بقلم شمس
***رموسه يعمري… ليش بعدتي عني وتركتيني هيج هانت العشره عليج هذا وعدج الي مو گلتي حتى الموت مايفرقنا .. 😒 وبديت اغنيلها (ذبحني الشوگ بغيابك .. ليالي الشوگ بغيابك خذتني ..) .
السلام عليكم ..
اسمي فهد .. اول مره حتجرأ واسولف قصتي .. لان قصه مثل هاي مااگدر اخبيها .. اني استاذ بكليه الحقوق من عائله مترفه من ناحيه المعيشه الوحيد الاهلي .. عمري 34 سنه اعيش ببغداد عندي ثلاث اخوات اثنين اكبر مني ومتزوجات ووحده اصغر مني عمرها 30 اسمها صبا .. فتره مراهقتي كانت مليانه مغامرات وحتى واني طالب بالكليه .. مخليت بنيه مصادقتها لان البنات كولهم معجبين بيه ماكو وحده اريد ارتبط بيها وتگولي لا .. طبعا مواصفتي ..جنتل مان 😉 طويل عيوني كبار شعر اسود وطويل عندي شوارب هي الي مخليتني مميز جسم رياضي .. يشبهوني دائما ببوراك التركي .. (بالي بيك) ..
بس رغم هذا كوله اني كنت ذكي .. بحيث كل سنه اطلع الاول ع الدفعه مالتي .. الى ان تخرجت وبسرعه تعينت معيد وبعدها كملت ماجستير وصرت استاذ بالكليه مالتي نفسها .. وكثرت معجباتي ..
وبيوم دا اشرح بالمحاضره .. دق دق (الباب ندگت )
اني .. تفضل
ودخلت وحده سبحان الخالق .. طول ورشاقه وجمال وعيون ملونه ومحجبه عبالك ملاك ..
اني بذهول .. تفضلي رايده شي
هي .. العفو استاذ اني اجيت استضافه من البصره ..
اني .. ليش هو اكو بالبصره هيج حلوين .
الطلاب كولهم 😂😂😂
هي خجلت وعصبت وصارت حمره ..
اني .. تفضلي اهلا وسهلا بيج .. رحبوا كل الطلاب بيها وگعدت يم بنيه الضاهر تعرفها اسمها مروه لان ايتسمت من شافتها .. گولتها ممكن نعرف اسمج ..
هي بخجل .. ريماس ..
ريماس .. هلاو حبايب طبعا عرفتوا اسمي هسا اعرفكم عن نفسي .. اني عمري 20 سنه انتقلت من البصره لبغداد مرحله ثانيه .. بابا عنده معارف وگدر يسولي استضافه لان اهلي انتقلوا البغداد بحكم شغله هو تاجر وشغله كوله ببغداد ومرتين سوه حادث وانتقلنا طبعا بابا حب ماما حب اسطوري .. ماما من البصره هم اقرباء من ببعيد وشافها بفاتحه وموت نفسه عليها .. ومقبلوا ينطوهيا لان هي الوحيده ع اربع ولد مثلي وخافوا تبعد عنهم ومانطوهيا الا لمن قبل يگعد وياها بالبصره .. بابا كولش حلو اني اشبهه ماما هم حلوه بس مو مثل بابا 😂
بآخر حادث البابا اهلي خافو عليه وقررنا نرجع البغداد الموطن بابا الاصلي 😂😂 اخواني كولهم يشتغلون وي بابا ماكو واحد بيهم واصل بالدراسه لهذا يغارون مني من بابا يدلعني ويعيرهم بيه يگولهم بس رموسه رفعت راسي بيكم 😂😂 هم يضوجون بس حمودي فديته اكبر مني بسنه هذا صديق مو اخو .. والكبار .علي وحيدر وكرار ..واحمد الصغير .. واسوأهم حيدر يحاسبني ع لبسي وع كولشي عود هو متدين وكذا . بس بابا حبيبي دايما يرزله لان يعرفني مااسوي الخطأ واني محجبه ولبسي محتشم ..
مااطول عليكم . اول يوم داومت دگيت الباب .. وگلي الاستاذ تفضلي .. شفته حلو وصدوگ جنتل .. بس هو حرجني من گلي هيج البصره بيها حلوين .. مروه گلتلي هو عيونه زايغه وابو بنات بس مااتوقعت هيج .. ومن اول يوم .. اني ضجت واستحيت من الطلاب ضحكوا.
ورحت گعدت يم مروه .. وهي تصير بنت عمو وصديقتي كنا مانلتقي هوايه لان هي بعيده بس اتصالاتنا ماتسكت حتى من ناكل احنا نتخابر ..
فهد .. خلصت المحاضره واني بقيت بالقاعه الملم اوراقي والكتب واخليهم بالجنطه وطلبت من الطلاب يطلعون .. بس بقيت ريماس عمود اسجل بياناتها اسمها الثلاثي وكذا ..
بس هي حجه حتى احجي وياها .. هي رغم شكلها هادئ بس طلعت بلوه .. گلتلها رموسه اسمج الثلاثي ممكن ..
اشو هاي عبست بوجهي وگالت .. العفوا استاذ اني اسمي ريماس عباس شاكر .. مو رموسه وخنزرت . اني ضحكت افتهمت انزعجت . بس شأسوي للساني الفالت اضعف امام الجنس اللطيف ..وحتى من تعبس حلوه عبالك طفل ويعبس بس شخصيتها قويه عجبتني.
بعكس البنات البقيه .. كل وحده تتمنى احجي وياها ويتحججن حتى يجن للغرفه. مالتي وبس يتمضحكن خفيفات بس ريماس كانت مخليه حدود بينا من اول لحظه كأنه احد مسولفلها عني شي ..
طلعت من القاعه .. ولگيتها گاعده يم مروه ع المسطبه .. من شافتني دارت وجههة . واشرت المروه ..
اجت مروه .. تفضل استاذ ..
فهد .. اكلج مروه ريماس قريبتج ..
مروه .. بلي استاذ بنت عمي ..
فهد .. اها .. لعد انطيها المحاضرات السابقه لتفوتها .
مروه .. بلي استاذ نطيتهيا قبل متنقل .
فهد .. اوك لعد ع راحتج ..
هسا افتهمت منو مسولفلهه عني .. وليش ماخذه موقف مني .. بنت عمها . هي مروه حلوه وحبابه بس مو مثل الحسن الي شايلته ريماس .
مر كم يوم. واني نفس الوضع ادخل القي المحاضره واطلع حتى الضحك والمزاح قللته بالقاعه مع الطلاب اريد اغير فكرتها عني ليش مااعرف اهتميت الرأيها بهذا الشكل ..
وريماس ع نفس الوضع معبسه بوجهي حتى من اسألها تجاوب ع گد الجواب وبس ..
رجعت للبيت تعبان .. وافكر بيها حتى امي حست عليه گالت مو من عوايدك هيج تبقى ساكت . وسولفتلها ع ريماس . امي فرحت وگالت ..
اي يمه ان شاء الله تطلع بنت اوادم مو مثل ذني التعرفهن واخطبلكياهه انت كبرت واريد اشوف ولدك .
فهد .. يمه هي صغيره عمرها 20 واني 34 .. منو يگول تقبل بيه واني اذا مااتأكد منها مااتورط تدرين بيه كل البنات العرفتهن ماارتاحلهن ..
ومااسمع الا صبا طلعت من الغرفه ..
هم عوزها تجيبلنا وحده ساقطه لليوم ماعرفتلك وحده بيها حظ ..
اني تخبلت .. صح اسبورت واضحك بس من اعصب مااشوف گدامي ومااحس الا واني ضاربها راشدي ..
