عائله الحاج فواز

الحلقه السادسه

ليخرج ذلك الشخص من مكتب نيره ليغلق خلفه الباب ويتجه صوب مها

الشخص :-  لو سمحتي يا انسه عوزه قابل الاستاذه نيره

مها:-  لتنظر له باستغراب عوز تقابل مين

الشخص :- الاستاذه نيره

مها:-  هو مش انت لسه خارج من مكتبها الوقتي ولا انا عاميه

الشخص :-  بقولك ايه خالصيني انا مش ناقصك انتي كمان ادخلي قولها اني عوز اقابلها

مها:-  انتي بتزعق كده ليه حضرتك بالراحه علي نفسك ليطقلك عرق وانت في عز شبابك لسه

الشخص :-  انتي هتخدي عليا يا بت انتي انا مش فاضي لكي  والله ما انا عارف ازاي وحده زيك بتشتغل في مكتب محاميه

مها :-  نعم يا الدلعدي وانا مالي دانا دبلون تجاره يا محروس هو انت فكرني ايه جاهله ولا جاهله

الشخص :-  يارب صبرني بت انتي اتقي شري بدل ماخالي الدبان  مايعرفش لكي مكان

مها :-  انت بتهددني في مكان عملي واثناء تقديه مهامي دانت وقعتك مربربه دانا انزل اعملك محضر تهديد وتعدي

الشخص :-  الصبر من عندك قومي يابت مش فاضيلك انتي والمجنونه التانيه الا جوه اوف داه يوم اسود

مها :-  وهي بتقوم وتدخل مكتب نيره وتطرق الباب

نيره :- ادخلي يا مها

مها :- في واحد بره عوز يقابلك

نيره :-  مقالش اسمه ايه

مها :-  يوه نسيت اساله وبعدين ماهو الجدع الا كان عندك هو الا عوزك

نيره :-  دخليه اما اشوف اخرتها معا

مها:-  تمام وخرجت اتفضل يا استاذ

الشخص :-  دخل

نيره :- اتفضل قعد ممكن اعرف انت مين وعوز ايه

الشخص :-  اولا انا اسمي امجد السباعي اخو هشام السباعي وكنت

نيره :- جاي بقي تهددني مش كده عشان ابعد عن القضيه

امجد :- يا بنت الحال اهدي واسمعيني انا لا جاي اهدد ولا زفت ممكن تسمعي للاخر انا جاي عشان اوصل معاكي لحل عشان نخلص الموضوع

نيره :- وايه هو الحل من وجه نظرك ها الطفل الا اخوك ضربه وهرب وحتي ما فكرش انه يرجع ياخده مستشفي لولا الناس قدرت تمسكه ولا الطفل الا كان مرمي في مستشفي علي الارض بين الحياه والموت ولولا قدرت اني ادخله مستشفي وبيتعمله عمليه الوقتي ولا امه الا اتبهدلت واتهانت

امجد :-  ويا تري بقي المحكمه الا حبلها طويله هتجيب حق الطفل داه انا عارف ان هشام متهور واناني وكل حاجه ومش غلطته دي غلطه ولدته الا دلعته جامد انا هقولك علي عرض مش عشان هشام بس عشان الطفل الصغير انا هتكلف بفلوس العمليه وعلاج الطفل حتي لو هسافره بره ومصاريف دراسته في احسن مدارس لحد الجامعه وكمان شغله بعد الجامعه وهمضي علي تعهد بداه وكمان هعمل لولدته اي مشروع لو هي حابه