متى يدق قلبك بحبي (باللهجة العراقية)

بارت 1

بالبداية السلام عليكم

اجيتو تريدون تقرون القصة صح اي اكيد بس

اول شي خل اعرفكم بالشخصيات

نبداء بالشلة التعبانة المكونة من 4بنات الله يحفظهم امين يارب

خل اعرفكم ابول وحدة هية (انوار)

انوار :اني احجي انتي معليج
_خلاص كيفج

انوار :هلاو بيكم كلكم شلع قلع اني انوار ادرس طموحي اصير دكتورة .اما عن شكلي بيضة او قزمة عيوني كبار بنيات .

_خلاص كافي

هسة اعرفكم اب(منار)

_يلة احجي
منار : هههه اوك اني اسمي منار ادرس حلمي اصير اي شي بيه خير هوايتي التصميم مرات ارسم او اسوي او اصنع شغلات (اعمال يدودية )او احب افتر بالسوك.اما شكلي حنطاوية طولي 160

_هسة نجي على ثالث وحدة هي(تبارك)

تبارك :اسمي تبارك ادرس هدفي اصير.       هوايتي القراءة او احب اخذ صور احب الجاي .عن شكلي حنطاوية طولي 155 عيوني كبار

اما عن اخر شي او ديما اخير شي الحلو 🌝❤️اني(فاطمة)

فاطمة :اسمي عرفتو ادرس معندي شي معين بس اريد ادرس اي شي حلو او راقي هواتي الرسم احب اقرء احب اصمم صور او اخذ صور .شكلي لون بشرتي حنطاوية طولي 159 عيوني كبار او عندي خدود او غمازة 🌝💋

هسة نجي للقصة

الساعة 8:50 صباحا

انوار :هلو بنات
البنات:هلاو
انوار :اشلونجن
البنات :بخير
انوار بفرح :شكو ماكو
فاطمة:اشبي الازرك شمسويلج حتة هيج فرحانة ?
انوار :انجبي مو ازرك كلشي ممسوي بس اريد اسويلة مفاجاءة!
البنات :شنو هية?
انوار :اريد اشتريلة فد هدية
البنات :او شنو هية ?
انوار :اممم فكرت.. قاطعتهافاطمة :نعال
انوار بغضب :انجبي علي راسج
تبارك او منار :😂😂😂راح يتعاركن
فاطمة :بدال ما تشترين لهل ازرك اشتريلي انا خطية
انوار :اشتريلج نعال
فاطمة :خلفلة عليج يعني ما تحتاجيني
انوار :اقشمرج عود
فاطمة :انجبي لج ما اتقشمر انا اقشمر علي العالم !
تبارك :يمعودات كافي خلاص
انوار :زين هسة كولولي ششتريلة ?
منار :اممم ساعة?
تبارك :اممم عطر?
فاطمة :ملابس عدلي لبسة المخربط
انوار :انتي لا تدخلين ما كلت اطيني رايج
فاطمة :هم صوجي والله
منار :خلاص كافي ما بيها شي فكرتها هم حلوة تري
تبارك :اي حلوة 🌝
انوار :اممم زين اريد محل حلو او مرتب
تبارك :معليج اني ادبرلج
انوار :يمة فديت
.....

في اليوم التالي ......

انوار :هلاو
النبات :هلاوات
انوار :ها تبو حبي لكيتيلي محل نروحلة اليوم ?
تبارك : اي لكيت محل كلش حلو او راقي !
انوار :هية هاي الصداقة
فاطمة : او اني كلبت البارحة او لكيت ستايل يلوك للازرك ماتج
انوار : هلوووو كلها تختار الة انتي بعدين اني اختار لان هوة حبيبي
فاطمة : ما اكو اجحار اهنا حرامات جان خليتة ابحلكج
منار : امم بالعكس حلو كلش شوفتنياهن البارحة
فاطمة : ها سمعتي بس لو تموتين
انوار : ما اريد عيني اني اختار
فاطمة : دختاري بس انا ما اروح تفشليني
انوار: ليش انتي منو كلج تعاي
منار او تبارك : كلنا نروح مو كيف اي وحدة
فاطمة: كالتها بلسانها ما اروح
منار : بلا اعناد يلة امشو

...

ركبنة تكسي
تبارك : عمو وصلنة لمكان ......يم..... بشارع .....
السايق:حاضر

فاطمة : كون محل حلو او ملابس سبوت
تبارك: لج كلش حلو او ملابسة سبورت😆
فاطمة : اي خوش احب الملابس السبورت
انوار : انتي المن تشترين
فاطمة: ويامن دتحجين
انوار : وية الي تدور ملابس سبورت
فاطمة: تجين تتوسلين لو تبوسين رجلي ما اساعدج سمعتي
انوار: ما اريد منو كلج اريد اني اختار عيني 😌
فاطمة: طبج مرض 🌝💔كونو شهداء على ما قالته

تبارك او انوار او منار:😂😂😂😂خوش

.....

وصلنة محل

جان كلش حلو او راقي او مبين ملابسة سبورت او حلوات

انوار : عاشت ايدج تبو يخبل😍😘
تبارك :ولو حبي 😘اشعبالج عيني 😎
منار:الله كلش عجبني 😍
فاطمة: اي حلو 😆

دخلنا محل جان كلش راقي او مرتب
جان كاعد ولد بيه شوي سمين ابو خدود اسمر

الولد:اتفضلو اهلا وسهلا
فاطمة ابصوت ناصي كبر زاحف😑
البنات ابتسمن ابصوت ناصي انجبي
فاطمة :قابل جذب😑
البنات:اششش

انوار: اممم اريد شي حلو او مرتب اخذة هدية
الولد: اي اكيد اتفلي اكعدي او اطلعلج او اختاري
انوار وهية تكعد:تسلم بس اريدهن حلوات
الولد :اكيد بس كوليلي اشكد طولة او قياس خصرة
اطتة القياس او الطول
فاطمة بصوت :ما كلت هوة يا لون
الولد :لون بشرتة
فاطمة: اي.. هوة ازرك ترى
الولد :😂😂😂اسمر
فاطمة :اممم لا بصراحة هو حرباء
الولد:اشلون 😂😂
فاطمة:كل صورة لون طالع بيها
انوار :فاطمة انجبي
فاطمة :مو صوجج صوج الي يكلة 🌝💔

بهل اثناء دخل شخص للمحل

هل شخص اعرفة عن طريق مواقع التواصل الاجتماعي
شخص مشهور

اعرف اسمة اسمة ياسر

دخل للمحل

ياسر :صباح الخير
الولد:صباح النور
ياسر :شلونك
الولد :الحمدالله
ياسر :شلونك وية الشغل
الولد :زين ماشي روح اكعد
ياسر :ماشي

...
احنة صافنين عليهم 🌝😹

المهم خل اعرفكم على ياسر

ياسر : هلاو اسمي ياسر عندي محل ملابس او اشتغل مصور احب اطلع او اروح اماكن . شكلي بشرتي بيضة عيوني مرات لونهن ازرق مرة رمادي فاتح طولي قصير بالنسبة لشاب🌝💔 162

المهم طب ياسر كعد او احنة ضلينة

اني او منار نباوع على الملابس او نختار كيفنة 🌝
او تبارك او انوار وية الولد يطلعلهم او يختارن

انوار :لكلج منار تعالي شوفي هذا القميص حلو اني دخت
تبارك: اني هم بس هذاك حلو