عائلتي

تهديد

بعد ثلاث ايام من القلق و التوتر صحت اسيل و كان الكل جنبها
اسيل: وين انا !؟
عمر: اخيراً صحيتي اخيراً..!
روان: حبيبتي ... الحمدلله انك بخير خفنا عليك كثير
رهف: الحمدلله
غادة: ان شا الله بخير فيك شيء يعورك
اسيل: اي اشوي
عمر: خلاص انا مارح اسمح لك ترجعين مرة ثانية
اسيل: لا عمر ارجوك انا تدربت كثير ولازم اواجه الواقع
روان: يعني بترجعين
غادة: شنو ... لا مو مقبول ما يصير
اسيل: يا جماعة انا تعبت وابي اوصل للأبي
عمر: وشنو تبغين ان شا الله التعب و الالم
اسيل: لا ... ابي اهلي لازم القاهم لازم
رهف: بس ما يصير شوفي نفسك مبهدلة
اسيل: في عقبات و صعوبات لازم اتخطاها عشان اوصل لمبتغاي
عمر: وهالعقبات رح تقتلك
اسيل: انا متخذة قراري ومارح اتراجع
عمر: خلاص مثل ما تبين بس لازم تتحملين العقوبات
روان: بس عمر ....
قاطعها عمر: خلاص ... اهي كيفها مثل ما تبي
كان عمر من داخل يتقطع لانه ما يبي يصير شيء في اسيل
قعدو البنات مع اسيل وسولفو وراح عمر يكلم الدكتور
عمر: ها دكتور اسيل تقدر تطلع من المستشفى
الدكتور: ان شاء الله يومين وتطلع
عمر: ان شاء الله
انتهت الزيارة وطلعو البنات بعد ما ودعو اسيل
ظلت اسيل تفكر في كلام عمر والبنات و كانت شاكه بترجع او لا
نامت اسيل وفي اليوم الثاني قعدت وشافت رسالة جنبها و اول ما قرأتها تغير لون وجهه و بسرعة
اتصلت على عمر جاء عمر
عمر: شفيك اسيل شصاير
اسيل: شوف الرسالة هاذي
عمر: شنو فيها
اسيل: مكتوب (ما دمتي تعاندين و تحاولين نحن بالمرصاد لن نتركك و سنقتلك و مصيرك مثل والديك)
عمر: شنو هاذا منو كاتبها وشلون وصلت هنا وش هالكلام
اسيل: ما ادري بس اكيد العصابة لانهم تكلمو عن ابوي و امي انا خايفة كثييير عليهم
عمر: لا تخافين انا وياك
بعد اشوي جاء البنات و قالت لهم اسيل الموضوع
روان: طيب كلمتو الشرطة
اسيل: لا
غادة: لازم تتصلون بسرعة
اسيل: طيب قولو لعمر يتصل
رهف: انا بروح اقوله .... عمر
عمر: نعم
رهف: ...... اممم
عمر: شوفي رهف انا...
رهف: خلاص الموضوع انتهى انا اعرف انه عشقك هي اسيل
عمر: طيب بس....
رهف: انا مو جايه اتكلم في هالموضوع حبيبتك اسيل تبيك تتصل على الشرطة
رجعت رهف للبنات وظل عمر ساكت و بعدين اتصل على الشرطة اشوي وجاو الشرطة
المحقق محمد: حسيتي امس بالليل بحركة في الغرفة
اسيل: لا
المحقق محمد: طيب انتي شاكه بأحد في المستشفى مثلاً ممرضة او دكتور
اسيل: لا
المحقق محمد: رح ناخذ الرسالة ونشوف اذا عليها بصمات
عمر: طيب كم يستغرق منكم
المحقق محمد: مو وقت طويل
اخذو الرسالة لمختبر الشرطة ولما رجع المحقق عشان يقول لهم شصار
عمر: حضرت المحقق لقيتو بصمات؟

هل شاف المحقق بصمات؟!
اكتبو بالتعليقات
وابي تفاعلكم تعليقات صوتو عشان استمر
وانتظرو البارت الجاي