ذبحني الشوك

بارت 9

گعدت من النوم .. طلعت واحس راسي ثگيل وميته جوع شافتني مرت علاوي خطيه سوتلي غدا ..

مسويه تمن باگله ومي لحم .. اكلت واتباع البيت فارغ .. سألتها عن اهلي گالت ماما وبابا وحيدر راحو للبصره ..

ريماس .. صاير شي شلون راحوا وبابا مريض ..

گالت والله ماادري بس گالو شغله ضروريه ..

بقيت متعجبه لازم صاير شي .. دخلت للغرفه وغلقت الباب اوتصلت ع فهد خطيه ضاج اليوم هوايه ..

طوط طوط ( ديدگ الجهاز )

فهد .. هلا بالروح هلا بدنيتي وكل حياتي ..

ريماس .. هلاو حبيبي شلونك

فهد .. انتي شلون صرتي ياعمري

ريماس .. تمام الحمدلله

فهد .. الدكتور شگللكم

ريماس .. والله مااعرف بس گللنا سوو تحاليل ورنين واني مقبلت طلعنا ..

فهد .. ليش هيج ياعمري .. غير تتأكدون اخاف الضربه مأثره ع راسج ..

ريماس .. ان شاء الله ماكو شي حبي لتشغل بالك

فهد .. شلون مااشغل بالي عليج حبي وثاني شي اذا متسويهم اني اخذج واسويلج ..

ريماس .. ههههه فهد شگد شكاك بيش مفاولي گوتلك ماكو شي ..

حبيبي شويه ويأذن الاذان حدخل للحمام اسبح واصلي وبالليل اتصل بيك ..

فهد .. اوك حبيبي

ريماس .. دخلت للحمام واني دا اسبح راسي اذاني الم قوي وماحسيت ع روحي ..

گعدت لكيت نفسي بالغرفه .. وحمودي ومرت علاوي يمي ..

گولتلهم شجابني هنا ..

احمد دخلت للبيت سمعت صياح .. مرت علاوي سمعت صوت بالحمام وانتي قافلته من الداخل ماتگدر تدخل كسرت الباب ولگيتج ع الگاع واگعه ..

لازم ماتسكتين ع روحج ..

ريماس .. حمودي لتكبر السالفه لان اليوم تعبت ودخت ماكو شي ولتگولون الاحد بابا مريض .. هسا انام وارتاح

طلعوا من الغرفه .. واني طلعت الدفتر اكتب بس غلقت الموبايل لان مااريد فهد يتصل مااگدر اكذب عليه واخاف يلح ع سالفه التحاليل ..

خلصت نمت وقررت باجر مااداوم ..

فهد .. اتصل ع ريماس ماكو.. قلقت .. الجهاز مغلق .. شلون ياربي واني مااعرف رقم مروه حتى اطمئن عليها .بقيت صاحي الليل الى ان اذن الفجر صليت ونمت ساعتين لان عندي دوام ..

واكيد ريماس حتداوم باجر واشوفهه ..

بعد اسبوع ..

فهد .. مر اسبوع وريماس ماكو تخبلت جهازهه مغلق .. مروه احاجيهه تگلي مريضه .. وتمشي ماتنطيني جواب ..

تخبلت بعد مااشوف بعيوني .. گلت لازم اسوي حل

اتصلت ع امي گلتلها .. يوم تحضرين نفسج انتي وصبا ترحون البيت ريماس تحجون وي امها وهم تشوفيها شنو بيها صار اسبوع ماكو خبر عنها ..

صدگ مريت ع البيت لگيت امي وصبا جاهزين اخذتهم ورحنا البيت ريماس اني بقيت بالسياره وهم نزلوا .

دگو الباب وانفتحت الهم بس مااعرف منو فتحها عبالي اشوف رموسه بس ماشفتها ودخلوا .. #شمس

ام فهد .. فتحت الباب جنتهم رحبت بينا ودخلنا واجت امها بعدين ..

تعذرت منها لان اجينا بدون موعد .. وگلتلها…

ام ريماس . احنه اجينا خطبنا وانتو مارديتوا خبر وفهد يريد يموت واحنه مشترين البنيه ..

وابني متخبل لو هي لو ميريد .

ام ريماس .. ام فهد . هو كلشي قسمه ونصيب .. وقسمه فهد مو عدنا .. وريماس هسا بحسبه المخطوبه الابن خالهه حاجين بيها ..

ام فهد .. اني متت من گالت هيج .. شراح اگول الفهد يموت لو يتخبل ..

گلتلها .. اشو ماحجيتوا من اجينا .. ولا رديتوا علينا هاي مو حلوه منكم ام علي .. ضجت حيل والمره شكلها بس تريد تطلعنا مااعرف شبيها بس قبل مااطلع گلتلها اريد اشوف ريماس قبل لا اطلع ..