عائله الحاج فواز

الحلقه الرابعه

نور بعد الا حصل ماكنتش قدره انها تكمل عشان كده استأذنت ومشت بس كان في حد بيرقبها لحد موصلت البيت وطلعت دخلت علي الاوضه وغيرت واتوضت ولبست اصدال الصلاه وفضلت تصلي وهي بتعيط وتدعي ربنا انه يحميها ويبعد عنها اي شر 

اما كوثر الا كانت في البيت من بدري استغربت ان نور  مش من عادتها انها تكون هاديه كده وتدخل علي اوضتها علي طول
دخلت عشان تشوفها لقيتها بتصلي وهي بتعيط بتعيط من قلبها زي ما تكون في حاجه كبيره حصلت قربت منها وقعدت جانبها علي السجاده واستنت اما تخلص صلاه

نور خالصت بس دموعها بتنزل اول لما شافت كوثر اترمت في حضنها وفضلت تعيط زي ما تكون طفل ضايع ولقي امه

كوثر قعدت تطبط عليها وتقرا قران عشان تهدا

كوثر . ايه الا حصل يا نور مالك في ايه

نور . خايفه قوي يا كوثر

كوثر . اهدي وماتخافيش طول ما ربنا معانا عمرك ما تخافي احكيلي ايه الا حصل طب

نور . حكت كل حاجه لكوثر

كوثر . الحيوان هو ازاي يعمل كده مفكر نفسه مين وبعدين ازاي المدرسه تعين مدرس زي داه المفروض يخافوا علي الطلابه منه

نور . ماعرفش كل الا اعرفه اني خايفه و مش عوزه اروح المدرسه دي تاني انا هطلب نقلي لاي مدرسه تانيه

كوثر . نعم ايه الكلام داه لا طبعا من امتي واحنا بنهرب من حل مشاكلنا هو داه الا بابا عودنا عليه اننا نهرب ولا نقف ونوجه الشي داه و نتصر عليه طول ما الحق معانا 

نور . بس انا خايفه لولا استاذ احمد دخل النهارده ما عرفش كان ايه  الا ممكن كان يحصلي

كوثر . ماكنش هيحصل حاجه وكنتي هتقدري توقفيه عند حده لان ربنا موجود ويله قومي بقي اغسلي وشك وتعالي ساعدني نحضر الاكل

نور . طب بس امال ميريهان فين مش مفروض تكون  هنا من بدري 

كوثر . مش عارفه يمكن اجلها شغل وبعدين الغياب حاجته معاه ويله بقي عشان زمان بابا جاي ومش عوزه يشوفك كده

نور . حاضر يا ستي قومت اهو

وقامت نور تغسل وشها وكوثر راحت المطبخ وشويه وراحت نور المطبخ تساعد كوثر  وهما بيهزاروا الباب اتفتح ودخلت ميريهان

مريهان . خالص معنتش قدره جعانه وتعابه وهلكانه نوم مش قدره خالص اتهد حيالي 

كوثر . انتي ايه الا اخرك كده دانتي مفروض هنا من بدري

ميريهان . والله كنت مروح لقيت حاله اجت ومافيش غيري اطريت اعمل العمليه انا

نور . طب خوشي خودي دوش كده وغيري وتعالي تكون نيره وبابا اجه