#عشك_الشروكي
بارت12 بقلمي ام البنات
ياسر.....بس نسمه ما الها ذنب
محمد...لعد اني الي ذنب لو اخوتي التيتمو الهم ذنب
احمد....محمد ابوها اخذ حقه مشوفه مخلصه كل مريض صار كم سنه نعرفه من عرفناها لليوم ابوها مسافر ومريض
محمد.....حتى لو ما كاتل ابويه وك هذا مجرم اخذ بت واحد مجرم ولا المن كتل كتل ابويه كدامي وك غير حظ عليه من بين كل بنات الجامعه الي كتلن روحنه عليه هاي حبيتها وردتها ليش هيج يصير وياي
احمد....ما ادري شكلك
محمد....كلشي لا تكلي اني تعبان ما ريد اشوفها راح انزل لا اهلي ما اداوم للاحد .....شغلت السياره وطلعت للعمار بالعشره باليل بطرك الهدوم عليه دخلت امي فزت من خابرتها وكتلها اني بالباب فتحيلي جانت ساعه 2ونص
الام....يمه شبيك
محمد....مابيه وعيونج بس يمه تعبان ردت اجي اشوفج
الام....شافتك العافيه يابعد روحي ليش هيج وشك ذبلان
محمد....مابيه يمه بس اريد ارتاح يمج يومين تعبان من صغط الامتحانات .....رحت يوم ثلاثاء وبقيت للاحد محجيت لامي كلشي بس كتلها ميطوني نسمه لان ارجع للعماره كلتلي ابقه بغداد كتلها ما اكدر اعوفكم اذا هيه من قسمتي تصير الي .....بقيت هاي الايام تعبان الهي روحي بطلعه وي باسم وجاسم وياسر واحمد لحكوني الخميس والسبت رجعنه سوه محجو شي بخصوص نسمه ابد مشتاق لنسمه حيل متعلم ما اغفه ال على صوتها عيوني مشتاق لعيونها وضحكتها ورصعتها كلشي بيها مشتاقلها.....رجعنه وثاني يوم داومت وعيني ادورها....بقيت انتضر ماكو شفت ميثم ومريم راحو وهيه مو وياهم وثاني يوم نفس الحال
احمد....لا ادور عليها صار اسبوع ممداومه من هذاك اليوم لليوم
محمد....ليش
احمد....ما ادري بس سمعت مريم تكول ال ميثم اريد امر اشوف نسمه شلون صارت
محمد....روح شوفهم شنو السالفه بس لاتكول اني دازك
احمد....صار......سلام شلونك ميثم شلونج مريم
ميثم ....شلونك شو مختفين انت والشله....محمد وينه سمعت بالي صار مابيدنه شي
احمد....الله يهدي النفوس...بس شو نسمه ماكو صار فتره
مريم...نسمه تعبانه كولش نفسيتها فد مره وصار اسبوع على المغذي لا اكل ولا شرب ولا تحجي ويانه
احمد...لا تكوليها يمعوده
ميثم...هذا الي صار والله حالها ميسر حتى العدو....مريم رادت تروحلها اليوم بلكي تقنعها اداوم هذا السبوع حتى تطلع من هذا الجو
احمد....لازم اداوم هذا مستقبلها.....رحت لمحمد وكتله
محمد...وهس شلون منو يمها ....فد شويه وخابر ميثم ومريم اسالهم
احمد....هم كالو يحاولون يقنعونها بلكي اداوم وهم اخابرهم العصر
محمد....للعصر متحملت خابرت ميثم اساله
ميثم.....وك لو ما ادري بحبكم صادق مجان وكفت وياكم ....نسمه احسن وقنعناها اداوم بس مو باجر كالت عكبه
محمد....رحم الله والديك وماريد احد يدري اني خابرتك
ثاني يوم
محمد....بقيت كاعد بسياره وانتضر ميثم يجي .....اجهةوي ونزلت نسمه ذبلانه عيونها والوجه اصفر بقيت اراقبها من بعيد
نسمه....داومت واني ساعه ادعي اشوفه وافرح عيوني بشوفته وساعه ادعي ماريد اشوفه بس عيوني ادور عليه بكل مكان....اجوي الطلاب سلمو عليه وياهم احمد تحمدلي بسلامه وراح ....
محمد.....من شفتها هيج طلعت من الجامعه مكدرت اداوم تاذيت حيل بشوفتها .......ثاني يوم دداومت وتلاكت عيونه نضره بعتب ضيعنه حبنه والعهد وضاعت احله ايام وسنين حبنه ....
نسمه.....حسيت روحي طارت وراحت اله اريد احضنه حتى لو ميقبل مشتاقتله وشوقي اله واصل الموت .....كمنه بس بنضرات من بعيد لبعيد.....
سها....شلون صرتي نسمه
نسمه....الحمد الله زينه
سها....انتي متعارك وي محمد؟؟
نسمه.....هذا الشي ميخصج
سها.....سمعي نسمه محمد رجال ابن رجال لاتخسرين وكف ويايه وكف محد وكفها لا اخته
نسمه.....هو هذا محمد على كولته زلمه...بس لليوم ما عرفت بشنو وكف وياج؟!
سها.....مو كتلج رجال من ضهر رجال حتى انتي مكايلج....باعي من يوم اخذج من المطعم هددني ما احجي وكلي يجي يوم تحتاجيني واوكفلج وكتله مراح احجي مردوده وفعلاً اجه هذا اليوم صارت عدي علاقه وي ولد ودزيتله صورتي وهددني بيها يا اطلع وياه لشقه يا ينشر صورتي ويغير بيها حرت وملكيت غير محمد رحتله وهو كلي اعتبري الموضوع منتهي وراح على الولد وماخذ تلفونه وكاسره ومهدده وكايله اوصل الحجي لاهلها وعمامها واكلهم انت بايك تلفونها وماخذ الصور وهيه تطلع منها وانت تنكتل لان اعراض العالم مو لعبه وهو خاف من محمد ومن يومها معترضلي واني من عدها حاسبته اخويه واخذ رايه بكلشي
نسمه....ابتسمت مو هذا الشروكي الي قلدتي عليه اول يوم
سها....وهذا اول شي غيره بيه نضرتي للناس بطريقه متخلفه تدرين مره كاعده اشاقه وياه وكتله شروكي وسكتت كتله العفو ما اعيده ضحك عليه كلي لا عيديها تره هاي مو مسبه او غلط اني شروكي وهذا اصلي والشروكي شيخ الزلم وافتخر لان اني شروكي فعادي اذا كتيلي الشروكي.....حسسني من اكله شروكي دا امدح بيه
نسمه.....ويلموني ليش احبه
سها......كسري كلشي بينكم ولاتخسرينه هو متغير من يوم الي تمرضتي
نسمه....صدكيني الي بينه نكسر وميصلح انسي وعوفي كلشي........
مشت الايام والاشهر والحال نفس الحال وقرب موعد التخرج مال محمد ....
.
احمد.....ميثم شبيك
ميثم....يمعود سيارتي عطلت
محمد....شبيها
ميثم....يراد فت بام موتتني
احمد....دبدلها هاي المجرقعه
ميثم.......وك شبدله اني اريد اخطب مريم هاي الايام اذا بدلتها انسه الخطوبه ومصدكت اهلها نطوها الي
محمد....ميثم اني اعرف ولد مضبوط بسيارات يرجعها الك جديده وبلاش
ميثم....شلون بلاش وين هذا
محمد....مو جود بسنك ادليك عليه وروح وبلاش اني هذا الولد اطلبه فلوس هواي وفلوسي ميرجعهن الي خلي نستفاد منه ليش حرامات يسويلك ادامه كامله الها
ميثم....لا يمعود هاي فلوسك روح اخذها منه اكيد يطيها الك فد يوم
محمد....لا ميطيها اني اعرفه كل مره هيج وكلشي ما احصل منه واعتبرها هديتي مال زواجكم ليكدام اطيها الكم خاف اني ماموجود
ميثم.....مو هو بكيفك متجي اول واحد انت تجي
محمد... الله كريم لهذاك اليوم...خابرت الولد وكتله ميثم روح للولد
ميثم....والبنات
محمد.....السياره اطيها لا احمد يوصلهم
ميثم خوش لعد رايح
احمد......انت متطلب واحد بسنك فلوس
محمد.....يمعود خلي يصلح سيارته خطيه وراه زواج وحبيبته تنتضره على الاقل خلي واحد بينه مرتاح
احمد....ان شاءالله يجي اليوم الي بي ترتاح.....بس انت وصل البنات اني ما اكدر عدي استنساخ محاضرات فايتتني مالحك واستحي منهم....
مريم،...نسمه خابرني ميثم السياره عاطله وجارها بكرين للمصلح يكول روحي لسيارت محمد احمد يوصلكم بيها
نسمه....ترددت بس اتمنه اشوفه من قريب اشم عطره صار فتره مبتعده منه......طلعنه وصعدنه بسياره وره والسياره متروسه عطره غمضت عيني وسحبت نفس اريد اشبع منه شم مشتاقه لريحته ....ما اشوف ال محمد صعد
محمد....سلام عليكم
مريم....وعليكم السلام
نسمه....بقيت ساكته واحارب دموعي لاتنزل درت وجهي على الجامه
محمد....شغلت السياره وجنت مخلي بالفلاش مال سياره اغنيه اسمها ماريد اعتب عليك هيثم يوسف
نسمه....بقيت اصارع دموعي بس خانتني ونزلت
محمد.....اختنكت من شفت دموعها بالمرايه طفيت الفلاش وصارت السياره صنطه
نسمه....اختنكت حيل فتحت الجامه رغم التبريد مفتوح والسياره بارده
مريم....نسمه سدي تخبلتي فاتحين تبريد
نسمه ...مجاوبتها
محمد....عفتها على راحتها وصلت نسمه وبعدين مريم ....
أنت تقرأ
عشك الشروكي
Romanceقصة شاب شهم يحب فتاة حب جنوني ويقوى الحب من الطرفين فيتقدم لخطبتها ويكتشف بان والدها من قتل والده امام عينه وتبدي معانات الشاب والشابه بسبب الفراق لسنين ولكن الحب الصادق اقوى من كل الضروف ينتصر لو بعد حين
