس كرامي متسمحلي هواي ضغطت على نفسي ذبيت العكازه وكمت امشي وحدي بس اتعب ما اكدر ابقه فتره طويله
نور....بده الدوام ورجعت رسل يمنه وطبيت للجامعه اول يوم وخايفه لا اشوفه ما اصيطر على نفسي الشخص الوحيد الي يكسرني واضعف بسببه هو كرم
كرم....دخلت للجامعه وعيون ادور عليها شفت رسل دخلت للشعبه كلبي كام يدك بسرعه طلعت ادور عليها بقيت انتضرها تجي على رسل حتى اشوفها شفت رسل طلعت هيه راحت عليها بكلبي لهاي الدرجه كارهتني
نور....كلت الرسل هيه تجيني ماريد اشوفه واضعف .....
رفعت شعري عالي واول مره ارفعه هيج وخليت شال خفيف على ركبتي لان اكو اثر خفيف مراح بالتجميل احس نفسي غير كلي ثقه بس كلبي مكسور ...كاعدين بلكافتريه ودخل كرم كمت قبل لايشوفني عفتهم وكمت
كرم....لمحت نور كامت رحت وراها بقيت امشي ورها دخلت للحمامات دخلت وراها ومجان اكو احد ندارت عليه نصدمت شكلها متغير صاير اجنن تقربت عليها ولزمت خدها مكان الحرك ولا جنها جانت محتركه ...بلعت ريكي وكتلها بصوت ناصي هاي شمسوي بنفسج
نور....من لزم خدي عبالك اربط الساني يحجي ما اكدر اجاوبه مشتاقتله اريد احضنه حبيبي هذا .....وخرت ايده اطلع كرم عيب لا احد يشوفك
كرم....معليه من احد....مشتاقلج ليش هيج تحركين كلبي وجه كلبي شاب نار بدونج
نور.....الله يخليك كلبي ميتحمل بعد عوفني احنه منرهم سوه
كرم...احنه اصلاً نخلقنه لبعض
نور....لا احنه مو لبعض كل واحده تفكيره يختلف رغم كلوبنه مرتبطه بس عقلنه لا
كرم....رجعيلي مشتاقلج
نور....الي عدي تعرفه
كرم.....خرب ببليسج عوفيج من امي الخاطر الله طلبي مني اي شي ال هذا الطلب ما اكدر صعبه
نور.... وخر لاتجيبلي حجايه يشوفونه سوه
كرم....لزمتها ودفعتها على الباب ولزك نفسي عليها ...اني اجيبلج حجايه
نور...دخت وذبت ....كرم وخر حباب انت هسه مو رجلي حرام وخر مني
كرم.....قربت شفتي على شفتها وهيه ذايبه يعني بعدها تحبني....انتي تحبيني ليش تكابرين
نور....دفعته حيل ...اي احبك بس ادوس على كلبي وعلى نفسي وابعدك عني عفته وطلعت ....لاكتني رسل حضنتها وكمت ابجي تعبت منه ومن حبه اريد انساه بس ما اكدر عقلي وكلبي وروحي كلها يمه
كرم....نقهرت حيل طلعت وكعدت وحدي اشرب جكاره وافكر بيها صفنت اذكرت شكلها شلون متغيره ومحلوه محسيت على نفسي ال اني مبتسم رجعت للبيت وهاي الفتره كلها علاقتي بامي متوتره صعدت بغرفتي بدلت وتمددت اذكرت من تقربت لنور شلون ذبلت عيونها عطرها الدوخني قربها الي اذاني افكر بيها وذايب .....كمت يوميه احاول اشوفها اسأل رسل عنها وتطيني اخبارها بقينه سنه بكاملها انداوم واحنه بس نضرات ...اخر فتره انتبهت اكو ولد مرحله رابعه يحوم على رسل ونور رسل ادري بيها علاقه وي محمد ركزت عليه انتبهت عينه على نور لزمت رسل حاجيتها
اكولج رسل هذا شنو قصته يفتر على نور
رسل....لا ماكو قصه
كرم....رسل بداعت محمد وبداعت نور احجي الصدك
رسل.....كرم هذا داز اهله يريد يخطب نور😬
كرم شنوووو😠😡وهيه موافقه
رسل....والله هيه بالبدايه رفضت
كرم....وهسه شنو وافقت
رسل...لا بس اهله ديضغطون عليها لان خوش ولد ابن ناس معروفه وحالت الماديه زينه وشكله خوش ولد ويحب نور ورايدها مابي عيب حتى ينرفض وهو ديحاول يتقرب الها باي طريقه حتى بلكي تقتنع بي
كرم......والله احرك الدنيا عليهم شنو هو لعب نور الي ومتصير لغيري
رسل....كرم لا اسوي شي تندم عليه
كرم.....عفتها وكمت طلعت كبل للبيت لكيت امي كاعده كتلها اليوم نرجع نخطب نور بعصبيه
ايمان....بكيفك يمه بس غير اشوفها تقبل لو لا
كرم.....اني مو بكيفها امشي
🌹🌹🌹🌹🌹🌹🌹🌹
