مريضة ولكن

حياتي اصبحت سيئة للغاية..!

وصلنا البارت اللي فات لحد ما آسيا عملت التحاليل ومجرد ما شافتها فقدت الوعي ومؤمن صرخ بإسمها
~~~~~~~~~~~~~
اخذ مؤمن آسيا للمشفي وهي مازالت فاقدة للوعي ولكن سليم رن علي هاتفه

مؤمن بعدما تنهد:ايوة يا سليم

سليم بسرعة:آسيا مين اللي صرخت بإسمها؟!

مؤمن:دي البنت اللي شغال عندها بودي جارد بجانب الجامعة

سليم بصراخ:آسيا سعد السيوفي؟!

مؤمن بإنزعاج من صريخه:ااااه يا بني ودني محتاجها والله
اه ياسيدي هي وبعدين ان تعرفها منين؟

سليم بصراخ:دي آسيا اختي يا مؤمن آسيا الاميرة العربية صديقة الطفولة آسيا اختك يا اهبل

صدم مؤمن بشدة وفتحت عيناه علي مصرعية ونظر للراقدة علي الفراش بهدوء ووجهها شاحب وقال:ازاي؟!

تذكرها وفهم لما كان يشعر بذلك الشعور فهي صديقة طفولته قبل اخته وكان يلقبها بالأميرة العربية لعشقها للغة العربية الفصحي.

افاق مش شروده علي همهمتها بتعب ليغلق مع سليم سريعا ولا يكمل الحديث الدائر بينهم

ويجلس علي الكرسي امام سريرها قائلا:انتي كويسة؟
لم ترد آسيا عليه فقط جلست علي السرير وظلت تتمتم بهمس مسموع :كنت عارفة... كنت حاسة انه هيجي... كنت عارفة اني مش هحقق حلمي وهموت بيه زيها قبل ما يكتشوفوا علاج

وبمجرد ان ذكرت هذا الامر نزلت دموعها بصمت وغطت وجهها بيداها كي تمنعه من رؤيتها وظلت دموعها تنهمر وبعد مدة...
مسحتها بهدوء وتصنعت القوة بعض الشئ

دخل الطبيب الغرفة ونظر لها بشفقة وقال بهدوء:انتي بنت سعد السيوفي؟!

اومأت آسيا بهدوء وهي تنظر له مباشرة
الطبيب:طبعا انتي عرفتي جالك ايه؟

اومأت آسيا مرة اخري وقالت بصوت ضعيف:هبداء العلاج امتي؟

الطبيب:للأسف هو اكتُشِفَ متأخر وكمان منعرفش لسة العلاج اللي هتاخديه بس حاليا هتمشي علي الكيماوي ونشوف هيجيب نتيجة ولا لاء

مؤمن بصدمة:كيماوي؟!!!

نظرت له آسيا بهدوء وقالت:انت كنت ورايا صح؟

اومأ مؤمن بصمت فتنهدت آسيا وقالت:عندي سرطان الخلايا الجزعية ودة اسوء نوع سرطان ونادر جدا انه يجي لأي شخص

نظر لها مؤمن وفتحت عيناه علي وسعهما ولم يستطيع النطق فقد امسكها من يدها بدون وعي منه ونهض وحاول سحبها لتمشي معه

آسيا بغضب:انت بتعمل ايه؟
قالت جملتها وشدت يدها منه بقوة

مؤمن:قومي معايا انا هسفرك برا مش هتلاقي علاجك هنا

آسيا بهدوء:وتسفرني برا بصفتك ايه؟
وكمان كنت انت سافرت تتعلم برا

مؤمن بهدوء:انا مؤمن يا آسيا انا مؤمن جاد التوهامي