ف المشفى ///
عز : فطوم تأخرت شكلي ماعديت الاختبار
زينب : اسكت انت بتعدي ان شاءالله
فطوم تجي : عز تقريرك وصل
عز : وشو عديت !!!
فطوم : عديت
عز : الحمدالله مشينا نشوف مريم
زينب : هيي هيي اخوي؟؟ وين ع الله
عز : نجيب مريم منهم
فطوم : كيف بتدخل اصلا ؟ وشو القصه دوختونا
- عز يقولهم القصه كامله -
زينب : يا الكلاب!!
فطوم : لحظه قلتلي عليا؟؟؟
عز : هيه عليا
فطوم : بس عليا صاحبة مريم كيف ؟
زينب : لا لا يارب لا !!! عليا صاحبة مريم تكون بالاساس صاحبتك
عز : كيف تعرفون عليا وكيف صاحبة مريم
فطوم : عليا هذي تكلم مريم من يوم دخلنا المشفى
عز : معناته هي كتبت الرساله وهي اللي خلت مريم تسوي كل شي وخبرتها عن ستايل ريماس يالله كيف مافكرت فيها
زينب : عرفنا كيف مريم وصلت لهم لكن لحظه لازم نفكر بطريقه ندخل ونجيب مريم
عز : اسمعوني
......... يقولهم الخطه كامله ..........
عز ف السياره : جاهزين؟؟؟
فطوم وزينب : هيه جاهزين
فطوم تنزل وتدق الجرس ......
عليا تفتح الباب : هلا ؟ من بغيتي
فطوم : عليا موجوده
عليا : انا عليا شو ؟
زينب : نحن خذنا عنوانك من الجامعه عشان بنسألك عن مريم
عليا تتلعثم : ها ايش فيها مريم
فطوم : امها فاقدتنها من كم يوم وجات المشفى وسألت عنها وقالولها انها خلصت المشروع وطلعت وهي بتخبر الشرطه كانت بس قلنا نشوفك يمكن تعرفي وينها
عليا ترتبك : لا معرف مريم وين ماكلمتني من مده
زينب : انزين تطلعي معنا للامها هي قالتلنا نجمع ربعها كلهم
عليا : لا ما اقدر انا اجي مشغوله
زينب : متى تقدري ؟ لان امها محتاجتكم ضروري
عليا : بشوف وارد عليكم عطوني ارقامكم
زينب تعطيها : ياريت تكلمينا ف اقرب وقت
فطوم : لو سمحتي بس في اغراض لك من مريم هنا تعالي شوي
عليا تروح معهم : ايش الاغراض
عز يمسك فمها ويسحبها للسياره : الاغراض تشوفيها بعدين ياحلوه انتي
.......... بعيد عن بيت عز ...........
عز : وين مريم !!
عليا بخوف : انت كيف طلعت !!!
فطوم : مريم مب غبيه لهدرجه هي اللي طلعته وماكتبت ف التقرير اللي كنتي تبينه
عليا : الله ياخذها
عز : ياخذك قبلها يارب
عليا : متأملين اني اطلعها!
عز : من فوق خشمك
عليا : يلا وريني ؟؟ كيف من فوق خشمي
عز يوريها الفيديوهات : شفتي ذولا؟؟ فضايحكم كلها لو اسلمها اقرب مركز شرطه! انتي ونادك جماعتكم ف ستين داهيه
عليا بخوف : ماتقدر
عز : اخذك معي للممركز ولا ؟؟
عليا : انتوا شو تبون مني !!
عز : اعطيني ارقام جان وناد وايفا بس
عليا تعطيه ....
............ ينزل من السياره .........
عز يرسل لكل واحد منهم الفيديو اللي يخصه ويطلب منهم يقابلونه ف مكان معين .....
اليوم اللي بعده ...//// المكان اللي حدده عز
ايفا : انتوا!!
ناد : مين فيكم مرسل هالفيديو
جان : شكلها عليا
عليا تنزل من السياره .....
ناد : انتي كيف تسوي فينا كذا؟
عز ينزل وراها : لالا هدوا بشويش حبايبي
الكل : انتت!!!!
عز : هيه انا ! انا اللي حاولتوا تتخلصوا منه عشان رفض يوقف معكم بالشر
ايفا : شو تبا منا اخلص!
عز : بعقد معكم صفقه ! الفيديوهات اللي عندي اذا ماتطلع لاحد وخصوصا للشرطه ترجعوا البيت لي
ناد : ي الخسيس
عز يضحك : انا الخسيس؟! جيتكم وانتوا صاحييين ع الاقل
جان : رجعوا البيت له الفيديوهات بتدخلنا السجن سنين
عز يجلس : يلا فكروا بسرعه واخلصوا علي وراي اشغال
.......... في بيت عز ........
فطوم : مرييييييممممم ؟
زينب : ميروههه وينك فيهه
مريم تحاول تنادي : انا هنيه
فطوم : شكله في صوت هالغرفه
زينب تفتح الباب : لقيتها تعالي
فطوم تمسك مريم وتحضنها : ميروه خلاص نحن هنيه بنطلع لاتحاتي
مريم : انا اسفه اني ماصدقتك
فطوم : مب وقته والله اهم شي انك بخير
زينب تساعدها : مشينا ماعندنا وقت
مريم : وينهم
فطوم : مب هنيه لاتخافي
مريم : كيف
زينب : مرييييم مب وقت فضولك مشينا الحين
....... يطلعوا للسياره ويفهموا مريم السالفه .......
عند عز ...///
عز : هاه ارسل ولاتوقع اخ ناد
جان : وقع شو تنتظر
ناد : صدقني بيجي يوم واخذه منك
عز : وقع وقع بس
ناد يوقع ..
جان : امسح الفيديوهات
عز : لا حبيبي اتفاقي معكم انها ماتوصل لاحد بس بيتموا عندي كلاب مثلكم ما يتأمن فيها
جان : امسحهم قلت
عز يعطيهم ورقه : هذي افتحوها اذا رحت
.
...... عز يروححح .......
في بيت عز ....///
زينب : ليكون صار له شي
مريم : بسم الله عليه لاتفاولين هو بخير
زينب تضحك : وتقوليلي ماحبيته
فطوم : تعرفينها خراطه من يومها
مريم : احبه عندكم مشكله
فطوم : حشى والله يمكن بس زينب غيرانه
زينب : انا !!! لالا حشى معرف للمجانين مريم خبره فيهم خليه لها
فطوم تضحك : جاء مجنونك
عز يحضن مريم ويبوس راسها : انتي بخير؟؟
مريم : انا بخير
عز : اسف ع اللي صارلك بسببي
مريم تحضنه بقوه : لاتعتذر اهم شي انك عندي
عز : مشينا من هنا
مريم : والبيت؟
عز : انا مابا البيت اباك انتي
زينب تهمس لفطوم : شكلي بحب لي مجنون
فطوم : الدنيا حظوظ وانتي المجنون اللي بتحبيه بيقتلك
عز يضحك : تراني سمعت
زينب : هاه ! شرايكم نمشي احسن
............ عند ناد ........
جان : اقرا الرساله
ناد يفتح ويقراها : تجاهلت ودست ع مشاعر كثيره قبل اكتب هالرساله ع العموم مابطول حكي يمكن تتوقعوا اني بعاتبككم على خيانتكم لي لكن ابدا انتوا ماصرتوا شي بالنسبه لي عشان افكر اعاتبكم او حتى اكرهكم مابيني وبينكم اي عشم عشان افكر فيكم ولو اثنين بالميه ع العموم انا كنت عارف انه نيتكم تستغلوا فلوسي تحت مسمى الصحبه من البدايه لكن عمري مافكرت انه توصل فيكم المواصيل لهنا؟ البيت لكم والورقه اللي وقعتوا عليها مزيفه سويتها عشان اوريكم ان الشر مايدوم وان الدايره تدور وتنقلب عليكم ف اي وقت ؟ ممكن اي شخص يستغل ويورط غيره بمصايب مالها اول وثاني كنت اقدر ادمركم بالفيديوهات لكن كل شخص طلع بفكر معين وعمري ماكنت حاقد والدليل اني سامحتكم سامحت اصحابي اللي غدروا فيني والللي دخلوني مصحه عشان شوية فلوس المهم الحكي مابيخلص البيت حلالكم حاولوا تكونوا بعيدين عشان صدقوني الورقه المره الجايه مابتكون مزيفه ابد!.
..............
استغربت لما قالي عز عن الرساله ماكنت اتوقع انه بيسامحهم ويتنازل عن البيت عشانهم ولكن رده كان ملجم! انه سوا هالشي كله عشاني وعشان مايلاحقونا مره ثانيه ولايفكرون فينا ونقدر نعيش مرتاحين بدون خوف وارتباك ، الشخص اللي حسبته مريض نفسي كان عاقل اكثر مني.
