ذبحني الشوك

بارت 15

دخلت ريماس للمستشفى سوولها التحاليل ..

واهلها كولهم يمها .. بس هي مشايفه اي احد بس اني .. اذا غبت عنها شويه تبقى تسأل وتدور .. وتلزم ايدي لحد متنام ..

حيدر يجي شويه ويروح .. ضميره يأنبه لان هو السبب .. ويبقى ساكت طول جيته ..

ثاني يوم العمليه .. دخلت رموسها وهي لازمه ايدي وصلتها لحد بابا العمليات واني اهون عليها بس هي توصي ..

ريماس .. فهد مو تنساني فهد اذا اموت كل يوم زور قبري وتبجي اهلها كولهم يبجون وياهه .. واني گوه مصبر ع نفس هي دخلت واني گمت ابجي مثل الطفل وگعدت بالگاع .. گابلني ابوها ويبجي .. وامي گومتني گالتلي يمه روح صلي ركعتين وادعيلها بلكي الله يطلعها بالسلامه صدگ رحت توضيت وصليت ودعيت ربي ..

طولت العمليه بالساعات واني واكف ع نار ..

ماصدگت طلع الدكتور ..

كولنا حاوطناه والكل يسأل ..

الدكتور .. على كيفكم وياشر بأيديه . احنا هسا استأصلنا الورم بس ماتوقعناه هيج كبير بالنسبه للفتره القليله هاي .. وان شاء الله ماكو شي بعد اليوم ..

طلعوا ريماس ومنعوا احد يدخللها .. بقينا نباوع عليها من الشباك ..

شلون نايمه حبيبتي عبالك ملاك ولافين راسهه ..

مر كم يوم واني حتى للبيت مارايح والكليه اخذت اجازه بدون راتب ..

وتفرغت بس الريماس .. بعد ماتحسنت شويه قبلوا يدخلون واحد واحد موكلنا ..

ابوها گال ادخل انت لان اكيد من تشوفك راح ترتاح ..

دخلت وابوس بأديها .. فتحت عيونها .بلگوه تحجي .

ريماس .. فهد حبيبي اني عايشه

فهد .. اي عمري واريدج تگومين بسرعه ورانه عرس .. گامت تبتسم وگالت اوك لعد كمل التجهيزات حتى من نطلع نتزوج مااريد اضيع لحضه وحده من دونك ..

بستها وطلعت حتى انطي مجال الاهلها يشوفوها ..

مره عشره ايام ع عمليه ريماس وصارت احسن وگامت تاكل ورجعت ضحكتها وسوالفهه ..

واني بديت اجهز للزواج .

وتقريبا كملت ..

اجه الدكتتور وشاف الجرح وسوولهه رنين ومفراز .. ماكو اي اثر للورم ..

بس طلب تحاليل نسويهن حتى يتأكد اكثر ..

سوينا التحاليل وخرجناهه من المستشفى ..

وصلتهم البيتهم ..

وگلتلهم حنجي العصر اني واهلي نشوفها ..

صارالعصر ورحنا البيتهم .. وحددنا يوم زواجنا .. اهلها مقبلوا گالوا بعدهي تعبانه ..

بس هي مقبلت واصرت نتزوج هذا الاسبوع ..

كملنا كولشي تقريبا وباجر الحنه واني ممصدك ..وفرحان .

ريماس بيوم الحنه .. لبست بدله وردي فاتح وسويت تسريحه بسيطه وخليت ام الصالون تغطي مكان العمليه لان هم زينوها من سوولي فماكو شعر بس هي رتبته وخلته ميبين ..

عزمت صديقاتي بالكليه وحاسداتني لسا لان صار فهد من نصيبي كولهن يحبنا هههه

سوينا حفله كولش حلوه بالقاعه لان هواي ناس وتصوير ورگصنا وتونسا ..

فهد .. سويت حنه وعزمت جماعتي والاساتذه كولهم ونسيت اني استاذ والي مكانتي گمت ارگص وفرحان .. سويتها العصر عمود بالليل اروح يم حبيبتي احنيها ..

واني ارگص وفرحان اجاني اتصال هوايه داگ عليه واني ممنتبه ..

طلعت بره ورديت .. الو

.. الو مرحبا فهد

فهد .. نعم تفضل

… . اني دكتور ريماس ضروري تجني ..

فهد..  احس رجلي وكفت من گال رجليه وگفت من گلي ضروري تجي ..

عفت كلشي ومشيت ونسيت الناس كولهه .

دخلت ع الدكتور ..

دكتور قلقتني .. واني اليوم حنتي عفتها واجيت

الدكتور .. اني كولش اسف لان ضيعت عليك فرحتك . ماادري اليوم الحنه مالتكم ..

فهد ..گول دكتور

الدكتور .. طلعت تحاليل ريماس ومتبشر بخير المرض منتشر بسرعه مع انه ببدايته بس منتشر بصوره كبيره ..

فهد .. الدنيا صارت ضلمه بعيني .. وفرحتي ضاعت

وهسا شنو يعني دكتور.. 

الدكتور .. ماكو غير نسويلها جرعات كيماوي ..