أَلَا بِذِكْرِ اللَّهِ تَطْمَئِنُّ القُلوب

من يشكر

#من_أهم_بوستات_حياتي 💕   #أعظم_دروس_الحياة 💪
بنت بتسألني : ليه ربنا خلقني وحشة 😳.. و خلق فلانة حلوة
_ الإجابة :  الموضوع ده خطير جدا  ️🥇️🏆
موضوع ليه ربنا عمل كدة ؟
ليه ربنا خلقني فقير و فلان غني ... ليه أنا من أسرة بسيطة و ده طلع لقي نفسه من عيلة كبيرة ❓❗❗❗
ليه أنا أسمر و فلان أبيض .. ليه  .. ليه ... ليه .. ❓❗❗❗
_ طيب .. تعالوا بالراحة نتكلم
لازم نفهم عشر نقط مهمة :
1- الدنيا دار بلاء مش دار مكافأة و جزاء فمش ضروري يكون عندك ما تتمناه و ما تريده في الدنيا ... ممكن تتحرم من حاجات حلوة بتحبها و ممكن تكون عندك ... المهم إن الذي تتمناه لن يكتمل لك إلا في الجنة
2- الله يبتلي بالخير كما يبتلي بالشر .. قال تعالي " و نبلوكم بالشر و الخير فتنة .." الأنبياء
بمعني مش الفقير بس هو اللي مبتلي و الغني تمام .. لأ الغني برضه مبتلي بالغني .. مش الوحشة بس هي اللي في بلاء و الحلوة هي اللي في عافية .. لأ .. هي أيضا ابتلاها اله لكن بالجمال
إذن كلنا في حالة بلاء .. قال تعالي " الذي خلق الموت و الحياة ليبلوكم أيكم أحسن عملا " تبارك
3- أمور الدنيا أمور نسبية جدا .. بمعني مفيش فيها خير مطلق أو شر مطلق .. يعني مش ضروري الغني خير و الفقر شر .. و مش ضرورة الجمال خير و القبح شر .. و مش ضروري الصحة خير و المرض شر .. ممكن يكون العكس . يعني يكون الفقر لشخص هو الخير و لو كان غني كان حيكون شر ليه .. و إنك مش حلوة ده خير ليكي و لو كنت حلوة كان ممكن يكون شر ليكي
4- طالما الموضوع كدة يبقي مينفعش أقول ليه ربنا عمل كدة .. لأنه ممكن اللي أنت معترض عليه ده هو عين الخير لك .. لكنك لا تعلم الغيب .. و لو حصل ما تريده لكان شرا لك
5- طيب إيه المطلوب ؟ .. المطلوب لو الحاجة دي ممكن تغيرها غيرها مش مشكلة .. لو أنت فقير حاول تكون غني .. لو مريض اطلب الاستشفاء
6- في النهاية ستصل إلي أمور مش قادر تغيرها زي القبح أو اللون .. و أمور حاولت تغيرها سواء نجحت أو فشلت .. المهم أنت لوصلت لحالة معينة مش مهم ايه هي لكن المهم إنك لازم ترضي بما قسم الله لك
7- و المطلوب الأعظم إنك تؤدي حق الله في الحالة التي أنت عليها إن كان غني و جمال فعليك حقوق مادية و عليك شكر و بر و صلة .. و إن كان قبح و مرض فعليك صبر و رضي .. لو أديت حق ربنا يبقي أكيد اللي أنت فيه ده هو الخير
8- حشرحها ببساطة أكتر .. كأن كلنا في امتحان و اتوزع علينا أوراق امتحان مختلفة ( أ , ب , ج , د .. ) .. يا تري حتعمل ايه حتركز تحل ورقتك ولا حتقعد طول الامتحان تبص في ورقة اللي جنبك و تقول اشمعني هو خد الورقة دي .. لازم تبدأ تحل بسرعة .. لو حليت و نجحت يبقي الورقة دي كانت خير ليك .. لو محلتش يبقي الورقة دي كانت شر ليك .. تخيل طلبت ورقة اللي جنبك فخلوك تاخدها .. فلقيت فيها سؤال الدرس الوحيد اللي ماذكرتوش .. ايه رأيك ... حتزعل صح و تقول يارتني حليت ورقتي و نجحت
هي الدنيا كدة .. واحد معاه ورقة فقر و واحد معاه ورقة غني .. واحدة معاها ورقة جمال و واحدة معاها ورقة قبح ... لو إن الجميلة لم تشكر الله و جمالها خلاها تتبرج و تمشي مع ولاد ... و القبيحة قبحها خلاها منكسرة لله متواضعة عابدة طيبة محافظة علي حجابها راضية مهذبة مطيعة لزوجها .. فإيه رأيكم يا تري تتمني تكون جميلة
مش معني كدة إن الجميلة لازم تسقط .. لأ ممكن تؤدي حق الله بصيانة نفسها و أخلاقها فتنجح برضه
9- الخلاصة محدش عارف كان حيعمل ايه لو خد ورقة اللي جنبه .. فارض بورقتك و امتحانك و اجتهد جدا إنك تجاوب الإجابات اللي ترضي ربنا و متبصش في ورقة اللي جنبك .. المهم نطلع من الدنيا دي و احنا ناجحين و هنالك في الجنة سيكون لنا المال و الجمال و البنون و كل ما نتمناه .. لكن أن نمضي حياتنا نتمني ورقة اللي جنبنا .. فلا نحن أخذناها ولا نجحنا في ورقتنا فخسرنا الدنيا و الآخرة
10- اقرأ سورة (ص) .. حتلاقي ربنا قال عن سيدنا سليمان الملك الغني ( نعم العبد إنه أواب)(الآية 30 ) .. و قال عن سيدنا أيوب في حال فقره و مرضه ( نعم العبد إنه أواب ) (الآية 44 ) .. فهمتني ؟ .. مش مهم حالتك إيه .. ركز إنك تكون نعم العبد .. و إن ربنا يحبك .. و أقسم بالله لو أحبك سيرضيك بما أنت عليه في الدنيا و سيبهرك بما أعده لك في الآخرة
#أعظم_درس_في_الحياة  💕💕

اعمل اشاره لأصحابك