#عشك_الشروكي
بارت19 بقلمي البنات
محمد....لزمت نسمه من ايدها وصعدتها للغرفه
نسمه....وين ماخذني
محمد.....دا اشوفج الغرفه تعاي
نسمه....اول مره ادخلت غرفة محمد....حلوه وجبيره
محمد.....وصيت على تخم زاويه اخلي هنانه .....باوعت بعيونها السودنني تقربت عليها ورجعت وره
نسمه.....شبيك محمد
محمد.....مابيه .....اتقرب وهيه ترجع
نسمه.....محمد خلي ننزل
محمد.....شبيج خايفه مني
نسمه....مخايفه والله بس عيب شيكولون
محمد....ميكولون مرتي لزمت ايدها وجريتها عليه لفيت ايدي على خصرها وحجيت باذنها اجرب الحلال اكيد احله وبست اذانها
نسمه....اسمع نفسه باذني باسها برقه وباس خدي لحد موصل لشفافي باسني برقه بس بعدين بده يقوي الحضنه والبوسه حسيت بي تغير وبده يفقد كمت ادفع بي بس ماكو فايده هو اضخم مني بهواي ....محمد محمد كافي عفيه كمت اخاف منك
محمد....اش اش لاتخافين ما اسويلج شي
نسمه......عفيه عوفني كافي وادفع بيه والله كمت اخاف منك
محمد......ابتعدت عنها رجع خطوه وره واني بعدني ارغبها اريد شيصبرني ليوم العرس بقيت اباوع على شفافها الصارت دم ولازم وجها بايدي وهيه صايره طماطه عفتها وكعدت على الجربايه
نسمه.....اباوع عليه تعبان حيل وحاله تبهذل اول مره اشوفه هيج ....محمد بيك شي
محمد......ما اكدر احجي نزلي واجي وراج اجت صفا روحي يمها
نسمه.....نزلت وره شويه اجاني كال يالله اوصلج حتى باجر اجيج من وكت ورجعت للبيت
والطريق كله ساكت بس يباوع عليه ويجر نفس
ثاني يوم اشترينه الذهب واخذت بدلتين وحده كصير وحده طويله بس مخليت محمد يشوفها لان اذا شافها يلطم ميخليني البسها لو اموت😇
محمد....ليش مخليتين اشوف البدلات خاف كولش مشلحه
نسمه.... لا تحط بالك بهيج مواضيع ......رجعنه وثاني يوم طلعنه وعلى هاي الدوخه وكلهم يركضون ويانه
محمد.....احمد وياير ماعافوني ابد التهو بي
ياسر.....اني روحي طكت اريد اعرس صار كومه خاطب وهذا خطب صار اسبوع وراح يزوج
احمد.....اويلي عليه اني الخاطب قبلك وكلشي ماكو حتى من اشوفها يخلون علينه حرس
ياسر....زين يخلونك اشوفها اني كلشي ماكو وداعتك
محمد.....شنو قصدك استاذ ياسر
ياسر....ماقصدي حبيبي شايف كل الخير واني وراك ازوج حتى لو اعرف ما الحك انتو تعاونوني
محمد.....چا اني كاظكم (يعني لازمكم)متزوجون
احمد.....اي والله مبقه شي كملت كلشي اني بقت بس الغرفه
ياسر....اندل واحد يبيع رخيص
احمد....امرله بلكي عده غرفه حلوه حتى اخذ بتول
محمد....الله كريم .....عفتهم ورحت على صاحبي ابو الغرف دورت غرفه حلوه ومرتبه واخذتلها صوره شوفتها لاحمد ....اكلك هاي حلو
احمد.....اي كلش حلو هي هاي غرفتك
محمد....اي اختاريت هاي باجر نشدها اني وياك لو يجون همه يشدونها
احمد....بيش هاي خويه كلش عجبتني
محمد.....والله ما اذكر من اجيبها اتكد من السعر .....رجعت لابو الغرف كتله هاي هم اريدها بس لغير عنوان اخذتها لاحمد كال نجيب غرفتك ونشدها ثاني يوم نجيب الثانيه ......للعصر اجوي يشدون الغرفه ويايه احمد وياسر شدينها وكملنه
احمد.....اكلك جا هاي مو نفسها الغرفه الي عجبتك
محمد....لا مو نسمه عجبتها هاي
احمد.....ها بس ثنينهن حلوات خويه الف عافيه ....ثاني يوم بيت اخويه بصفي خابروني اكو اغراض جايبهن الك غرفه مال نوم محمد يمي واكف كتلها غرفتيش باوعت لمحمد افتهمت هو وراها مو غريبه ولا جديده عليه هذا ابو الغيره اخوي الماجابته امي اخوتي ماوكفو وياي هيج وكفه.....محمد هاي انت
محمد....انت مجاز اليوم من المعمل روح دخل غرفتك للبيت وخليها بدون شد هسه قبل العرس باسبوع شدها وروح للمختبر
احمد....ما اكدر اجازيك كافي تغطيني بافضالك ما اكدر اردهن الك
محمد.....اني ما اكدر الكي اخو وصديق انت اخو دنيا عزيز كلبي انت ...وهاي هديتي مال العرس .....عرس خويه وافرح وعيش حياتك ولاتحسب مسويلك فضل الاخو مايحسب افضال اخوه
احمد...طلعت وبطريق احجي وي روحي وك انت سويت الي ماسووه اخوتي حتى بلكمتك تغص عليه مايهلك تعرس واني ماعدي اشتري غرفه واخوتي بصفي ميدرون عني عدل ميت دمعت عيني وبجيت حمد الله وشكرته ماكطع بيه من الاحباب.....رحت دخلت الاثاث بالبيت وبقيت بكراتينه ونمت وتغديت ورحت للمختبر
نسمه....خلصت اسبوعين ركض بركض وباجر الحنه جهز كلشي بعد ما طلعت روحي من التعب الضهر وي امي اطلع للسوك وبليل وي محمد
محمد....احمد وياسر وباسم ولد عمي كلهم ما عافوني كلهم يركضون ويايه
محمد...سوينه حنه بفندق بي قاعتين حجزت وحده الي وحده لنسمه
نسمه....ميحتاج محمد ماعدنه ناس هواي بالبيت
محمد....اول شي اهلي وكرايبي هواي وكرايبج رجعت علاقتكم بيهم لازم الكل ينعزم والبيت شينضفه من يطلعون الناس ماريدج تعبين حبيبه ضمي حيلج لباجر😉
نسمه.... ها شنو😧😧😧لاتخوفني بربك تره معايزه😩
محمد....تخافين مني يبت كلبي وج انتي الروح والريا
تسريع الاحداث يوم الحنه
نسمه......ركصنه وفرحنه وره ساعه نزل محمد فك حلكه من شاف البدله كصيره وصدرها مشلح ضل يباوع خاف احد يصور
محمد.....اشتعلو اهلج شلابسه
نسمه.....بداعتي لاتحجي خليني متونسه هي مره بالعمر وماكو احد
محمد...سكتت بس على اعصابي بس من شفت فرحتها وضحكتها كلت خطيه خليها لبستها الذهب ....
نسمه....حبي راح ابدل بدلتي
محمد......حبيبه راح اصعد لجماعتي من يححنونج انزل بس بداعت ابيج ما اريد انصدم هذيح البدله طويله
نسمه.....اي والله طويله
محمد.....الحمد الله .....رحت صعدت يم جماعتي ونزلت كالو راح يحنونه دخلت هوس يم العروس كلهم ملتمين باوعت على نسمه يبوووو لو باقيه على هذيج البدله احسن
اشتعلو اهلج شلابسه شنو تعاندين لو تستغليني
نسمه......لبست بدله صح طويله بس جاكه بيها ولنهايت ضهرها حفر وصدره كولش دلع وبي فيكه مبينه البطن شويه😕قابل شلابسه وهيج طنكر🤔
محمد....انتجيت وشفت ضهرها كله طالع لنهايته .....فلك طرج على هاي السوايه
نسمه....😇شبيك حبيبي
محمد.....وحق الي خلق الحق اذا منزعتي هاي البدله هسه اعوفج واطلع
نسمه....حبيبي انت مو ردت طويله وبعدين هو شطالع مني
محمد......وج هو انتي شمخليه شضامه كومي بدليها لاتخبليني منى تصوير لا احد يصورج
نسمه....بعدني دا احجي اجتي الحجيه تحنينه محمد يفر براسه خاف احد يصورنه اكو شال مال بدله بصفي شاله خلاه على جتافي اني ابتسمت حنونه كال روحي بدليها بسرعه
نسمه....وعيونك ابدلها والبس فد شي كولش يعجبك ومستور
محمد.....والله كمت ما اصدك بيج كاف اطلعيلي بالمايو
نسمه....😂😂😂😂لا مو لهاي الدرجه ونبي البسلك شي يعجبك انت متدري بي مشتريته بس طلب واحد قبل لا ابدل نركص اني وياك بداعتي بداعتي حباب
محمد.....باوع بعيونها شلون تقشمرني وتتوسل وتتمسكن ادري بيها عياره بس احبها واحب عيارتها مو بيدي من حقها تتعاير وتتدلل عليه ولازم اتحمل چا مو جبتها بدمعت العين .....كومي نركص بس وحق الي خلق الحق اذا معجبتني البدله الخ اعوف الحنه واطلع
نسمه.....اي والله هاي هيه .....ركصت وي محمد واني ممصدكه ....محمد معقوله هسه انت رجلي
محمد....چا هسه يالله دريتي من كطع السيد انتي مرتي
نسمه.....اموت على ال چا مالتك
محمد.....ههههههه واني موت عليج وج هسه انتي مريتي مرتي حلالي اوووف يابعد روحي....يالله حبيبه بدلي وتعاي لان مو بس اخاف من الكامرات بس ابو ابويه اشتعل وراح ننفضح واصير مضحكه
نسمه....صار ياعيون حبيبه .....رحت بدلت لبست كلبيه طبقتين الجوه نفنوف مخصر على الجسم ابيض بدون ردان والفوك مثل الهاشمي شيفون ابيض وبي ذهبي طلعت كعدت بصف محمد اباوع عليه رجع الدم بوجه
محمد.....اي هسه ردت روحي بس انتي ال اطلعين شي لو مكملتها ومطوله ردانج
نسمه......تدري ضامتلك مفاجئه تنسيك لبسي مال اليوم
محمد.....شنو المفاجئه
نسمه.....شاورته من يوم شفتك يا ابو فاضل نذرت اذا نجمعنه سوه اتحجب والحمد الله جمعني الله بيك وصرت مرتك وحلالك
محمد......شنو راح تتحجبين ؟؟!!
نسمه.....اي اتحجب ثاني يوم العرس بعد البس حجابي
محمد......اني ما اريد اضغط عليج ولا اجبرج على الحجابه بس حيل فرحت صدكيني والي فرحني اكثر لبستي بقناعتج.......بس هسه عبالهم اني حجبتج ولو ميهمني حجي الناس
نسمه....خلي يكولون الي يكولونه وبعدين مو عيب اذا الرجال حجب مرته عيب اذا جبرها على الحجاب
محمد.....على كولتج ...ويلوموني ليش احبج
نسمه......واني هم اكولها بطريقتك وحق الي خلق الحق امووووت عليك
خلصنه الحنه وطلعنه وجان اكو ولد هواي باب القاعه ندار عليه محمد
محمد....اكولج انتي لو موفيه نذرج ومتحجبه من هسه مو احسن🙁
نسمه....😂😂😂😂لا حبيبي اصبر بس باجر
أنت تقرأ
عشك الشروكي
Romanceقصة شاب شهم يحب فتاة حب جنوني ويقوى الحب من الطرفين فيتقدم لخطبتها ويكتشف بان والدها من قتل والده امام عينه وتبدي معانات الشاب والشابه بسبب الفراق لسنين ولكن الحب الصادق اقوى من كل الضروف ينتصر لو بعد حين
