السكن /
فاطمه : خلاص طيب صار اللي صار انسي وكملي شغلك عادي ! ماعليك منه ولا من كلامه
زينب : الموضوع سهل مثل ما ينرفزك نرفزيه وخلصنا صدقيني مصيره يتعب ويجاوب
مريم : المشكله انكمم مب فاهمين الوضع معه صعب وكلامه ينرفز ؟ لابعد حد
زينب : وهذا اللي مخليه مواصل نرفزه انك تعطيه اللي يبغيه وتتنرفزي وتطلعي !
مريم تقوم من عندهم : انا عندي فكره؟
زينب ؛ واللي هي !
.....
خبرتهم باللي ناويه اسويهه عشان اكسر خشمه شوي ! وبديت اجهز للخطهه من هاك اليوم ... استغرق الشي وقت طويل بس يمكن كان يستاهل ..
....
صباح جديد بهالمكان /
زينب : انا بترخص اخلص شغلي واجيكم
فطوم تضحك: ش صار معك وقصة التحقيقات والخ ومسلسلك العجيب.
مريم : مسلسلي العجيب تقريبا بدا يخلص وبدت تنرسم الحلقه الاخيره منه؟
فطومم : ولو ما استجاب لك مع كل اللي سويتيه ؟
مريم : ما اتوقع ما يستجيب صدقيني اللي معي اقوى منه
بغرفةة عز /
مريم تدخل وهي مبتسمه : نبدا الجلسه ؟
عز ب استغراب : مبتسمه بعد اللي صار ف اخر لقاء صدقيني ما راح تطلعين
مريم تقطع كلامه : اشش لاتكثر حكي
عز : بعد تسكتيني حلو في تقدم
مريم : ريماس وينها ؟
عز : منو ريماس ؟
مريم : لا نستهبل ع بعض ما يحتاج اقول اتوقع
عز :هيه ما يحتاج بس شو تبين فيها ؟
مريم : بقول ولا يهمك مدام انك مصر يعني
عز : قلتلك لا تقولي
مريم : ريماس البنت اللي بالجامعه تخصص هندسة معماريه اللي شعرها طويل وبني وعيونها كبار ولونهم عسلي واللي عز كان يلاحقها ومعاها ٢٤ ساعه !؟ واللي كل الجامعه يعرفون عنهم !
عز : ...
مريم : اشوف سكتنا كأنه الكلام مزعج ؟
عز بصراخ : ما اعرف وحده اسمها ريماس
مريم : هدي هدي ما يحتاج طيب نشوف اسم ثاني
عز : اطلعي برا ما ابا اسمع منك شي
مريم : طيب وميشان ؟ بعد ماتعرفهه !
عز : انتي شو تبين ؟ ما قلتلج ما ابا اسمع منك شي
مريم : ميشان وريماس هم سبب دخولك هنا صح وببساطه اللي صار ان ميشان خذا منك اغلى شي واللي هو ريماس وهنا انجنيت وحاولت توصل لميشان وماقدرت زاد قهرك وخلاك تتعب وتوصل لهالحاله
عز : وانتي مين وشو خصك اصلا بالقصه كلها سوا بميشان ولا بريماس ولا بغيرهم
مريم : افهم انك تعرفهم يعني ما غلطت بشي للحين
عز : اطلعي برا قلت
مريم تطلع : هذا يكفي اليوم وشوي شوي ع اعصابك
...
طلعت والدنيا مب شايلتني من الفرحه بسبب اني قدرت انتصر عليه ولو بكم معلومه لا راحت ولا جت توجهت ع طول لفطوم وزينب وقلتلهم اللي صار
زينب تقوم من ع الكرسي من الحماس : مريوممم التبنن من وين يبتي ها كله ؟
مريم : ش تعطوني واقولكم ؟
فطوم : اللي تبي بس قولي
مريم : من اليوم اللي خططنا لهالموضوع رحت ادور بملفاته والصدق ما اقتنعت بقصةة انه عشان وفاة امه والخ صحيح هو شي صعب بس امه توفت قبل بثلاث سنوات ؟ من دخوله اكيد في شي ثاني ف حصلت اسمه كامل وكلمت عليا ربيعتي تتبحث وراه وحصلت ع هالمعلومتين وبعد شوي بيجي شخص وباخذ منه كثير ؟
زينب : مممممب هينهه يالسنفوره
مريم : عينككك السنفوره
فطوم : من جد والله مب هييينه طلعتي
مريم : المهم بستأذنكم بجهز عشان بقابل ضيفنا العزيز
.....
طلعت من عندهم ورحت البس ومن فرحتي جلست ساععه وشي ادور لبس حلو عشان اكشخ فيهه واخترت البس مريول ازرق قصير وماسك للركب مع اكمام لنص اليد ورفعت شعري وطلعت
....
الكوفي /
مريم : انت ناد صح ؟
ناد متنح بجمالها : هيه انا ناد
مريم : اوك ناد خ نتكلم بالموضوع ع طول ماله داعي نطول
ناد : اكيد تفضلي
مريم : انت ش طبيعةة علاقتك مع عز
ناد : نحن كنا شلة بالجامعه
مريم : انت وعز ومنو ؟
ناد : انا وعز ووايڤا وجآن بس من بعد مادخلت ريماس بدينا نبعد بسبب المشاكل
مريم : ش نوع المشاكل ؟
ناد : يعني عز صار معها اغلب الوقت شاغلتنا ٢٤ ساعه وكل حديثه عنها غير كذا صارت تقول نحن نحاول نبعدهم عن بعض
مريم : وليش كانت تسوي كذا ؟
ناد : ما اعرف والله
مريم : ميشان من يكون ؟
ناد : ميشان كان مع شلةة ثانيه وكان بيننا مشاكل بس مب مشاكل كبيره يعني سوالف الجامعه طقطقه والخ
مريم : وكيف فجأة صار مع ريماس
ناد : عز صار عدواني بشكل مع ريماس وغيرته خلته يفكر انها ملكه وصار يضرها كثير ويضرنا نحن بعد عشان كذا بدت تبعد بس لما بعدت عز ما استوعب الموضوع كله وقام بيضربها ويحبسها عندها وهنا تدخل ميشان وصار هو وريماس مع بعض
......
كملت حكي مع ناد بس الغريب ان كلامه مكرر عز تغير حاول يضرنا ويضرها وميشان هو البطل اللي ساعد ريماس بس ما استبعد هذا كله من عز ؟ يعني دخل بحاله نفسيه اكيد كان كذا بس مو معقول ان الغيره تحول الشخص لهالحاله ؟ اللي اعرفه الحب يخلي الواحد حنون بس هذا العز غريب بس مجنون ش انتظر منه انا بعد ... خلصت وطلعت من عند ناد وانا كارهه عز زود بسبب اللي سواه في اصحاب عمره ؟ تتسائلون شو بقولكم عقب .. ورحت للسكن وخبرت زينب وفطوم باللي صار ونمت ...
