بعد انفصالي عن ماجد عشت حياتي لنفسي ولااطفالي ولشغلي وتعهدت لنفسي انو اني مااجرحة بعد وماأهين كلبي واجرحه كافي لحد الان كافي الالم الي شعرت بي والي حسيته يكفيني وجع وفعلا مرت فترة واني ابتعدت حتى عن الناس ماادري يمكن كنت اريد اثبت لروحي شي
ولكن كلبي توجع بمايكفي وهسه هم اجه وقت الوجع
اتصلو بيه وكالولي والدج حالته كلش مدهورة وضعه كلش تعبان لازم تجين وكم يوم واخذت اطفالي ورجعت لبغداد
بس من وصلت لبغداد كان والدي ميت مشفته قبل ميموت
مكدرت احضنه مثل ماجنت احضنه قبل واشعر بلاامان ماكدرت اشكيله من الدنيا والي سوته بيه ماكدرت ابجي بحضنه
ماكدرت اكله شلون الدنيا مانصفتني وانو كل الي مرو بحياتي اذوني وكسروني وجرحو كلبي
ماكدرت اسئله شلونك كنت مشتاقه لنظرات القلق الي بعينه عليه بس بعد هو ماكو
بعد ماموجود جنت مصدومه وتعبانه وكنت اسئل ليش الدنيا هيج ويايه
ليش. دائما تجي عليه ودائما توجعني شنو الي سويته اني بحياتي حتى اتحمل كل هذا الألم
ظليت كم يوم بحاله من الصدمه وبس ابجي وكان والدي الله يرحمه كاتبلي رساله
حافظه كل كلمه بيها
(دلفين بنتي الصغيرة المميزة انتي لم تكبري ومازلتي تلك الصغيرة الجميله الذي تبكي دائما ولكنها تبكي بصمت
اعلم ان الحياة لم تنصفكي وجعلتكي تتالمين ولكن شاء الله وماقدر فعل سامحيني لااني لم وساندكي
ولااني عندما كنتي بحاجتي كنت بعيد عنكي وصلت رحلتي الي النهايه انتي قويه لاتجعلي الايام تهزمك وسوف تفرحين في يوم ما كنت اتمنى ان ارى اولادكي قبل موتي واذا شاء الله سوف اراهم
ابنتي العزيز ليحفظكي الله ولتكوني دائما بخير
ابنتي المميزة انتي دائما وابدا)
من قريت الرساله ظليت ابجي والوم نفسي لان مااجيت وشفت والدي قبل ميموت تعبت من هاي الدنيا
معقوله هذا اختبار من رب العالمين معقوله اكو بشر هلكد يتألم بس الله مايرضه بالظلم وكتله ياربي ارحمني اني تعبت من الوجع وكلت الحمدلله
على كل شي صار وراح يصير طبعا اخواني ازوجو وخواتي ايضا
فكنت كاعدة ويااخواني وديحجون ويسولفون واجه اخويه الجبير كلي دلفين قتيبه برة واكف يريدج سكتت وحسيت كلبي راح يوكف
كتله لااخويه هسه اطلعله ورحت شفت نفسي بالمرايه جانت عيوني مورمه وجهي احمر عدلت شعري وطلعت
شفت فردوس يمه كاعدة وتضحك وهو لمن شافني كام وكف
وجان يباوع عليه ومانزل عينه ابد واني لحد الان بعدني اتهرب من نظراته بس لم باوعت عليه شفت صاير شيب بشعرة وصاير احلى بهوايه
كلي حمدلله على السلامه دلفين
والبقيه بحياتج ان شاءالله اخر الاحزان لمن كال هيجي حسيت نزلت دمعه من عيني ماسيطرت عليها
كتله حياتك الباقيه اشكرك
كلي ليش هلكد اتاخرتي
كتله شنو يعني كلي ليش مارجعتي كنت اعتقد انج راح تروحين فترة وترجعين كنت منتظر ترجعين
مسئلته ليش منتظر رجوعي خفت من جوابه
كتله اي الدنيا اخذتني والتهيت بشغلي وبحياتي الجديدة
كلي سمعت ازوجتي كتله اي صحيح ازوجت وصارو
عندي ولد وبنيه كتله بس انفصلت عن زوجي
هو ظل يباوع وكاانما كان ديريد يكلي شوفي انتي متعيشين ويا رجال كاانما نظراته بيها شك الي
كتله اي مستغرب مو هاي ثاني مرة اطلك مو
كتله اظاهر اني مو مال زواج بس اني كل الي يدخلون لحياتي يريدون ياذوني ويجرحوني ويخونوني
كلي ليش هو خانج ماجاوبت لان ماكنت اريد احجي علي ماجد اني مااحجي على انسان طلع من حياتي
بس اظاهر فردوس بنتي حاجيتله كلشي ومامقصرة
كلي هو خانج لان هو غبي
الي مثلج حرامات الانسان يضيعة من يدة
بس هي قسمه وكلمن ياخذ قسمته
كتله اي صحيح قسمه كتله وانت ازوجت كلي اي ازوجت وصارو عندي ولد اثنين وبنيه
كتله الله يخليهم الك كلي اشكرج
كلي شوكت سافرين كتله منا لكم يوم وارجع اسافر
كلي ليش متبقين كتله لا مااكدر اني رتبت وضعي هناك
كلي دلفين كتله نعم كلي بعدج وسكت
كتله بعدني شنو كلي بعدج تحبيني
فتحت عيني وظليت اباوع عليه وجسمي كام يرجف كتله
وشنو الفائدة كلي بس حبيت اعرف
كتله هذا الكلام وقته راح كلي صحيح
كتله انت متغير كلي شلون يعني كتله قبل كنت قاسي مو مثل هسه ضحك كلي بعدني قاسي بس وياج لا
كال يمكن انتي راح اسافرين وبعد مااشوفج بس اريد اكلج شي كتله شنو كلي اكثر شي ندمت عليه بحياتي هو اليوم الي خليتج اطلعين بي من البيت واليوم الي طلكتج بي والندم الاكبر اليوم الي سافرتي بي
كان المفروض من البدايه مااخلي كل هاي الاشياء اصير
بس الي صار صار وراح وقته اني اتمنالج السعادة الي مالكيتها كتله اشكرك كلي اريد فردوس اخذها ويايه تتعرف على اخوانها كتله اي اكيد اخذها واني داحجي وياة وجان يجي ابني الصغير يصيحني جان يباوع عليه
وباوع عليه كلي جان المفروض يكون عندج ولد مني اني سكتت وماعرفت اجاوبه
واجتي فردوس وقبل مديصعد للسيارة كلي لتظنين اني سعيد
دربالج على نفسك دلفين
وراح
يمكن كلبي دك ومشاعري اضطربت بس مونفس الاحساس الي كنت احسه قبل من كنت اشوف قتيبه اظاهر
انو كل الي مريت بي اخذ جزء مني اخذ جزء من عواطفي من احاسيسي
يمكن فعلا اني تغيرت ومابقيت دلفين القديمه
يتبع ....
