#عشك_الشروكي
بارت14 بقلمي ام البنات
مريم......نسمه ميثم خابر محمد حتى يجي على العرس ومقبل
نسمه.....خلي براحته مراح يجي حتى لايشوفني ...متوقعت كلبه هيج قاسي كلت فتره ويسال عليه بس الضاهر نساني
مريم.....الي صار مو شويه هذا طبعه وتعرفينه
نسمه......بس الي صار اني مالي ذنب بيه ليش ادفع ثمن شي سواه ابويه
مريم.....انتي نفسج ممتقبله الي سوا ابوج شلون تردين محمد يتقبله...على العموم انسي
نسمه.....لازم انسه مثل ما هوه نسه ونكر الوعد....عوفينه من هذا الموضوع ياذيني ....كملتي شغلاتج
مريم....اي مبقه شي بس الحنه اليوم ماما اجيبها من بغداد الجديده
نسمه....لعد اني اروح اذا ماعدج شي هم عدي كم شغله اكملها
مريم....مو تتاخرين الصالون يردون ب8يمهم
نسمه....مصدكت عطلت حتى اشبع نوم من وره عرسج ماكو نوم ....لعد بيوم العرس ساعه بيش
مريم....نروح ونشوف.....مثبتي على شي شراح تلبسين
نسمه....لا والله الماروني باجر بس العرس بعدني لو الطويل لو الكصير
يوم الحنه
نسمه....لبست نفنوف ماروني طويل بس صدره دلع وجاكه طويله وبدون ردن ومريم طلعت تجنن
محمد....الولد لحو عليه اروح للعرس ولخاطر ميثم لان زعل رحت وال اني كرهت الاعراس والحفلات ....بيوم الحنه لبست بنطرون كتان بيج وقميص ماوي حنينه ميثم والولد ركصو اني ما احب اركص بس الجوبي
نسمه....خلصت الحفله وسمعت محمد جاي كلبي كام يرجف ما ادري فرح مدري خوف ....
مريم.....يكول ميثم راح يجون يحنوني ومحمد وياهم
نسمه....هله بيهم....من طبو اهل ميثم محمد وجماعته مطبو بس ميثم واهله بس سمعت البنات صديقاتنه كالو محمد جاي ويجنن صاير ماشاءالله ...اني متت غيره وقهر كلت ال احرك كلبه بيوم العرس بالقاعه لبست نفنوف نيلي كصير ومجسم وردانه ربع كيبور وشعري فتحته
مريم....لج شطالعه احله مني
نسمه....انتي احله وحده اليوم....دخلو للقاعه واني وياهم دورت على محمد ماكو اخذت راحتي ...
مريم....نسمه بس تاكدي من الكيكه نفسها لو غيرو شكلها
نسمه....اوكي لا يضل بالج...رحت شفت الكيكه وكلشي تمام رجعت للقاعه اول مدخلت محمد صار بوجهي.....سنه كامله حارمني من شوفتك تمنيت اركض واحضنه تمنيت اكدر ابجي واعيط بس كلشي خنكتي كوه سيطرت على نفسي
مريم....شفت حال نسمه تغير وتخربط صحتها تعاي يمي
محمد.....دخلت للقاعه وبدخلتها حسيت روحي طارت الها عبالي كدرت انساها بس جنت اكابر واقشمر نفسي احبها موبيدي ....بقت عيني عليها طالعه كمر بس غرت من عيون الشباب عليها تمنيت الفها بعبايه واطلعها على هذا لبسها.....صارت الحفله اجنن دك وركص واني مالي بركص
ننسمه....كامو العرسان يركصون سلو والجو صار هدوء وحلو بقيت اباوع عليهم انتبهت على محمد صافن عليه بقيت صافنه عليه محسيت بدموعي ال نزلت من وحدها
محمد...بقيت اباوع على حالنه اني ونسمه احنه اول ثنين بيهم حبينه وقررنه نزوج وحبنه صادق وكلهم ارتبطو الي ازوج والي خطب واحنه افترقنه ...رجعو العرسان مكانهم وكامو يركصون جماعتنه
ميثم....احمد كوم هذا صاحبك الجامد خلي يركص جاي نتفرج على طوله
احمد....هذا بس الچوبي يركص هسه اني اخلي يركص...رحت على ابو الديجاي وصحت بسماعه يالله شباب الجوبي وينكم ورحت على محمد كوم لخاطر ميثم خطيه
محمد....كمت ودك الجوبي ومن يدك انسه روحي
نسمه....ركصو جوبي ومحمد كام يركص اباوع عليه وعلى طوله وجماله فرت السبحه بيده وشلون يركص جوبي مضبوط كل حركاته محسوبه مابيها غلط هيبه وكشخه ....اسمع البنات يتغزلون بيه الي تكول منين هذا والي اصيح اخ كلبي شوفي السمار والي تكول لوهيج الشباب لو لا ....نار الغيره بيه تشعل بكلبي اكول هذا الي جان راح يزوجني ويعيشني احسن عيشه هذا جان حلمي وكل الي اتمناه .....وحده من البنات كالت ال اوكعه ميتفوت هذا اباوع عليها خلص الجوبي وراحت هي وصديقتها تتمشه واسولف عود متدري ضربته وبقت اسولف وياه
محمد....خلص الچوبي وداريد اكعد بنات ثنين نضربو بيه اعتذرت منهم وسألوني اني اخو العريس ضحكت كتلهم لا اني صديقه اترخصت وخرت منهم باوع نسمه عينها علينه وعيونه مغوركه عرفت بيها غيرانه بكلبي فرحت بعدها تحبني
نسمه....ال احرك كلبك بسيطه.....صار الركص وكامو صديقاتي يركصون كمت وياهم اركص دا اركص اجتني مريم هيه وبدلتها
مريم....شدسوين اكعدي هذامحمد روحه طلعت
نسمه....واني شكو متطلع روحه لو يضوج شعليه
مريم....وج اكعدي تدرين بي ميسكت والله يلعب طوبه
نسمه.....مريم انتي عروس حيري بروحج ومحمد ماله حكم عليه
مريم......فدوه اكعدي بلا مشاكل هذا مخبل والله يسوي مشكله هسه كوه لازمينه ميثم واحمد
نسمه.....يعني شلون ما اخلص اني
مريم....الخاطري اكعدي والله هذا مخبل يسوي هوسه ويخرب العرس
نسمه....الخاطرج راح اولي بس راح اروح اكعد بالمطبخ خاف اكو نقص وما ماريد اشوفه ااااااف رحت دا اطلع من القاعه وصرت اعصاب متت من القهر رحت للحمامات بعدني مداخله محسيت ال واحد جرني من ايدي نداريت محمد بقيت ساكت جرني من ايدي اكو بنفس الطابق مال قاعه قاعه ثانيه جرني دخلني بيها سد الباب ودفعني على الباب وبقينه واحد يباوع على الثاني والعيون غوركت
محمد.....روحي طفرت من شفتها تركص لو ما الناس اجرها من شعرها راحت مريم تحاجيها اباوع عليه شلون تعاند واخر شي طلعت مطنكره بكلبي طبج طوب ورحت وراها جريتها ودخلتها بالقاعه الثانيه ضلمه وفارغه صرت قريب عليه .....شنو الغايه من هذا الستعراض ترديهم يتفرجون عليج وعل جسمج
نسمه....دفعته انت مالك علاقه بيه عفتني بنص الدرب وحدي ... حتى لو اصلخ هسه كدام الناس مالك علاقه حتى لو اصادق واحب مالك علاقه
محمد....ركعتها براشدي لسانج طولان
نسمه....الراشدي خله دموعي تنزل شلال
محمد.....محسيت على نفسي ال جريتها حضنتها بتك ايد والايد الثانيه صارت بين شعرها وركبتها بستها حيييل وبلهفه فقدت احضن بيها حيل بدون وعي
نسمه....محسيت بيه ال شبكني وباسني حيل واني حسيت روحي راحت رجليه بعد ما احس بيها
محمد....بستها حيل وخرت منها اجر نفس باوعت بعيونها الذبلانه وشفافها الي اعشقهن ......مشتاقلج موت
نسمه....ليش رجعت تعودت غيابك حسيتك نسيتني
محمد.....عبالي كدرت انساج بس طلعت غلطان
نسمه.....حبيتك من كل كلبي وعفتني
محمد....عمري محبيت غيرج ولا راح احب فراكج هد حيلي وخلاني ما اندل دربي
نسمه.....روح محمد ما احمل اذيه بعد كافيزالشفته ....عفته وطلعت ورحت للحمامات بقيت ابجي نص ساعه عدلت نفسي وطلعت دورت على محمد بالقاعه ملكيته
مريم....وين جنتي من طلعتي محمد لحكج وراها رجع سلم علينه وطلع كال عدي شغل وراح تعاركتو ؟؟؟
نسمه....حيرير بنفسج معليج بينه
أنت تقرأ
عشك الشروكي
Romanceقصة شاب شهم يحب فتاة حب جنوني ويقوى الحب من الطرفين فيتقدم لخطبتها ويكتشف بان والدها من قتل والده امام عينه وتبدي معانات الشاب والشابه بسبب الفراق لسنين ولكن الحب الصادق اقوى من كل الضروف ينتصر لو بعد حين
