#عشك_الشروكي
بارت15 بقلمي ام البنات
محمد....ثاني يوم طلعنه وحسيت بهاي جيتي جنيت على روحي طلع شكو احساس بداخلي تعبت حيل وباسم وبتول طلعو من البيت راحو بيت عمي وصار البيت وحشه بدون كرار فوك قهر كلبي كمت اتعارك وي نفسي
احمد....محمد عدي مشاكل بالحسابات
محمد....حلها انت هاي موشغلتك
احمد.....اي شغلتي غير اسالك ماريد اصرف من نفسي
محمد....اني شكو كله عليه روح انت حير بيها وحلها لاتجيني بصياح هذا الحجي
احمد....شبيك اصيح عليه شكايلك اني
محمد....هذا شغلك لاتجي تسألني اني مالي علاقه اريد كلشي كامل
احمد.....محمد منا العمال كافي اصيح عليه
محمد.....شنو حضرتك تستنكف
احمد....شمرت الاوراق وطلعت ......اول مره ضجت حيل من سلوبه جان محلو ويايه بعدين فكرت بيها محمد تصرفه وراه شي متعبه ولازم اني اتحمل هذا خويي....رجعت ادور على محمد كالو طلع رحت عليه للبيت ماكو للكهوه هم مالكيته بالمضيف ماكو صارت ساعه عشره وهو ماكو.....حرت وين اروح ماكلت لا اهله يضل بالهم كتلهم عده شغل بس باسم يدري .....اذكرت من مات ابوه جان يروح يكعد على الشط يبجي نفس مكانه الجنه نلعب بيه اي ماكو غيرها اكيد هناك ....وصلت ولكيت سيارته دورت عليه لكيته كاعد رحت وكعدت يمه
احمد.....نجيت نسبح؟
محمد.......تذكر بيوم الي ضربنه ابويه لان بليل جيتنه بشط
احمد....هههههه وراح كال لابويه وبالخيزرانه
محمد......وثاني يوم عدناها
احمد......مجنه نخاف من شي
محمد.....شجابك
احمد......حسيت بعد تريد اترزلني كلت اجي اكملها.....
محمد....لاتزعل مني اعصابي تعبانه
احمد....نسمه مو
محمد.....اه لدهر فرق الاحبة...والله فقدو من نحب غربة
احمد.....مايبرد كلبك غير ابو الحسنين امشينه نزور
محمد....اي والله وكتها كوم واروح ازور ابويه صار هواي مزايره
احمد...روح كل لا اهلك وناملك ساعه ونطلع الفجر ...
محمد....يمه اني رايح للنجف مختنك حيل ازور ابويه واقراه الفاتحه
الام.....مودع بالله يمه اندعيلنه
صفا....جيبلي وياك دهينه
محمد....صار
صليت الفجر وطلعنه اني واحمد وياسر زرنه الامام وقرينه الفاتحه للاموات وطلعنه.....
ياسر...والله بعد وكت خلي نطلع لكربلاء
احمد....اكلك انت مو سني شو فريتهم كلهم
ياسر....وشنو اهل البيت بس الكم ؟!
احمد.....لا عمي مو بس النه بس هي لعبتها نطلع الكربلاء
محمد....نطلع جا شعدنه ...زرنه الامامين وكعدت يم ابو فاضل اشكيله تعب الدنيا ترضاها يا ابو فاضل ترضاها يابو الغيره ردت الحلال والحلال عارضني حلها من يمك يابو فاضل
احمد....صل على النبي خويه محلوله ان شاء الله
ياسر...اني جعت تكومون ناكل
محمد....يالله كومو....دا اطلع من يم ابو فاضل واسمع وحده تنحب وتبجي بحركه نداريت عليها صوتها مو غريب جان توخر ايدها من وجها نسمه 😧 معقول الصدفه جابتني حتى اشوفها
نسمه....دخيلك يا ابو فاضل نخيتك ونخيت الرسول اريد يبرد كلبي دخيلك يالهي برد ناري والله تعبت ياربي انت احنه عليه من امي اريد معجزه وتنحل وانت ماكو شي عدك مستحيل يارب برد ناري بحق محمد يارب ريحني تعبت ما احمل بعد.......
محمد....شنو الغايه منها يا ابوفاضل نشاوف بحضرتك
نسمه....رفعت راسي هذا الصوت مو غريب عليه باوعته محمد ...شجابك
محمد....الجابني هو الي جابج.....اجيت بلكي تطفه النار الي بيه مثل ما جيتي تردين اطفين نارج
نسمه....محمد روح اهلي ويايه عزه بعيني اجتي امي
الام....خاله شجابك لهنا
محمد.....حجايه احجيه وما اعيده وحق الي خلق الحق وداعت ابو فاضل نسمه ماتصير لغيري
الام....خاله روحه فدوه احنه مراح نخلص من هذا الموضوع
نسمه....محمد تريد تاخذ ثارك من ابويه
محمد.....لو اريد اذيه جان بساعتها كتلته بس مو طبعي الغدر ولا طبعي اغدر ناس دخلت عتبتهم.....عفتهم وطلعت
احمد...شفنه محمد تاخر ورانه رجعت عليه لكيته وكاف كدامه نسمه غير صدفه هاي عفناه يحجي وياها وكفنه يم البوابه
نسمه....ماما والله تعبت ليش هيج يصير ويايه ليش هيج حظي
الام....جنت ناوي اطيح حظها وارزلها لان وكفت تحجي وياه بس كسرت خاطري دموعها بتي كلبها مكسور حاسه بيها شبابي من ردت ازوج ابو مهند مطوني اله وصارت مشاكل هواي وراحت عينه ......ماعدي غير ادعيلج الله يبرد كلبج
احمد.....كعدنه نتغده ومحمد بس يصفن....اذا انت تحبها هيج ليش متنسه الي صار
محمد.....شنسه انسه ابويه الي نكتل كدامي لو اخوتي الي تيتمو لو امي الي ذبل شبابها لوحبي الضاع واذا نسيت كل هذا ابوها مجرم شلون اناسبهم اهلي وعمامي شكول الهم باجر عكبه من يشوفونه اكيد راح يعرفونه اريد بت هذا الكتل ابويه
احمد.....والله ياخوي سالفتك عويصه
ياسر....اكلك جا انت مو ابوها كتل ابوك ماتخذها فصليه
محمد.....انت خبل شنو اخذها فصليه حتى هاي هيه تكرهني فد مره ......مستحيل اسوي هذا الشي وبعدين المن افصل اذا ابوها من الي صار طلع من العشير
احمد.....اذا الك بيها قسمه الله يكتبها الك خليها على الله محمد...ونعم بالله ...اذا خلصتو خلونه نكوم ورانه درب لانتاخر واريد امر اخذ دهينه الاهل مو صينه عليها
ياسر.....للحجيه
محمد......لا مرتك مشتهيه دهينه
ياسر.....جا اني اخذلها ليش ماكلتلي
محمد.....جا شني من تنخطب لو تزوج ما تطلب من اخوها هاي شلك بيها وبعدها مامتعلمه عليك كولش اصبر شويه وتاخذ عليك والله ازين راسك اكرع اختي واعرفها تاكل الاخضر واليابس.....طلعنه وسوالف وضحك الطريق خلص لليل وصلنه العماره
الام....الحمد الله على السلامه وزياره مقبوله
محمد...الله يسلمج يمه...صفاوي هاج هاي الدهينه بس الج جابها ياسر الج
صفا...😍
محمد....شوفي يمه طول عمري انكل بلحلويات مافديوم هيج فرحت
صفا......خويه انت الاصل
محمد....مرت الايام بين شغلي وبين نسمه الشاغله تفكير وره فتره من الزياره صارت والاوضاع موزينه والطريق صار خطر والذبح صار على الهويه السني ينذبح والشيعي ينذبح انتشرت بالبلد عصابات اهل العماره سوو اجتماع كباريت العشاير حتى نحمي محافضتنه وناسنه من العصابات وحتى ميدخلونه واتفقنه نسوي حمايات العشاير يحمون بيوتهم محد كدر يعترض لان العشاير ميكدرولها لان مو واحد وثنين وشافوهم اقوياء لان ايد وحده فغلسو عنهم وكام يحاسبوهم حسب المناطق
المهم لزمنه حراسات وسوينه سيطرات وفوك السطوح وبالفرع والشوارع العامه وبغداد صارت تخوف فد مره الناس كامت تجي من بغداد تختل عدنه بس بي بخت الي يكدر يوصلنه من قطاعين الطرق وعصابات الذبح والتسليب....
أنت تقرأ
عشك الشروكي
Romanceقصة شاب شهم يحب فتاة حب جنوني ويقوى الحب من الطرفين فيتقدم لخطبتها ويكتشف بان والدها من قتل والده امام عينه وتبدي معانات الشاب والشابه بسبب الفراق لسنين ولكن الحب الصادق اقوى من كل الضروف ينتصر لو بعد حين
