#فصليه_ملوك

8

#فصليه_ملوك
#الجزء8
#بقلمي
ام آيه
#كروب_اماسي_الليل

مصطفى:صبتلي عسل العشه واتعشيت وسبحت وارتاحيت وكعدت وياهم بالهول وسوالف..
حسيت نفسي تعبان كلش وجان اسبوعي حيل متعب لان بوسط الاسبوع نزلت للبصره لصحه البصره وقابلت الاستاذ ورجعت وتعمدت ماروح للبيت لان ادري بنفسي اتأذه واذي عسل..
كتلهم وبضحك يله عوفولي الهول حتى افرش وانام..
ام مصطفى:نام بغرفتي يمه غراضكم بعدها هناك لان اني مرتاحه بغرفتك لان مضرب شمس وتفيد عظامي...
ام مصطفى:بداخلي حسيت اكو انسجام بين مصطفى وعسل وهسه اجه دوري اقوي هذا الانسجام لان البنيه بنت اوادم وابني حسيته متفاهم وياها...
مصطفى :رحت للغرفه وبديت افرغ بملابسي واعدل غراضي،طبت عسل للغرفه ورايه..
عسل: شفته ديفرغ جنطته وبتعجب شعجب دترتبها مو رايح عكب باجر
مصطفى:اي ان شاءالله ، بس ذني مااحتاجهن عندي هناك غيرهن ..
عسل:زين هذا الباكيت الجبير هم تفرغه
مصطفى :لا هذا بريد اريد اوصله،بداخلي كذبت عليها لان هاي كتبي ومراجعي بس ماريد اريح كلبها واكوللها انقلت..
اني نايم بالكاع وهيه بالجربايه
كتلها عسل الاجازه الجايه يخلص اتفاقنا وكلمن يروح لسبيله وترجعين لحياتج المتعوده عليها وتخلصين من عيشتنه يابنت الملوك..
#اماسي_الليل
عسل:اسمعه يحجي واني دايره وجهي ومجاوبته كلشي ودموعي تجري بصمت ..
بداخلي لو تدري شكد عاجبتني عيشتي واتمنى اكمل حياتي وياك..
ثاني يوم كعدت ومصطفى يكعدني مهوس ويصيح واني كمت افرك بعيني ومحسيت الا واحد حضني وشالني،اول مره اكون قريبه منه حيل وجسمي كله ارتخه من جسمه لامس جسمي..
حس على روحه وخجل ونزلني  مبروك ناجحه ومعدلج 97،7  هسه نزلت نتيجتج وطلعتها من النت..
عسل:بجيت من الفرحه ومصدكت!! صدك تحجي معقوله !!!..الحمدلله ياربي مضاع تعبي،خاله واكفه تتفرج علينه وتضحك وحضنتني وباركتلي وكالتلي انتي ورده وتستاهلين كل الخير ياجنتي الحلوه..
خجلت من خاله وحسيتها تريدنا نتقرب من بعض من البارحه...
تريكنا وكملنا ومصطفى كعد يمي وكلي شراح تقدمين قبول...وشنو بنفسج تدخلين يا كليه
عسل:بنفسي اروح طب بس معدلي ميجيب طب بغداد..
مصطفى :بس تنقبلين طب البصره كالها بخجل وابتسامه
عسل:لاوين مااكدر اعيش بعيد عن اهلي ومترهم ،الله كريم منا للتقديم..
عسل:هسه اني عازمتكم اجيبلكم عشه من بره على حسابي حلاوه النجاح..راسا مصطفى خزرني وكال لا ميصير..
عسل:حسيته ضاج عباله راح اتصرف بفلوس ماما،حتى الطف الجوو..كتله
200 الف الي نطيتنيتها بعدها بس دزيت نوفل جابلي كارت ابو 10  والباقي مضموم..
مصطفى:من حجت هيج فرحت ،وكتلها اذا هيج نقبل عزيمتج..
وطلبنا عشا دليفري وحلويات وتعشينا وتونسنا بيومها كلش..
رحنا نمنا واني ضايجه لان الصبح راح يروح..سالته شنو تريد احضرلك ملابس
مصطفى:ماكو داعي لان عندي غيارات كامله هناك،راح اوقت تلفوني 4 الفجر يادوب الحك
عسل:كعدني اسويلك ريوك
مصطفى:ماكو داعي اتاذه بالطريق من اتريك
عسل:الله عليك كعدني اسلم عليك
مصطفى:ان شاءالله
مصطفى:كعدت ساعه 7 وربع وطلعت بسكوت بدلت بالهول ورحت للمستشفى..
عسل:فزيت ساعه 10 الا ربع ومصطفى مو بفراشه ومت من القهر وحتى بجيت وشفت ورقه يم راسي مكتوب بيها
(كعدتج ونومج ثكيل ياتنبوله،لنا لقاء قريب ديري بالج على نفسج ...وامي ونوفل امانه يمج )
طلعت من الغرفه وعيوني حمر من البجي وصارت خاله بوجهي
ام مصطفى:طلعت عسل وعيونها حمره مبينه شبعانه بجي،اني ادري بنقله مصطفى وحتى نوفل يدري بس مصطفى فهمني يريد يفاجئها.
عسل:خاله مصطفى ماخابرج وصل لو لا
اي حبيبتي وصل الحمدلله
الحمدلله
خاله اني راح اكمل شغلي وافوت للغرفه حاسه نفسي تعبانه حيل
اسم الله عليج يمه خو ما مصطفى غثج قبل ليروح
لا خاله وين اكو منه لمصطفى بس اني مرهقه..
ام مصطفى:يمه عسوله دوسي على نفسج اليوم لان عدنا ناس على الغده رتبي نفسج ..
منو الناس خاله؟؟؟
مره كرابتي من بعيد راح تجي تتغده يمي ورتبي نفسج وحطي شي خفيف بوجهج..
خاله شلون مو اني احترم حزنكم..
يمه بنيتي الحزن بالكلب وانتي شنو ذنبج هم عروس وبنفسج كلشي..
ان شاءالله خاله من عيوني ..
كملت شغلي وطبيت سبحت ولبست كلابيه تركواز خليجي مرتبه كلش وفتحت شعري وخليت شي خفيف بوجهي ..
ام مصطفى:صلوات على النبي كامله مكمله حبيبتي
عسل:خجلتيني خاله مااوصل لجمال وطيبه كلبج
عسل:كاعدين بالهول ومااشوف الا واحد واكف وحاط كبال وجه باكيت كيك،هاي انت مصطفى وضحكتي وابتسامتي متر هاي شرجعك
كلهم بقوا يضحكون واني مثل الاطرش بالزفه..
عسل هاي كيكه حلاوه نقلتي للبصره..
لابربك صدك تحجي الله عليك..
اي والله واليوم اول يوم دوام الي بالمستشفى..
ياا الف مبروك يعني بعد ماكو روحه للناصريه؟؟
اي عيني على كلوبكم ولو انتي اسبوع وتعوفينا وتروحين يابنت الملوك...
عسل :دمعت عيني وطلعت كبل من الهول بحجه رحت اصب غده..
خاله:ليش مصطفى هيج كلتلها وقهرتها والله حاسه بيها تحبك مثل ماانته تحبها وحتى اليوم كعدت مورمه عيونها من البجي ومالها خلك واني قنعتها ترتب نفسها وكلتلها مثل مااتفقنا