بعيد عن الديره وصل فهاد ومعه المها الي كانت دافنه راسها بحضنه وهي ترجف
اول ما وصل بعد راسها عنه واخذ يناظرها بابتسامه وهو ماسك وجهها
فهاد وصوته متغير من قربها:وشلون اقدر اعلمج على السلااح وانتي ترجفي من خوفج من الفرس... انتي وش انتي يا المها.. الي يشوفج اول ما جيتي على الهودج وتطلبي الي طلبتيه ما يقول انج انتي الي جالسه قدامي ترجف
المها:قليبي محروووق على اخووووي وابوووي مات من حرقة قلبه عليييه...النار بعدها قايده بصدري يا فهاااد
فهاد:عهدا علي اني اخذ بثااارج وبقلبه قال ليت انج تكلمتي معي بس
ناظرت المها فهاد وظلت عيونهم متشابكه لين ماتحركت الفرس ومسكت بيه بقو
نزل من على الفرس ونزلها معه
مشى لبعيد عنها يحاول يسيطر على مشاعره ووقف عود من الحطب ورجع لعندها
فهاد:تعالي
قربت منه
فهاد:اجلسي اهنيا
جلست المها وهي تناظره وهي متدري وش اتسوي
فهاد:امسكي الباروده ذي
المها:ارجااااك اتهقا اني راح اقدر والخوف يدب بصدري
زجرها:امسكي
مسكت المها الباروده وكانت تحس بيها ثقيله
فهااد:ترا دلع البنات ماودي بيه ودج الييوم تتعلمي زيين
هزت له راسها بالسمع والطاعه ووقف ومسك بارودته وصوبها للعود
فهاد:وهالحيين امسكيها مثل ماتشوفي
حاولت المها بالبدايه وكان الامر صعب عليها:ارجاااك يا فهاد
فهاد:تعالي واجلسي اهنيا
ومن بعد ما جلست قرب منها وحاوطها بيديه ومسكها الباروده وهو يورجيها اشلون تصوب الباروده
المها برجفه:يا فهاااد مقدر مقوا
فهاد:الامر بسيط اضغطي على الزناد
كان هو بعد يحاول ما يبين توتره من وجودها بقربه
صارت ترجف وهو محتويها لين ما ضغطت والطلقه راحت لفوق تركت الباروده والتفتت متخبيه بحضنه هو ما قدر غير انه يضحك بصوت عااالي
فهاد:ليييه هذي بدايتها صار جذا الله يعييين على تاليها
المها:ما ودي ما ودي
