عائلتي

عدت كما كنت ولكن

المحقق محمد: لقينا بصمات لشخص اسمه عاصم و اكيد اهو فرد من العصابة
عمر: طيب لازم نمسكه
المحقق محمد: ما اتوقع نمسكه لانه ما نعرف مكان العصابة لانهم يتنقلون
بس ان شاءالله نعرف مكانهم
عمر: شكراً حضرت المحقق
راح المحقق مع الشرطة وظل عمر والبنات يفكرون
جاء الدكتور و نادى عمر و قاله ان اسيل تقدر تطلع بس لازم تاخذ راحة
وجاء عمر وخبر البنات طبعاً فرحو كثير و عملو حفلة استقبال لاسيل و كانت كبيرة وستانسو حيل خلصو الحفلة ونامو كلهم مع بعض وكان يوم جميل
ونست اسيل موضوع الرسالة و العصابة
في اليوم الثاني جلسو البنات و جهزو وراح يفطرون
اسيل كانت تحط الصحون
روان: اسيل!...لا لا ارتاحي لا تشيلين شيء
اسيل: طيب بس...
غادة: لا بس ولا شيء لازم ترتاحين
رهف: اكيد عشان ترجعين قوية مثل قبل
عمر: صباح الخير
البنات: صباح النور
عمر: ها شلونك اسيل
اسيل: تمام
روان: عمر! ... لازم تكلم اسيل ... مو راضية ترتاح
عمر: اسيل! ... عشاني ارتاحي لا تسوين شيء ولا ازعل
اسيل: لا لا لا لا ..... كل شيء ولا زعلك
صار وجه اسيل احمر
وبعدين جلس الكل و فطرو بعدين راحو يتمشون في الحديقة
روان: انا تعبت خلونا نجلس
رهف: يلا
روان: اسيل! اسيل!
اسيل: ها....نعم
غادة: شفيك سرحانة
رهف:سرحانة في جمال الحبيب
اسيل: اشش...لا يسمعكم هدوء تراه يقراء
روان: يقراء الكتب اكثر من ما يكلم الناس
اسيل: احسن...الكتاب خير صديق
غادة: صح لسانك ياالحكيمة
كانو البنات يسولفون و فرحانين وفجأة جاء اسيل اتصال
اسيل: آلو...آلو
مجهول:انا اراقبك و اراقب كل تحركاتك و ادري انك بالحديقة
اسيل:شنو...منو انت
مجهول:انا قاتلك وساجن دمك
اسيل:...!
روان: شفيك اسيل! اسيل!
رهف: منو المتصل
عمر: شفيها اسيل
غادة: ماندري جاهه اتصال ما ندري شصار
راحو كلهم البيت و كانت اسيل لازالت مصدومة
عمر: اسيل! اسيل!
اسيل: ها...شنو
عمر: شصار منو المتصل
اسيل: ما ادري بس قالي ....
وقالت له اسيل كل شيء .... وبلغو الشرطة و طلبو الشرطة الرقم
عشان يعرفون من المتصل
وللأسف ما قدرو يعرفون
استجوب المحقق اسيل
المحقق محمد: شكيتي في احد
اسيل: لا
المحقق محمد: طيب شفتي احد تصرفاته غريبة
اسيل: لا
المحقق محمد: للأسف ما نقدر نسوي شيء
اسيل: بس انا اقدر
راحت اسيل الغرفة و لحقتها روان
روان: شتسوين
اسيل: برجع اتدرب
روان: شنو بس انتي لازم ترتاحين
اسيل: و انتظر يقتلوني مستحيل ما ابي يفوت الأوان
طلعت اسيل و الشنطة في يدها و تركض مسكها عمر من يدها
عمر: مستحيل اخليك تطلعين بعدك ما ارتحتي
اسيل: اتركني رح اروح مو على كيفك و انا اقرر الي ابي
عمر: اسيل!.....مارح تطلعين
اسيل: وشنو رح تسوي اتركني
طلعت اسيل و اخذت تاكسي راحت مركز الشرطة و اخذوها مره ثانية للمقر في الغابة

شنو رح بصير هل عمر بيترك اسيل؟!
اكتبو بالتعليقات

وانتظرو البارت الجاي