#فصليه_ملوك

5

#فصليه_ملوك
#الجزء5
#بقلمي
ام آيه
#اماسي_الليل

عمه مصطفى تحجي ويا وتبسبس واني اسمع شويه من حجيهم..سئلته اخذتها وكسرت خشمها
مصطفى:اي عمه شلون لعد والا اطيح حظها واذلها.
عفيه باابن الغالي ،تستاهل المذله حركوا كلوبنا على ابوك...
صبيت الجاي وحطيته كدامهم وعثرت رجلي بالطبله وانطش الجاي شويه..
عمته:عمه متشوفين
مصطفى :بعصبيه وين سارحه الله ثاولج حطي الجاي و ولي للغرفه..
انطيتهم الجاي ورحت لغرفتي وطبيت وبقيت ابجي بحركه واندب حضي..
مصطفى:تقصدت اصيح على عسل حتى اخلص من عمتي وفضولها، وعمتي جانت رايدتني لبتها واكثر من مره لمحتلي واني اجاوبها مافكر بالزواج حاليا..
العمه:بعد مااطمئن كلبي شلون ذالها بتعامله ،كمت اريد اروح لبيتي لان وقت غده..
مصطفى:عمه ابقي اتغدي يمنه
لا صطوفي دروح اصبلهم،وانت سلملي على امك وامركم غير وكت،مع السلامه
مع السلامه عمه
مصطفى :سديت باب الشارع وبالي يم عسل كلش حسيت نفسي غثيتها رحت كبل للغرفه ودخلت بدون استاذان..شفتها تبجي وعيونها حمر..
مصطفى:اني اسف عسل بس اني مفهمج السالفه من الاول ، ولان انتي فصليه وميصير اعاملج بااحترام كدامهم ، عادت وتقاليد كلش متخلفه بس منكدر نغيرها..
ثاني شغله عمتي ذابحه نفسها وتريد تزوجني بتها واني مااقبل لان شايفها مثل اختي ومتملي عيني فاتحملي ياعيني هيه 30 يوم طار يوم بقت 29...
#اماسي_الليل
عسل:كلامه الحلو واسلوبه الراقي كدر يمتص غضبي
ان شاء الله تعدي هاي 30 يوم على خير..
مصطفى :باابتسامه خفيفه ،سامحتيني
عسل:بهمس ان شاءالله
مصطفى :ديله عيني بدون امر تعالي صبينا غده بين مااجيب امي واصيح نوفل..
عسل:حضرت الغده وصبيت وكعدت على الميز بالمطبخ انتظرهم..
مصطفى جاب خاله وجان كايدها وفات وياه ولد يطلع عمره 15 سنه باوعلي بطرف عين ومسلم عليه، انتبهله مصطفى وكله تعامل عسل بااحترام وبدون قله ادب لان هيه ميخصها مو اخوها الي دعم المرحوم ترى هاي بنت عمه للولد الي كتلته انت ..
نوفل:شلونج عسل اني نوفل
عسل:بخير تشرفت بيك
قربت الاكل كدام خالتي وكتلها خاله اكلي تره مو زين تتمرضين ، باعتلي وابتسمت خفيف وعيونها مغوركه بالدموع.
ام مصطفى: ما اشتهي ، بنتي عسل انزعي الاسود ولبسي ملون لان انتي عروس وفال مو حلوو على رجلج مصطفى ..
عسل:حاضر خاله انزعه بس بشرط تاكلين بالاول..
قبلت تاكل ،وبديت اني احطلها الاكل واسويلها لكم زغار مالت لحم وخضره واحطها بحلكها
عسل:انتبهت على مصطفى يباوع عليه وعيونه كلها رضا على تصرفي،الحمدلله، نوفل حسيته طيب مثل مصطفى وان شاءالله يكمل الاتفاق وتعدي على خير،رادت خاله تكوم ،كتلها خاله اكعدي راح اسويلج جاي مهيل ..
جبت الجاي وانطيتها استكان وكالتلي صبيلي الثاني بدون زحمه،جاوبتها امر خاله..
خلص النهار وكلمن راح بفراشه اني نمت بالغرفه ومصطفى اخذ فراشه وراح بالهول ونوفل وامه يدرون بالاتفاق انو زواجنا على الورق وبعد شهر يطلكني،و يبقى يعاملني بجفاء كدام العالم..
عسل:مرت اسبوع واني يمهم واحنه على حالنا وحياتنه طبيعيه مصطفى ابد ميعوفني وبده يحجيلي على حياته ودراسته وشنو يحب وشنو يكره ،واني هم بديت احجي ويا بكلشي وبديت ارتاح بالكلام ويا لان هو انسان مثقف كلش واسلوبه الهادئ يمتص غضبي وقهري.
وخاله بدت تطلع من حالتها وعزلتها وكامت تكعد ويانه وتسولف..
ونوفل كلش حباب وفطير كلب وباع ميانه ويايه بسرعه..
وبقينا عادي من يجينا خطار يغيرون تعاملهم ويعاملوني بقسوه ومن يروحون الخطار يرجعون لطبيعتهم ،واتعودت اني لان اتفاق وكمت ما انقهر ..
صباح الخير خاله ليش مكعدتيني من وكت اساعدج..
لابنيتي كافي صار اسبوع مبتليه وحدج ،حضرت الجاي والريوك ،روحي كعدي مصطفى بين مانوفل يجي راح يجيب الصمون .
صار خاله من عيوني
رحت للهول جان اظلم بس فايت بصيص ضوه وضارب على وجه مصطفى وشكله وهو نايم يجنن مااعرف شنو حسيت اشو صار يومين مشاعري مخربطه وما اعرف شلون كمت افسر اهتمام مصطفى ،تقربت منه وصحت مصطفى مصطفى ميكعد وبدون وعي حطيت ايدي على خده وبهمس مصطفى...
فز وشافني كلش قريبه منه وارتبك،راسا بعدت نفسي وكتله اصيحلك ومتحس عليه ،يله صباح الخير كوم اتريك خاله سوت الريوك اليوم..
صباح النور كام يعدل فراشه لابس كيمونه وبرموده وشكله يجنن ،عوف الفراش اني ارتبه روح غسل..
لا عسل ماريد اتعبج
تعبك راحه اني المه
راح غسل واني لميت فراشه والمخده ريحتها تجنن بيها عطره لا اراديا شميتها شبيه اني تخبلت...
مصطفى:شبيها عسل معقوله دتحس تجاهي بمشاعر مختلفه ،لا لا اوهام ،من يوم الي طبت بيتنا واني حسيت تجاها بمشاعر ،بس اني قطعتلها وعد اعوفها ،ولازم انتبه على تصرفاتي ماريد ادخل بدوامه نغرك بيها اثنيناتنه.
عسل:رحت للمطبخ وانجمعنا على الريوك ولمحت يباوعلي من جوه لجوه واني اخجل ومن انتبه عليه يسوي نفسه مويمي..
ام مصطفى:مصطفى حبيبي روح اتسوك خالتك ميعاد باجر تجينه من كركوك دتاخذ من خاطري وراح يبقون كم يوم..