متى يدق قلبك بحبي (باللهجة العراقية)

بارت 8

وكفت باوعتلة كتلة يلة دزهن الي 50صورة او تسجيل واحد كافي او رجعت للبيت او فرحان كلت لبابة يجون الرجاجيل حتة نلتم اريد احجي وية العشرتين
ابوة كلة حاضر بس كلي وافقت لو لا علي راح تعرف الجواب بعدين. خابرهم ورة ساعة اجوي لمهم طلب علي يروحون يم بيت امنة خبروهم او راحو جانو كومة زلم او كعدو ابهول جبير .....

ابوي حجة كال: علي طلبنا نجتمع كلنة '
جبير الزلم : اي او اشقررت علي??
كلة : قبل لا تعرف جوابي اريد امنة تجي تكعد اهنا او تجيب وياهة وصلة مال تلفون
جبير الزلم : خاب اشكاعد تحجي انت شنو تجي تكعد اهنا امسودن انتة ??
علي: لا بس الجواب ما يتم الة يصير الي طلبتة غير هذا ماكو
جرر نفس : يابة جيبوها خل نشوف شيريد بيها

جابوها سولها مكان يم عمها او ابوها كلت ابكلبي ايي شوفي اذا ما انكلبو عليج من امان لخطر اني الج ام البلاوي انوب كاعدة او مجتفة او منزلة راسها عود فقيرة !!

كتلة :شيخ او الوصلة مال تلفون وينها
كال ابنفاذ صبر : خاب جيبولة الي يريدة ابساع تاليها وين نوصل

جابولي الوصلة شكلتها بالتلفزيون او المبايل مالتي ...

كلتلهم الي راح تشوفوه تحكمون عليه راح يكون جوابي
الجبير الزلم : كال اي خوش شوفنه

طبعن هية كاعدة تباع من صفحة او نضرة استغراب موجهتها نحوي
ابتسمت الها او درت وجهي فتحت فوني

طلعت الصور طبعا الكل انصدم واحد يباوع للثاني انوب اثبت نضرهم على امنة
امنة صارت مثل الحرى تتلون الوان اصفر ازرك احمر

كتلهم عندي 50 صورة كمت اشوفهم مو كلهن لا كم وحدة لان كلت عيب
باوعو عليها او كلها تغلط او تفشر عليها كامت تبجي او تكول مو اني معلي او تحلف انوب عصبتني كلش لان تحلف جذب كتلها : زين خل نكول فوتوشوب مو انتي بس او شغلت التسجيل او كملت جملتي هذا الصوت صوتج لو لا انخلست احسها ماتت صارت زركة طعا ما تدورن اشصار بية صح هية مو خوش بنت بس انقهرت عليها او انحطت ابموقف صعب كللللششش اقوة موقف شفته بحياتي

....
فاطمة اثناء ما جرني او ركبني السيارة باوعت للناس تباوع عليه بس جانت اكو ابنية تباوعلي بنضرة غضب او كره او مدري شكلكم عليها اني اتعجبت عليها ليش تباع علي هيج ياترى??
المهم مشنية لحد ما حرك السيارة او مسافة اباع ليورة او هية بعدهي على نفس النضرة او تباع علي لحد ما ابتعد او اختفت صح قلقتني بس نسيتها او حرت اصيح بداخلي لان التيب على حلكي اريدة يوخرة حتة احجي عليه هوة خربان ضحك علية او اني مشتعلة نار شحاسب نفسة شهل انسان منو هوة عبالة بس هوة بالدنية كمت اضرب بالداخل ما سيرة او يكلي او يضحك :لج اذا صار بيه شي انتي تجبين الي واحد جديد خوش!
فتح اغاني او اندمج وياها باوعلي اببتسامة عريضة او انا اباوعلة او رافعة حواجبي او ضايجة كال ووفء ما اتحمل هل عيون !!
فتح التيب من حلكي او نزلت عليه
فاطمة : انتة ما تستحي على وجهك انتة قليل ادب او ما متربي اشحاسب نفسك انتة ابن وزير لو ملك هسة اذا اصيح بالسيطرة عليك او اكلهم خاطفني او اذبك سجن او اطيح حض حضك هاا . هوة كل اثناء هل حجي بس يضحك او مرة يباع كدام مرة علي ضوجني حيل او عصبني حسيت وجهي احترك بالنار من العصبية كمت اصيح حيل كلش او اضرب شكو كدامي
هوة عرف انو اني صدك عصبت وكف على صفحة او يكلي : خلاص خلاص ... كافي ..كافي اهدي فاطمة اشبيج .... خلاص
اني كتلة : انجب رجعني احسلك والله اسوي شي ميعجبك
انكلبت نضرتة او عبس : وووف اشلون مخبلة ... خلاص ارجعج للمحل
فاطمة : لامنو يكول انوار موجودة بيه اخابرها
ياسر : خلاص خابريها
فاطمة : اي اخابرها
ياسر باوعلي او رفع حاجبة : اي شكلت خابيرها
سكتت او باوعتلة ابنضرة بيريئة :اي بس ما عندي رصيد
ياسر ضحك : كولي من الاول .لزم فونة حولي رصيد
او خابرتها كتلها انتي وين كالت اني رجعت للبيت اني من كالت هيج عصبت عليها او غطلت : انتي فد وحدة ادبسزز بعد لو تموتين ما اجي وياج يا حقيرة اشلون تعوفيني او ترحين او سديت الخط ابوجها
ياسر باوعلي او كال :ها اشكالت??
كتلة : هاا ادبسزز والله عايفتني او رايحة للبيت
ياسر : او ليش معصبة اني اوديج ولا يهمج
فاطمة : لاعيني ذبني يم السيارت او روح
ياسر : الة اتخبلت. لعد اني شنو ما اقبل
سكتت
سالني على عنوان بيتنة دليتة
وصلني من دخلنة اني احس قلبي يرد يطلع من الخوف لان اخاف يشوفني احد من اهلي يربي
كتلة ذبني اهنا او اني اروح بعد لان اخاف احد من اهلي يشوفني
ياسر : مستحيل ثم مستحيل باعي مو ولد اهنا وحوش عبالك ما شايفين ما انزلج اصولج قريب على بيتكم
اني نزلت او كعدت جوة الكشن حتة لحد يشوفني ياسر خرب ضحك عليه
وصلت قريب الفرع نزلت او رحت