أحببت طفلة ( باللهجة التونسية )

الحلقة 1

يقولو الحياة حتى اذا كانت صعيبة يبقى فيها حاجات مزيانين نعيشوهم ووقت نجو لدنيا منعرفوش شنوة اللي مخبي و شنوة اللي باش نعيشوه جيست نمشو على اش مكتوب في قدرنا واللي الدنيا سطرتلنا عليه منجموش نعرفو الطريق الصحيح و لا الخايب كان بعد ما نجربو نمشو عليهم الزوز اما اصعب شي وقت انت متنجمش تاخو القرارات خاصة اذا كان قرار يبدل حياتك الكل ومتنجمش تعرف اذا كان صحيح و لالا لين توصل لنهاية
انا ملاك عمري 17 سنة بشرتي مايلة للبرونز شعري طويل لخصري فالاكحل عينينا عسليين عشت حياتي الكل في امريكا انا الطفلة الوحيدة عند بابا و امي بابا رجل اعمال معروف برشا و امي طبيبة مشيت لتونس مرتين بركا بحكم بابا يبقى مشغول في الخدمة برشا
الحياة هنا غير تونس كل واحد لاتي في روحو ستانست بالعيشة هنا اما تربيت عالطريقة التونسية اكهو عمري لا شربت ولا مشيت لسهريات حتى وقت نبداو فالدار نتكلم تونسي ...و فنانيي المفضل شاروخ خان معنديش صحاب برشا كان كلوديا تقرا معايا و سام اكبر منا ب 3 سنين و زادة احنا جيران على هذاكا بقينا قراب من بعضنا...بابا فالايامات هذوما رجع يتقلق برشا بالطبيعة الخدمة مش ساهلة اما رغم كلشي لنطلبو يكون عندي يعني مدلة بزيادة و كلشي نحب عليه ناخو
اليوم خرجت من المدرسة تاعبة بحكم هي مش بعيدة برشا عالدار نرجع انا و كلوديا نمشو اما هي قالت لباش تمشي لامها للخدمة
Claudia: Do you come with me
كلوديا؛تحب جي معايا
Me: No I'm tired and I'm going to sleep
انا:لا تاعبة برشا باش نمشي نرقد
Claudia:okay
كلوديا:باهي
شدت كلوديا طاكسي و مشات و انا حطيت الكيت و ركحت شعري ومشيت باش نرجع لدار كنت عاملة جو مع الموسيقى ونزلت نشق الكياس اما مشفتش الكرهبة لكانت جاية اول ما شفتها وقفت في بلاصتي من الفجعة رجع وجهي اصفر اما وقفت جيست قدامي قلبي كان يدق بالقاوي لين رجعت نسمع فيه خذيت نفس و تلفت للكرهبة و انا ناوية على عركة مع صاحبها اما وقت نزل من الكرهبة نسيت الفجعة و الكلام اللي باش نقولو ملا زين ابيض و طويل حرجو فالاكحل كان يصيح اما مسمعتوش تي رجعت نشوف فيه و الموسيقى زادة سخايلت روحي في حلمة وقف قدامي هزني بعينيه من الفوق للوطة هزيت يدي نحيت الكيت وطلعت في عينيه ملامحو كلها جدية
Men: Hey are you okay
راجل:راكي مليحة
Me:yes I'm fine
انا:وي راني مليحة
Men: Are you blind
راجل:نتي عميا
Me: What do you say
انا:اش تقول انت
Men: Beware the next time
راجل؛رد بالك المرة الجاية
وتلفت باش يرجع لكرهبتو شنوة الدنيا سايبة شعرة لا قتلني ونبزني من الفوق و زادة يمشي بلا ما يعتذر رجعت خالطت عليه وقفتو قبل ما يمشي
Me: Hey you stop
انا:ايي انت اقف
تلفتلي وقحرلي قحرة متاع موت يستنا فيا نحكي
Me: He apologized to me immediately
انا:اطلب السماح فيسع
رجع ضحك بتمقصيص قحرتلو ورجعت نحكي
Me: He apologized to me what are you waiting for
انا:اطلب السماح فاش تستنا
Men: I will not apologize to the little girl
راجل:و انا منطلبش السماح من طفلة صغيرة
Me:what
انا:شنوة
Men: go now
راجل:امشي توا
كان يحكي معايا و يغزل و من ملامحو ظاهر لعصبي صحيح خفتو اما مش باش نمشي قبل ما ناخو حقي منو و اول شي مشا في بالي نقول الكل اللي نحب عليه اما بالتونسي هكا هو ميفهمش و انا نكون فرغت غشي
Me:okay But I'll tell you something
انا:باهي اما نحب نقلك شي
Men:okay
انا:اول ما نزلت من الكرهبة تضربت فيك على خاطر كنت تبان مزيان اما ظاهر فيك مفماش اخلاق كان المظاهر ياخي شنوة تسخايل في روحك اه واحد متكبر و متعجرف قال شنوة انا عمياء انت اللي اعمى مش انا انت اللي كنت باش تضربني بالكرهبة واحد مهبول و مريض..هزيت صباعي في وجهو نهدد فيه بالرغم لاقصر منو اما كان لازم نفرغ فيه غشي
-تعرف مع من راك تحكي بابا اكبر رجل اعمال هنا تفهم و مرة اخرى كان نلقاك في طريقي نعملك مشكلة قد راسك ياخي معلموكش كيف تطلب السماح وقت تغلط ابقا تطلع فيا كيف البهلول نعرف اللي انت ما فهمت شي اصلا بهيم كيفك اكيد ما يفهم بحتى لغة
بقا يشوف معايا لين كملت كلامي هزيت شعري على وجهي وجيت ماشية اما عاودت رجعت فيسع هزيت ساقي وضربتو بكل قوتي على ساقو
Men: aaa are you crazy
راجل:ااا نتي مهبولة
Me: No I'm blind
انا:لا انا عميا
رجع شدني من يدي جبدني ليه و كبس عليا بالقاوي و قحرلي قحرة موت