متى يدق قلبك بحبي (باللهجة العراقية)

بارت

تبارك :فكرت بالي كالة او البسمة ما تفارك حلكي ما اصدق معقولة اني ازوج علاوي فكرت ما نمت من الفرحة او اخذت قراري
ثاني يوم
اتصلت على علي ...
علي : هلا حبيبتي
تبارك :هلا بيك حياتي
علي :شلونج..?شقررتي??
تبارك :الحمدالله ...اممم مدري فكرت البارحة اهواي او على ما اعتقد اي موافقة
علي :هههه اعتبرها اي موافقة ... اتحضري اليوم باليل اجي وياي اهلي
تبارك:يمةةة شنو اليوم باليل شنو هاي ليش شبساع ????
علي :اشبيج كمزتي شكلت اني لعد اشوكت عيني ?بعد شهر
تبارك :لا مو هيج قصدي بس مو ابساع او فجاة شكول لاهلي
علي :لا تكولين شي اني اكول الهم اشوفهة او عجبتني او جيت الكم
تبارك :ووف خايفة يرفضون اطي مجال
علي :ووف ما اتحمل ودعتج خل اجرب حضي اذا رفضو اتقدم مرت الثانية ورة فترة اذا مو الي ما تروحين لغيري صدكي اموتج ولا تروحين لغيري 😂
تبارك : يمة عيني هذا اشلون حب 😂😂
علي : حب مال مخابيل حبي
تبارك :ههه اي ديلة باي خل اروح ارتب روحي
علي : اي حياتي اريدج تطلعين تملخين
تبارك :هههه اي اي بحيث الي يشوفني املخة بجمالي
علي :😂😂 اي بس مو يشوفج احد من الولد لا بس البنات علمود يغارون منج
تبارك : اي الة اموتهن غيرة عيني
علي:فديت من المضغوطين منها
تبارك:فديتك انا يلة باي
علي :باي قلبي

...........

منار : خفت كلش من تصرفة هذا او كمت ارجع ليروة كلما يتقدم علية !!
منار :مصطفى اشبيك وخر كاعد تخوفني !!
مصطفى: اشبيج حياتي ما اسوي شي
منار : لعد شكو تتقرب وخر مني
مصطفى : اريد بس بوسة والله
منار :عزة عزة عزة وخر وخر وخر والله يصير شي ما يعجبك وخر مني
مصطفى : والله بس وحدة
منار ما احس على روحي الة الدموع تنزل او عيوني غوشن من كد الدموع الي تنزل او ركضت للحمام او سديت الباب
مصطفى ضليت ادك بالباب : منار فتحي الباب والله ما اسوي شي والله اشبيج
منار ابجي او صياح : رجعني لبيتنا رجعني الله لا يوفقك حقير
مصطفى : خلاص يلة طلي امشي ارجعج
منار :جذاب تسويلي شي
مصطفى :بيش احلف ما اسوي شي والله اكو اعضم منة
منار :حلفت بالله جبير. ما تسوي شي
مصطفى:وداعتج
منار اخذت نفس او فتحت الباب او اني ارجف باوعت لمصطفى كام يباوع بندم او عيون بريئة حسيت اتندم من الي سواه
مصطفى:يلة امشي

اخذني او رجعني للييت بس جنت ضايجة كلش او هوة هم ضاج من الي سوه
رجعت للبيت دخلت او رحت ركض للغرفة بدلت او رحت للفراش نمت من التعب والخوف

.........

فاطمة :بت خالي تدرس ابكلية بغداد سالتني تجين وياي ??
فاطمة :اااييي حبابة اخذيني بس ما اريد للكلية اريد للمتنبي او من تخلصين تلكيني يم ساعة بغداد
بت خالي :اووف شكد تحبين الكتب اوك باجر اخذج اتجهزي
كمت اكمز من الفرحة لان احب المتنبي الله فرررحانة

ثاني يوم اتجهزت او كملت رحنة نزلت اني بس كالتلي ديرري بالج على نفسج اوك
كتلها ماشي راح للكلية او اني ضليت افتر او اباوع على الكتب الله منضرهم اشكد حلو ضليت اخذ صور او رحت اكو متحف خالين بيه اشياء قديمة او كلش حلوة تمون او رسومات الله تجنن او ضليت اخذلهن صور او كل لوحة اصفن بيها ربع ساعة ياربي اشلون يدققون او يدعون ...
انوب ضليت ادور مكتبة لكيت وحدة تخبل دورت كتاب عجبني كتاب او قارية عنة اسمة (الجريمة لنجيب محضوظ ) او كتاب (اصابع لوليتا )
كعدت على كرسي او حطيت الكتب على الميز او اندمجت اقرة او محسيت الة شخص فوك راسي او سمعت احمممم
باوعت لكيت رجال جبير بالعمر كال :ها بتني عجبوج الكتب
اني ابتسمت الة :كتلة اي كلش حلوات
الرجال ابتسم : اني اسمي اسماعيل ... اول مرة اشوفج اهنا معة العلم شكلج يحوي انج تقرين كتب او تحبيهم
فاطمة ابتسامتي عرضت او ملت وجهي :تشرفت بيك اني اسمي فاطمة .امم اي اقرة ديما بالبيت بس بالايباد ماتي انزل كتب او اقرة GBF او هاي اول مرة اجي لهنا
ابتسم او كال :فطومة يا فطومة ان شاء الله هاي مو اخر مرة او من تجين مرت الثانية تجين علي ماشي اووو بلة خل ادور اي ها لكيتة هذن 4 كتب اقريهم هدية مني الج
فاطمة :اني فرحت كلت او كمت اكمز او اني كاعدة :تسلم عمووو تسلم ما ادري شكولك والله فرحتني
اسماعيل ابضحك عالي :عادي بنتي اشسويت قابل .هاي من تكملين قراتهم اطيهم لغيرج حتة الفائدة تنتقل
فاطمة بفرح شديد :ايي ان شاء الله تسلم مرة ثانية عموو
اسماعيل كامت او كلت الها :فطومة تجين افرج بالمكتبة اعرفج على الكتب او اعرفج على شنو تحتوي ?
فاطمة كمزت من الكرسي بدهشة :صددددككك عمووو اووي ما اصدك اي اي ليش لا
اسماعيل كمت اضحك عليها حتة دمعت عيوني مبينة بنية حبابة او تحب العلم والتعلم

اخذني عمو اسماعيل او فرني المكتبة علمني على الكتب او شنو تحتوي فد فرحت او اني دونت كلشي حتة من اجي اشتري كتاب اعرف شنو يحتوي او منو الكاتب الي سواه الكتاب

ضليت كل ما يصير مجال اروح للمكتبة  لعمو اسماعيل او يسولفلي او يعلمني

فد مرة من المرات جنت كاعدة اقرة كتاب كلي عمو اسماعيل اقراه رفعت راسي باوعت جان اشوف ولد يباوع علية بس شافني باوع علية دنك راسة اني ابتسمت او نزلت راسي اكمل قراءة

خلصت من الكتاب او ردت كتاب اسمة (لا تعتذر عما فعلت لاجاثة كرستي )بس ما اعرف وين مكانة بالضبط لزمت الدفتر او وكفت يم الرفوف او اباوع للكتب الي موجودة على الرف او اباوع على الدفتر الي مدونة بيه كلت ووف بعد فترة دامت تقريبا ثلث ساعة ادور باوعت للولد لكيتة يباوع علي هم من باوعت الة نزل راسة او سوة روحة يكتب

ضليت اباوع داير ما دايري معقولة عمو اسماعيل ما خال شخص يحرس المكتبية ابغيابة ?

انوب مدري اشلون مرت الثانية لا ارادية لكيتة يباوع علية من شافني هل مرة ما دنكت ضل يباوع او انوب عدل ضهرة او ذب القلم ورة ثواني كام من الكرسي او اتقدم نحو صار قريب علية كلي :تفضلي محتاجة مساعدة
فاطمة :امم مو انتة ??
كال :اني اسمي سام حارس مكتبة
فاطمة :هلا بيك امم يعني تعرف الكتب اهنا
سام :اي اكيد اني ارتبهن
فاطمة :يااا زين اكولك اريد كتاب اسمة (لا تعتذر عما فعلت )
سام ابتسم :حلوو الكتاب هسة اجيبة الج
فاطمة ضليت اباوع عليه راح جابة او اجة بس كلساع يباوعلي
اطاني الكتاب او هوة يبتسم اني هم ابتسمت او اخذت الكتاب من عندة
فاطمة :شكرا تعبتك
سام :هه لا ميحتاج تشكريني شسويت بعدين هذا واجبي
ابتسمت او كتلة :امم عن اذنك
سام :امم اذا رتي شي كوليلي ابساع او لا تضلين تدورين اني اندل مكان الكتب كلهن
استغرب اشوي يعني اشلون عرف ديما اصفن ?
او انوب ضحك او كانما عرف شنو السوال الي بالي
سام :اني منتبه عليج ديما ارقبج
اني اتفاجئت او عقدت حواجي :شنو ليش تراقبي ?
سام ابتسامة : هيج لان اشوفج تجذبين انتباه من تقرين مرة تضكين او مزة وجهج ينكلب عرفت انو اذا ضحكتي قريتي شي حلو يما يخصج او اذا ضجتي معناها شي مو حلو صار بالرواية حزين
فاطمة اتعجبت من الي كالة او فتحت حلكي
سام ضحك او خجل او دنك راسة او كال :اذا رتي شي كولي ماشي
اني كتلة :ااا..يي ماشي تسلم
سام : او اذا حبيتي اطبعج على الكتب الي تجي جديدة او اطيج كتب مالاتي خلصت قرتهن تقريهن !
فاطمة ببتسامة عريضة :جذذذب !!
سام ضحك :والله
فاطمة :اي اي اريد
سام بخجل :طيني معرف تلي او انستا
فاطمة :هاك تلي لان ما احب انستا

اطيتة الة او رجعت اقرة او اني فرحانة ما ادري ليش