أَلَا بِذِكْرِ اللَّهِ تَطْمَئِنُّ القُلوب

يوم عرفااات *هااام جدا ادخل

النهارده عرفة = يوم العمر
يعني مطلوب منك تعمل إيه؟
اول حاجة ١- الصيام :
عندما سئل النبي عن صيام يوم عرفة قال:( يكفر السنة الماضية والسنة القابلة)
٢- تحفظ سمعك وبصرك ولسانك
يعني لو قدرت تقضي اليوم بين البيت و المسجد أو أي عمل صالح تبقى فزت بإذن الله
النبي قال : (إن هذا يوم من ملك فيه سمعه وبصره ولسانه غفر له).
٣- الدعااااء
النبي قال: (خير الدعاء دعاء يوم عرفة )
اقعد دلوقتي جهز كل اللي نفسك فيه من خيري الدنيا والآخرة
متضيعش ولا لحظة
قسم دعواتك عشان متتشتتش
١-دعوات للدنيا و ٢-دعوات الآخرة و ٣-دعوات لمن تحب
١-للآخرة:
نفسك تكون إنسان صالح
إنسان متدين قريب من الله
نفسك تخشع في صلاتك وتحسن إقامتها
نفسك تحفظ كلام ربك وتفهمه وتعمل بيه
نفسك ربنا يستعملك لنصرة دينه
نفسك ربنا يهديك ويأخذ بقلبك إليه
نفسك في قلب سليم
نفسك ربنا يتوب عليك من المعاصي أو من معصية معينة مش قادر تسيبها
نفسك ترزق بحسن الخاتمة
نفسك قبرك يبقى روضة من رياض الجنة
نفسك تدخل الجنة بغير حساب ولا عذاب
نفسك تشوف النبي و تحشر معه
نفسك تشوف الله جل جلاله
نفسك في الفردوس الأعلى ..

٢-دعوات للدنيا .. ادعي بالتفصييييل .اطلب كل اللي انت عايزه
نفسك تتجوز .. نفسك تتخرج .. نفسك تنجح.. نفسك تتفوق نفسك تنجب من البنين والبنات ..
نفسك ف صحبة صالحة ..
عندك مشكلة في شغلك... في دراستك .. في عملك ...
عندك أزمة مالية أو أسرية..
متخانق مع زوجتك أو زعلانة من زوجك..
خايف على عيالك ونفسك ربنا يحفظهم وتأمن حياتهم ومستقبلهم..
نفسك تكون حياتك أفضل أو تحسن من مؤهلاتك أو وظيفتك
نفسك ربنا يشفيك..
خايف من حاجة .. بتتمنى حاجة..

٣-دعوات لمن تحب :
اكتب اسامي صحابك وقرايبك وأهل الفضل عليك وأهل الحقوق عليك ومن وصاك بالدعاء..
خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه وأنه يغفر لهم ويجمعكم في الجنة
ومتنساش تدعي لمن مات ولم يدرك اليوم مثلك
وتدعي للمسلمين ولأمة الإسلام ..
وأن يفرج عن إخوانك المستضعفين في المشارق والمغارب
أن يفتح لهذه الأمة وأن يفرج كربها.

ولا تنسوني من صالح دعائكم .