عائلتي

حقيقة صادمة!

طلع الدكتور من غرفة العمليات والبنات التمو عليه
اسيل: ها دكتور ...
رهف: شصار دكتور...
الدكتور : احنا خلصنا العملية و عمر زين بس
اسيل: بس شنو
الدكتور: بس رح يظل في المستشفى شهر لانه حالته سيئة
اسيل: كله بسببي
روان: اهدي اسيل معليه
رهف: دكتور نقدر نشوفه
الدكتور: للأسف لا لازم تستقر حالته ممكن تزورونه بعد يومين
اسيل:ليه سويت كذا ليه
راحو البنات البيت و اسيل ورهف على اعصابهم اسيل تبكي تصرخ
وبعد يومين...
راحو البنات يزورون عمر
دخلو الغرفة و اسيل ما قدرت تمسك نفسها و طاحت دموع فرحها و ضمة عمر
ورهف تضايقت
صرخ عمر: اشوي اشوي العملية
اسيل و وجه احمر: اسفة
روان: معليش ما تقدر تمسك نفسها خايفة على ولد عمها
اسيل: هه هه اكيد اخاف عليه
غادة: ان شا الله بخير عمر
عمر: تمام قال الدكتور حالتي مستقرة
اسيل: و اخيراً شفتك
عمر: اكيد البيت يخوف بدوني
روان: اكيد
عمر: رهف وش فيك ساكتة
رهف: هاه لا و لا شيء
جلس الكل يضحك و يسولف و فجأة دخلت الممرضة
الممرضة: انتهت الزيارة
اسيل: يوه
عمر: بنتظر الزيارة الثانية على نار
اسيل خجلت و طلعت و طلعو البنات و راحو لبيت اسيل
غادة: شفيك رهف من رحنا المستشفى لين رجعنا ما تكلمتي شكلك مو طبيعي
رهف: مافيني شيء هدوني بروحي
وراحت رهف الغرفة
اسيل: شفيها معصبة
غادة: مادري
روان: يمكن صاير وياها شيء
غادة: خلونا نروح نشوفها
اسيل: شفيك رهف
رهف : انتي بالذات لا تتكلمي وخري مناك
اسيل: ليش انا شسويت
رهف: كل الي سويته في المستشفى ولا سويتي شيء
اسيل: ليه انا شسويت بالمستشفى زعلتك بشيء
روان: بس.... انا كنت حاسه
اسيل: شنو شسالفة
روان: رهف ... تحب عمر و غارت لانك ضميتيه
اسيل: شنو
رهف: اي احبه و انتي سرقتيه
اسيل: بس انا ما كنت ادري
رهف: مسويه روحك ما تدرين يا الخاينة ..... طلعو بره كلكم
غادة: طيب
طلعوا البنات وراحو الصالة
روان: انا كنت ادري
اسيل: وليش ما قلتي من قبل
روان: انا ما كنت متأكدة
غادة: انا بعد من اول ما شافت عمر كانت مو طبيعية
ناموا البنات وفي الصباح راحوا المدرسة و رهف ما كلمت ولا وحدة
راحت غادة و كلمتها ورجعت للبنات
روان: ها شقالت
غادة: تقول ما تبي تكلم اسيل
روان: لازم نراعي شعورها شوي خلوها اشوي لحالها و بتفهم بعدين لوحدها
اسيل: ليه انا وش سويت غلط
روان: ما سويتي سويتي شيء بس قلبها حبه و انكسر بعدين
طلعوا البنات بعد المدرسة راحو يتسوقون وصلهم السوق اخو روان سامي
ملاحظة: سامي ابيض شعرها اسود عيونها عسلية
سامي: انا بروح اشوي و برجع
روان: طيب
راحو البنات يتمشو في السوق
غادة: اقول بنات شفيهم الشباب الي ورانا يلاحقونا من زمان
روان: ما ادري
اسيل: اقول انا خايفة
واحد من الشباب: يا جميلات يا حلوين...كلمونا شوي
روان: خير شتبون
جاء واحد من الشباب وقف قدام البنات و الثاني من وراهم صرخو البنات و طلع الي قدامهم سكين و قال لهم يسكتون او يقتلهم ....!

يا ترى شنو بصير مع البنات !؟
اكتبو بالتعليقات و صوتو مارح يكلفكم التعليق او التصويت شيء
انتظروا البارت الجاي